ట్రంప్ ‘స్కాం’ దెబ్బ‌: 2 వారాల క‌నిష్టానికి బిట్ కాయిన్!!

ట్రంప్ ‘స్కాం’ దెబ్బ‌: 2 వారాల క‌నిష్టానికి బిట్ కాయిన్!!| బిట్ కాయిన్ స‌హా ఇత‌ర డిజిట‌ల్ క‌రెన్సీల‌పై అమెరికా మాజీ అధ్య‌క్షుడు డొనాల్డ్ ట్రంప్ ‘స్కాం’....

July 23, 2021 / 05:54 PM IST

లండ‌న్‌: క్రిప్టో క‌రెన్సీ మేజ‌ర్ బిట్ కాయిన్ స‌హా ఇత‌ర డిజిట‌ల్ క‌రెన్సీల‌పై అమెరికా మాజీ అధ్య‌క్షుడు డొనాల్డ్ ట్రంప్ ‘స్కాం’ విమ‌ర్శ తీవ్రంగానే ప్ర‌భావం చూపిన‌ట్లు క‌నిపిస్తున్న‌ది. మంగ‌ళ‌వారం నుంచి మొద‌లైన డౌన్ ట్రెండ్ బుధ‌వారం కూడా సాగింది.

బిట్ కాయిన్ విలువ 3.22 శాతం త‌గ్గి బుధ‌వారం ఉద‌యం 7.30 గంట‌ల‌కు రెండు వారాల క‌నిష్టానికి ప‌డిపోయి 32,592.33 డాల‌ర్ల‌కు చేరుకున్న‌ది. త‌ద్వారా బిట్ కాయిన్ నెమ్మ‌దిగా 30 వేల డాల‌ర్ల దిశ‌గా దౌడ్ తీస్తున్న‌ది. జ‌న‌వ‌రి నుంచి ఇటువంటి డౌన్ ట్రెండ్ క‌నిపించ‌లేదు.

గ‌తేడాది చివ‌రి నుంచి వాల్ స్ట్రీట్ బ్యాంక్స్ మొద‌లు టెస్లా సీఈవో ఎల‌న్ మ‌స్క్ వంటి సెల‌బ్రిటీలు, ప్రొఫెష‌న‌ల్ ఇన్వెస్ట‌ర్లు ఆస‌క్తి చూప‌డంతో బిట్ కాయిన్ విలువ పురోభివ్రుద్ధి దిశ‌గా సాగింది. గ‌తేడాది నుంచి ఈ ఏడాది ఏప్రిల్ వ‌ర‌కు బిట్ కాయిన్ సుమారు 800 శాతం ల‌బ్ధి పొందింది.

గ‌త ఏప్రిల్‌లో రికార్డు స్థాయిలో బిట్ కాయిన్ 64,870 డాల‌ర్ల స్థాయిని తాకింది. కానీ అక్క‌డ నుంచి బిట్ కాయిన్ విలువ ప‌త‌నం దిశ‌గా ప్ర‌యాణం ప్రారంభించింది. ప‌ర్యావ‌ర‌ణ రిస్క్ ఉన్న నేప‌థ్యంలో త‌మ టెస్లా కార్లను కొనుగోలు చేసేవారి నుంచి బిట్ కాయిన్ల‌ను స్వీక‌రించ‌బోమ‌ని ప్ర‌క‌టించ‌డంతో దీనికి క‌ష్టాలు మొద‌ల‌య్యాయి.

సెకండ్ క్రిప్టో క‌రెన్సీ ఏథ‌ర్ సైతం బుధ‌వారం ట్రేడింగ్‌లో 5.82 శాతం న‌ష్ట‌పోయి 2,446.88 డాల‌ర్ల వ‌ద్ద నిలిచింది. బిట్ కాయిన్‌తో పోలిస్తే మ‌రో క్రిప్టో క‌రెన్సీ డోస్ కాయిన్ క్ర‌మంగా పెరుగుతూ వ‌చ్చింది. గ‌త నెల‌లో సుమారు 70 సెంట్ల‌కు చేరుకున్నా.. ప్ర‌స్తుతం 31 సెంట్ల వ‌ద్ద ట్రేడ‌వుతున్న‌ది.