చైనాలో ఉయ్గార్ ముస్లింలపై దారుణాల‌కు వ్యతిరేకంగా న్యూజిలాండ్ పార్లమెంటు ప్రతిపాదన

బ్రిటన్ తర్వాత ఇప్పుడు న్యూజిలాండ్ ప్రభుత్వం.. చైనాకు వ్యతిరేకంగా గ‌ల‌మెత్తింది. చైనాలో ఉయ్గార్‌ ముస్లింలపై జరిగిన దారుణాలకు వ్యతిరేకంగా పార్లమెంటులో ఏకగ్రీవంగా తీర్మానాన్ని ఆమోదించారు

May 5, 2021 / 07:01 PM IST

చైనాలో ఉయ్గార్ ముస్లింలపై దారుణాల‌కు వ్యతిరేకంగా న్యూజిలాండ్ పార్లమెంటు ప్రతిపాదన

వెల్లింగ్టన్: బ్రిటన్ తర్వాత ఇప్పుడు న్యూజిలాండ్ ప్రభుత్వం.. చైనాకు వ్యతిరేకంగా గ‌ల‌మెత్తింది. చైనాలో ఉయ్గార్‌ ముస్లింలపై జరిగిన దారుణాలకు వ్యతిరేకంగా పార్లమెంటులో ఏకగ్రీవంగా తీర్మానాన్ని ఆమోదించారు. ఉయ్గార్లపై జరిగిన దారుణాలకు సంబంధించి న్యూజిలాండ్ ఏసీటీ పార్టీ ఈ ప్రతిపాదనను పార్లమెంటులో ప్రవేశపెట్టింది. ఈ ప్రతిపాదనపై అన్ని పార్టీలు చర్చించాయి. అనంత‌రం అంద‌రి సమ్మతితో ఈ ప్ర‌తిపాద‌న‌ను ఆమోదించారు.

రెండు రోజుల క్రితం ఆక్లాండ్‌లో జ‌రిగిన చైనా బిజినెస్ మీట్‌లో న్యూజిలాండ్ ప్ర‌ధాని జెసిండా అర్డెర్న్ స్వ‌రం పెంచారు. జిన్జియాంగ్‌లో మాన‌వ హ‌క్కుల ఉల్లంఘ‌న‌పై చైనాపై నేరుగా విమ‌ర్శ‌లు చేశారు. ఇప్ప‌టికే అమెరికా, బ్రిట‌న్‌, ఆస్ట్రేలియా వంటి దేశాలు ఉయ్గార్‌పై జ‌రుగుతున్న దారుణాల‌కు వ్య‌తిరేకంగా ఆందోళ‌న వ్య‌క్తం చేశారు. ఇప్పుడా వ‌రుస‌లో న్యూజిలాండ్ చేరింది.

పశ్చిమ జిన్జియాంగ్‌లోని ఉయ్గార్ ముస్లిం జనాభా దోపిడీకి గురవుతున్న చైనా విధానాలపై ప్రభుత్వం చర్యలు తీసుకోవాలని విజ్ఞప్తి చేస్తూ గత నెలలో బ్రిటిష్ చట్టసభ సభ్యులు పార్లమెంటరీ తీర్మానాన్ని ఆమోదించారు. యూఎస్, కెనడా వంటి దేశాలు జిన్జియాంగ్‌లో చైనా చర్యలను మారణహోమం అని పేర్కొన్నాయి.