భారత ప్రయాణికులపై నిషేధం పొడగించిన ఫిలిప్పీన్స్‌

భారత ప్రయాణికులపై నిషేధం పొడగించిన ఫిలిప్పీన్స్‌ | భారత్‌తో సహా ఏడు దేశాల నుంచి వచ్చే ప్రయాణికులపై విధించిన నిషేధాన్ని ఫిలిప్పీన్స్‌ ప్రభుత్వం జూన్‌ 15వ తేదీ వరకు పొడగించింది.

మలీనా : భారత్‌తో సహా ఏడు దేశాల నుంచి వచ్చే ప్రయాణికులపై విధించిన నిషేధాన్ని ఫిలిప్పీన్స్‌ ప్రభుత్వం జూన్‌ 15వ తేదీ వరకు పొడగించింది. భార‌త్‌, పాక్‌, నేపాల్‌, బంగ్లాదేశ్‌, శ్రీలంక, ఒమన్‌, యూఏఈ నుంచి ప్రయాణికులపై నిషేధం పొడగించినట్లు ఫిలిప్పీన్స్ ప్రభుత్వం సోమవారం పేర్కొంది. కొవిడ్‌-19 జాతీయ టాస్క్‌ఫోర్స్‌ సిఫారసు మేరకు ఏడు దేశాల నుంచి వచ్చే ప్రయాణికులపై ఆంక్షలను పొడగించేందుకు అధ్యక్షుడు రోడ్రిగో ఆమోదం తెలిపారని ఆయన ప్రతినిధి హ్యారీ రోక్ చెప్పారు.

భారత్‌లో తొలిసారిగా గుర్తించిన B.1.617 డబుల్‌ మ్యూటెంట్‌ వేరియంట్‌ నేపథ్యంలో ఇంతకు ముందు ఏప్రిల్‌ 31 నుంచి మే 31 వరకు ఏడు దేశాలపై ఫిలిప్పీన్స్ బ్యాన్‌ విధించింది. ప్రస్తుతం కరోనా ఉధృతి కొనసాగుతున్న నేపథ్యంలో మరో 15 రోజుల పాటు బ్యాన్‌ను పొడగించింది. ఇదిలా ఉండగా.. ఫిలిప్పీన్స్‌లో నిన్న 6,684 కరోనా కేసులు రికార్డయ్యాయి. వీటితో మొత్తం కేసుల సంఖ్య 12,30,301కు చేరుకుంది. వైరల్ వ్యాధితో మరో 107 మంది రోగులు మరణించడంతో.. మృతుల సంఖ్య 20,966కు పెరిగింది.

ఇవి కూడా చదవండి..

ఈ నెల 9 వ‌ర‌కు యాదాద్రిలో ద‌ర్శ‌నాల నిలిపివేత‌

ఈ- మెయిల్‌ హ్యాక్‌ చేసి.. స్నేహితుడిగా నమ్మించి

12-15 ఏళ్ల వారికి ‘ఫైజర్‌’ టీకాకు జపాన్‌ ఓకే..

ఫ్రెంచ్‌ ఓపెన్‌ నుంచి తప్పుకున్న నవోమి ఒసాకా

తెలంగాణలో నేటి నుంచి బ్యాంకుల పనివేళల మార్పు

దేశంలో 21.58 కోట్ల వ్యాక్సిన్‌ డోసుల పంపిణీ

ఉమ్మడి ఏపీ మాజీ సీఎస్‌ ఎస్‌వీ ప్రసాద్‌ కన్నుమూత