‘పండుటాకులకు పింఛన్ కరువు’

ఎన్నికల సమయంలో 57 ఏళ్లకే ఆసరా పింఛన్లు అందిస్తామని రేవంత్‌రెడ్డి ఇచ్చిన హామీ ఏమైందని సీపీఐ ఎంఎల్ న్యూడెమోక్రసీ నాయకుడు పున్నంచంద్ ప్రభుత్వాన్ని ప్రశ్నించారు. పండుటాకులకు పింఛన్ కరవైందన్నారు. ఇటీవల ప్రభుత్వం వితంతువులు...

బూర్గంపహాడ్, అక్టోబర్ 26 : ఎన్నికల సమయంలో 57 ఏళ్లకే ఆసరా పింఛన్లు అందిస్తామని రేవంత్‌రెడ్డి ఇచ్చిన హామీ ఏమైందని సీపీఐ ఎంఎల్ న్యూడెమోక్రసీ నాయకుడు పున్నంచంద్ ప్రభుత్వాన్ని ప్రశ్నించారు. పండుటాకులకు పింఛన్ కరవైందన్నారు. ఇటీవల ప్రభుత్వం వితంతువులు, వికలాంగులు, ఒంటరి మహిళలు తదితర వారికి పింఛన్ కోసం దరఖాస్తులు చేసుకోవాలని చెప్పి వృద్ధులను మరిచిందని వృద్ధాప్య దరఖాస్తులను సైతం ఆన్‌లైన్ చేయాలని పేర్కొన్నారు. వృద్ధులు పింఛన్ల కోసం ప్రభుత్వం ఇచ్చిన హామీల కోసం ఎంత కాలం ఎదురుచూడాలన్నారు. వృద్ధాప్యంలో ఆర్ధిక స్వావలంబన కరవై కుటుంబ సభ్యులపై ఆధారపడాల్సిన పరిస్థితుల్లో కనీస పింఛన్ అందకపోవడం ఆవేదనకు గురిచేస్తుందన్నారు. వృద్ధాప్య పింఛన్లకు ప్రభుత్వం ఆన్‌లైన్ అవకాశం కల్పించాలని, ఇప్పటికే దరఖాస్తు చేసుకున్న వారి అర్హతలను పరిశీలించి పెండింగ్ సమస్యకు పరిష్కారం చూపాలని ఆయ‌న డిమాండ్ చేశారు.