Rahul Gandhi | ప్ర‌ధాని మోదీతో ఆ మాట చెప్పండి నిర‌స‌న‌లు 30 సెకన్‌ల‌లో ఆగిపోతాయి.. వ్యాపారుల లేఖ‌పై రాహుల్‌గాంధీ..!

Rahul Gandhi | స‌ర్ (SIR) పేరుతో ఓట్ల‌ చోరీకి వ్యతిరేకంగా ఢిల్లీలోని రామ్‌లీలా మైదానం (Ramleela Maidan) లో నవంబర్ 1న ప్ర‌తిప‌క్ష‌ ఇండియా కూటమి (INDI bloc) ఆధ్వర్యంలో చేపట్టనున్న నిరసనను వాయిదా వేయాలని స్థానిక వ్యాపార వర్గాలు విజ్ఞప్తి చేస్తున్నాయి. దీపావళి పండగ (Diwali Fest) నేపథ్యంలో తమ వ్యాపారాలు దెబ్బతింటాయని ఆందోళన వ్యక్తంచేస్తూ ఇటీవల కాంగ్రెస్‌ అగ్రనేత రాహుల్‌ గాంధీ (Rahul Gandhi) కి లేఖ రాశాయి.

Rahul Gandhi : స‌ర్ (SIR) పేరుతో ఓట్ల‌ చోరీకి వ్యతిరేకంగా ఢిల్లీలోని రామ్‌లీలా మైదానం (Ramleela Maidan) లో నవంబర్ 1న ప్ర‌తిప‌క్ష‌ ఇండియా కూటమి (INDI bloc) ఆధ్వర్యంలో చేపట్టనున్న నిరసనను వాయిదా వేయాలని స్థానిక వ్యాపార వర్గాలు విజ్ఞప్తి చేస్తున్నాయి. దీపావళి పండగ (Diwali Fest) నేపథ్యంలో తమ వ్యాపారాలు దెబ్బతింటాయని ఆందోళన వ్యక్తంచేస్తూ ఇటీవల కాంగ్రెస్‌ అగ్రనేత రాహుల్‌ గాంధీ (Rahul Gandhi) కి లేఖ రాశాయి. ఈ లేఖ‌పై ఆయన తాజాగా ‘ఎక్స్‌’ వేదికగా స్పందించారు.

ఢిల్లీలోని ప్రతి వ్యాపారి మాటను తాము వింటున్నామని, వారి సమస్యలను అర్థం చేసుకుంటున్నామ‌ని రాహుల్‌గాంధీ అన్నారు. అయితే
మెట్రోలను ప్రభుత్వమే నిలిపివేసిందని, రోడ్లనూ మూసివేసిందని, దేశ రాజధానిని లాక్‌డౌన్‌లో ఉంచిందని విమ‌ర్శించారు. ఓట్లనే చోరీ చేస్తే.. ఇక మీ దుకాణాలు, సేవింగ్స్‌, పిల్లల భవిష్యత్తు.. ఏదీ సురక్షితం కాదని అన్నారు. సీఈసీ జ్ఞానేశ్‌ కుమార్‌ను తొలగించాలని ప్రధాని నరేంద్ర మోదీతో చెప్పాలని, అప్పుడు 30 సెకన్లలోనే ఈ నిరసనలన్నీ ఆగిపోతాయని వ్యాపారులను ఉద్దేశించి రాహుల్‌ గాంధీ పేర్కొన్నారు.

దీపావళి పండగ సీజన్‌లో ఢిల్లీలో పెద్దఎత్తున వ్యాపార కార్యకలాపాలు జరుగుతాయని ‘ఛాంబర్ ఆఫ్ ట్రేడ్ అండ్ ఇండస్ట్రీ (CTI)’ పేర్కొన్న‌ది. అయితే నవంబర్‌ 1న చేపట్టే నిరసన కారణంగా రామ్‌లీలా మైదానం పరిసరాల్లో దాదాపు రూ.10 వేల కోట్ల వ్యాపారంపై ప్రభావం పడవ‌చ్చని అంచనా వేసింది. ఈ నేపథ్యంలో నవంబర్‌ 10 తర్వాత నిరసనలు నిర్వహించాలని కోరుతూ రాహుల్‌ గాంధీకి లేఖ రాసింది.