మెహుల్‌ చోక్సీకి ఎదురుదెబ్బ.. బెయిల్ ఇచ్చేందుకు డొమినికా కోర్టు నిరాకరణ

మెహుల్‌ చోక్సీకి ఎదురుదెబ్బ.. బెయిల్ ఇచ్చేందుకు కోర్టు నిరాకరణ | పంజాబ్‌ నేషనల్‌ బ్యాంకు కుంభకోణంలో ఆరోపణలు ఎదుర్కొంటూ పారిపోయిన వజ్రాల వ్యాపారి మెహుల్‌ చోక్సీకి ఎదురుదెబ్బ తగిలింది.

రోజౌ : పంజాబ్‌ నేషనల్‌ బ్యాంకు కుంభకోణంలో ఆరోపణలు ఎదుర్కొంటూ పారిపోయిన వజ్రాల వ్యాపారి మెహుల్‌ చోక్సీకి ఎదురుదెబ్బ తగిలింది. ఆయనకు బెయిల్‌ ఇచ్చేందుకు డొమినికా హైకోర్టు నిరాకరించింది. డొమినికాతో తనకు ఎలాంటి సంబంధాలు లేవని, దేశం విడిచి పారిపోనని ఇచ్చిన హామీని పరిగణలోకి తీసుకోలేదు. తన సోదరుడితో కలిసి ఉంటానని కోర్టుకు తెలుపగా.. అది స్థిర నివాసం కాదని పేర్కొంది.

చోక్సీపై ఇంకా విచారణ ప్రారంభం కాలేదని గుర్తించిన కోర్టు.. ఇరుపక్షాల వాదనలు విన్నత తర్వాత న్యాయమూర్తి బెయిల్‌ ఇవ్వకూడదని నిర్ణయించారు. బెయిల్‌ కోసం కోర్టు ఎదుట బలమైన పూచీకత్తును ఇవ్వలేదని, విదేశాలకు పారిపోయే అవకాశం ఉండడంతో కోర్టు బెయిల్ ఇచ్చేందుకు నిరాకరించిందని ఆంటిగ్వా న్యూస్‌ రూమ్‌ పేర్కొంది. పంజాబ్‌ నేషనల్‌ బ్యాంకు కుంభకోణంలో రూ.13,500 కోట్ల రుణం ఎగవేత కేసులో నిందితుడిగా ఉన్న మెహుల్‌ చోక్సీ 2018లో భారత్‌ విడిచి ఆంటిగ్వా బార్బుడాకు పారిపోయిన విషయం తెలిసిందే.

మే 23న విందు కోసం వెళ్లిన చోక్సీ ఆ తర్వాత డొమినికాలో కనిపించాడు. డొమినికాలోకి చోక్సీ అక్రమంగా ప్రవేశించినట్లు పోలీసులు అభియోగాలు మోపారు. ఆంటిగ్వా నుంచి భారత్‌కు రప్పించేందుకు సీబీఐ, ఈడీ అధికారులు ప్రయత్నాలు చేస్తున్న సమయంలో క్యూబా పారిపోయేందుకు ప్రయత్నిస్తున్న సమయంలోనే డొమినికాలో పట్టుబడినట్లు తెలుస్తోంది. అయితే, ఆంటిగ్వా బీచ్‌ నుంచి కిడ్నాప్‌ చేసి డొమినికాకు తీసుకువచ్చారని చోక్సీ ఆరోపించారు.

ఇవి కూడా చదవండి..

కేంద్ర క్యాబినెట్లో మార్పులు?

లక్షమందితో హెల్త్‌ఆర్మీ

శ్రీశైలం, మహానందిలో దర్శన వేళల్లో మార్పులు

నేడు జీఎస్‌టీ కౌన్సిల్‌ సమావేశం

13 మంది నక్సలైట్ల లొంగుబాటు

ఫ్రెంచ్‌ ఓపెన్‌ ఫైనల్లో జొకోవిచ్‌