Jawans Killed | జమ్ముకశ్మీర్‌లో ఉగ్రవాదుల ఘాతుకం.. మందుపాతర పేలి ఇద్దరు జవాన్‌ల దుర్మరణం

Jawans Killed | జమ్ముకశ్మీర్‌ (Jammu and Kashmir) లో మందుపాతర (IED) పేలి ఇద్దరు జవాన్‌లు (Soldiers) దుర్మరణం పాలయ్యారు.

February 11, 2025 / 07:08 PM IST

Jawans Killed | జమ్ముకశ్మీర్‌లో ఉగ్రవాదుల ఘాతుకం.. మందుపాతర పేలి ఇద్దరు జవాన్‌ల దుర్మరణం

Jawans Killed : జమ్ముకశ్మీర్‌ (Jammu and Kashmir) లో ఉగ్రవాదులు (Terrotists) మరోసారి ఘాతుకానికి పాల్పడ్డారు. అక్నూర్‌ (Akhnoor) సరిహద్దుల్లో మందుపాతర (IED) పేలి ఇద్దరు జవాన్‌లు (Soldiers) దుర్మరణం పాలయ్యారు. మంగళవారం మధ్యాహ్నం ఈ పేలుడు సంభవించింది. ఈ ఘటనలో మరో ముగ్గురు జవాన్‌లకు తీవ్ర గాయాలయ్యాయి. ఘటన అనంతరం భద్రతా బలగాలు భారీ సంఖ్యలో అక్కడికి చేరుకుని ఉగ్రవాదుల కోసం గాలింపు చేపట్టాయి.

కాగా, ఇటీవల ఉత్తర కశ్మీర్‌లోని బందిపొర జిల్లాలో ప్రమాదవశాత్తు ఆర్మీ వాహనం లోయలో పడి ఇద్దరు జవాన్‌లు ప్రాణాలు కోల్పోయారు. ఈ ప్రమాదంలో కూడా ముగ్గురు జవాన్‌లు గాయపడ్డారు. సైనికులు వెళ్తున్న వాహనం ఎస్కే పయీన్‌ ప్రాంతంలో మలుపు తిరుగుతుండగా రోడ్డుపై నుంచి జారిపడింది. ఈ ఘటనను మరువకముందే ఇప్పుడు మందుపాతర పేలి ఇద్దరు జవాన్‌లు మరణించారు.