Vande Bharat | వందే భారత్‌ రైల్లో ఫుడ్‌ని ఫైవ్‌స్టార్‌ హోటల్‌ టేస్ట్‌తో పోల్చిన ఇన్‌ఫ్లుయెన్సర్.. నెట్టింట విమర్శలు

Vande Bharat | ఓ ట్రావెల్ ఇన్‌ఫ్లుయెన్సర్ (Travel Influencer) వందే భారత్‌ రైల్లో అందించే ఫుడ్‌ను ఫైవ్‌ స్టార్‌ హోటల్‌లోని (5 Star Hotel) ఆహారంతో పోల్చి నెట్టింట విమర్శల పాలవుతున్నారు.

Vande Bharat | కేంద్రం ఎంతో ప్రతిష్టాత్మకంగా ప్రవేశపెట్టిన సెమీస్పీడ్‌ వందేభారత్‌ (Vande Bharat) ఎక్స్‌ప్రెస్‌ రైళ్లలో అందించే ఆహారంపై గత కొన్ని రోజులుగా ప్రయాణికులు అసంతృప్తి వ్యక్తం చేస్తున్న విషయం తెలిసిందే. సాధారణ రైళ్లలో కంటే వందేభారత్‌లో ధర ఎక్కువగా ఉన్నప్పటికీ ఫుడ్‌ మాత్రం సరిగా ఉండటం లేదని.. పాచిపోయిన, పురుగులు పడిన ఆహారం వచ్చిందంటూ ప్రయాణికుల నుంచి ఇప్పటికే ఫిర్యాదులు వెల్లువెత్తుతున్నాయి. ఈ నేపథ్యంలో ఓ ట్రావెల్ ఇన్‌ఫ్లుయెన్సర్ (Travel Influencer) వందే భారత్‌ రైల్లో అందించే ఫుడ్‌ను ఫైవ్‌ స్టార్‌ హోటల్‌లోని (5 Star Hotel) ఆహారంతో పోల్చి నెట్టింట విమర్శల పాలవుతున్నారు.

శశాంక్‌ గుప్తా అనే ఎక్స్‌ వినియోగదారు ఇటీవలే ఉదయ్‌పూర్‌ – ఆగ్రా వందే భారత్‌ రైల్లో ప్రయాణించారు. ఈ సందర్భంగా రైల్లో పెట్టిన భోజనానికి సంబంధించిన ఫొటోను ఎక్స్‌లో పోస్టు చేశారు. మెనూలో పోహా, కట్‌లెట్‌, పరాటా, పెరుగు, సబ్జీ, డెజర్ట్‌ ఉన్నాయి. ఈ ఫొటో షేర్‌ చేసిన సదరు ఇన్‌ఫ్లుయెన్సర్ ‘ఉదయ్‌పూర్‌ నుంచి ఆగ్రా వరకూ 20981 నంబర్‌ గల వందే భారత్‌ రైల్లో ప్రయాణించాను. ఈ రైల్లో అందించిన ఫుడ్‌ టేస్ట్‌.. ఏ ఫైవ్‌ స్టార్‌ హోటల్‌ కంటే తక్కువ కాదు’ అంటూ రాసుకొచ్చారు. మరో పోస్ట్‌లో ‘సోషల్‌ మీడియా, ఇన్‌ఫ్లుయెన్సర్స్‌’ కోసం ఏర్పాటు చేసిన ప్రత్యేక కోచ్‌ వద్ద నిలబడిన ఫొటోను కూడా పంచుకున్నారు. ప్రత్యేక కోచ్‌ ఏర్పాటు చేసినందుకు రైల్వే మంత్రి అశ్విని వైష్ణవ్‌, డీఆర్‌ఎం లక్నో, రైల్వే మంత్రిత్వ శాఖకు కృతజ్ఞతలు తెలిపారు.

Today I traveled in train no -20981 Udaipur Agra Vande Bharat express from Udaipur to Agra and the food in this train was no less than any five star hotel in terms of taste.
Thankyu @RailMinIndia @IRCTCofficial @AshwiniVaishnaw @AshwiniVaishnaw pic.twitter.com/gFOh5QJN4H

— Shashank Gupta (@shashan0058641) September 2, 2024

ఈ పోస్ట్‌ చూసిన నెజటిన్లు శశాంక్‌ను తీవ్ర స్థాయిలో ట్రోల్స్‌ చేస్తున్నారు. వందే భారత్‌ రైల్లోని ఫుడ్‌ని ఫైవ్‌ స్టార్‌ హోటల్‌ టేస్ట్‌తో పోల్చడంపై విమర్శిస్తున్నారు. ఆయన అభిప్రాయం సరైంది కాదని వ్యాఖ్యానిస్తున్నారు. ఈ సమీక్షను పోస్ట్‌ చేసేందుకు అతనికి డబ్బు చెల్లించి ఉంటారని పలువురు అభిప్రాయపడుతున్నారు. ‘ఏ రకంగ ఇది ఫైవ్‌ స్టార్‌ ఫుడ్‌ టేస్ట్‌ అనిపిస్తోంది’, ‘ఎవరైనా ముందు మిమ్మల్ని మంచి రెస్టారెంట్‌కు తీసుకెళ్లాలి..!’, ‘మీరు లగ్జరీ ఫైన్‌ డైనింగ్‌ స్పేస్‌లో ఎప్పుడూ తినలేదనుకుంటా..’ అంటూ తీవ్ర స్థాయిలో విమర్శలు చేస్తున్నారు. ప్రస్తుతం శశాంక్‌ ట్వీట్‌ వైరల్‌ అవుతోంది. దీనిపై ఐఆర్‌సీటీసీ కూడా స్పందించింది. ఫుడ్‌ రివ్యూపై సంతోషం వ్యక్తం చేస్తూ.. ఇన్‌ఫ్లుయెన్సర్‌కు ధన్యవాదాలు తెలిపింది.

Someone has to take you to a nice restaurant, urgently!

— Claudia (@claudiainbombay) September 3, 2024

I can conclude that you have never eaten inside luxury fine dining spaces

— Bondasoopu (@Bondasoopu) September 3, 2024

Also Read..

Suresh Raina | రామ్‌చరణ్‌ నా ఫేవరెట్‌.. ఆయనో డిఫరెంట్‌ యాక్టర్‌ : సురేశ్‌ రైనా

Wrestlers | కాంగ్రెస్‌లోకి వినేశ్‌ ఫోగట్‌, బజరంగ్‌ పునియా..? నేడు రాహుల్‌తో భేటీ అయిన స్టార్‌ రెజ్లర్లు

NV Ramana | వరద సహాయార్థం తెలుగు రాష్ట్రాలకు మాజీ సీజేఐ జస్టిస్‌ ఎన్వీ రమణ విరాళం