సురక్షిత ప్రయాణానికి పోలీసుల ఆభయం
గద్వాల పట్టణంలో శ్రీకారం
గద్వాల న్యూటౌన్, మార్చి 31 : ఆటోల్లో నిర్భయం గా ప్రయాణించేందుకు పోలీసు శాఖ భరోసా కల్పిస్తున్న ది. ఎలాంటి అనుమానం వచ్చినా వెంటనే పోలీసు కం ట్రోల్ రూంకు సంకేతాలు అందేలా సాంకేతిక పరిజ్ఞానాన్ని వినియోగించుకుంటున్నారు. జోగుళాంబ గద్వాల జిల్లా పోలీస్ శాఖ ఆధ్వర్యంలో ఆటోలకు క్యూఆర్ కోడ్ విధానాన్ని అమల్లోకి తీసుకొచ్చారు. ప్రతి ఆటోకు సం బంధించిన పూర్తి సమాచారం పోలీసుల వద్ద ఉండేలా సరికొత్త విధానాన్ని రూపొందించారు. గద్వాల పట్టణం లో సుమారు 450 ఆటోలు ఉండగా.. 230 ఆటోలకు క్యూఆర్ కోడ్ అతికించారు. ఆటోలో ప్రయాణించే వారి కి ఎలాంటి అనుమానం వచ్చినా.. డ్రైవర్ వెనుక సీటుకు ఉన్న క్యూఆర్ కోడ్ను స్కాన్ చేసి సందేశం పంపితే చా లు.. ఆటో వెళ్లే మార్గంతో సహా కంట్రోల్ రూంలో దర్శనమిస్తుంది. ఆటో యజమాని, డ్రైవర్ పేరు తెలిసేలా సరికొత్త విధానానికి శ్రీకారం చుట్టారు. అడ్రస్, సెల్నంబర్తో సహా పూర్తి వివరాలు పోలీసుల వద్ద నిక్షిప్తమై ఉ న్నాయి. క్యూఆర్ కోడ్ను ఆటోకు ముందు, వెనుక భా గంలో క్రమసంఖ్య నంబర్తో స్టిక్కర్లు అతికిస్తున్నారు.
స్కాన్ చేయడం ఎలా..?
స్మార్ట్ఫోన్లో ప్లేస్టోర్కు వెళ్లి ముందుగా క్యూఆర్ కోడ్ స్కాన్ యాప్ను డౌన్లోడ్ చేసుకోవాలి. ఆటోలో ప్ర యాణించే సమయంలో డ్రైవర్ నుంచి ప్రమాదం పొంచి ఉందనుకుంటే.. ఆటోలో ఉన్న క్యూఆర్ కోడ్ను స్కాన్ చేయాలి. ఆ తర్వాత jgdsafegadi.com అని వస్తుం ది. క్లిక్ చేస్తే కంప్లెయింట్, ఎమర్జెన్సీ, స్టేటస్, ఆటో డిటెయిల్స్ ఆప్షన్లు వస్తాయి. ఆపదలో ఉన్నప్పుడు ఎమర్జెన్సీ ఆప్షన్ని క్లిక్ చేస్తే.. డయల్-100, ట్రాఫిక్ పోలీసు, జిల్లా పోలీసు నెంబర్లు కనిపిస్తాయి. వాటికి ఫో న్ చేస్తే పోలీసు కంట్రోల్ రూంకు కనెక్ట్ అవుతుంది. ఆటోకు సంబంధించిన పూర్తి వి వరాలతోపాటు ఏ రూట్లో వెళ్తుందో తెలిసిపోతుంది. పోలీసులు ఆ రూట్లో వెళ్లి ప్రయాణికుల ను కాపాడే ఆస్కారం ఉంటుంది.