Delhi Metro | ఢిల్లీ మెట్రోలో పాము అంటూ పుకారు.. మహిళల కోచ్‌లో గందరగోళం.. VIDEO

Delhi Metro | ఢిల్లీ మెట్రో మరోసారి వార్తల్లో నిలిచింది. మహిళల కోచ్‌లో పామ్‌ ఉందంటూ పుకారు రావడంతో గందరగోళ పరిస్థితి (Massive Chaos Inside Ladies Coach) నెలకొంది.

June 20, 2025 / 01:40 PM IST

Delhi Metro | ఢిల్లీ మెట్రోలో పాము అంటూ పుకారు.. మహిళల కోచ్‌లో గందరగోళం.. VIDEO

Delhi Metro | ఢిల్లీ మెట్రో మరోసారి వార్తల్లో నిలిచింది. కొన్ని అసభ్యకర ఘటనలతో ఇటీవలే ఢిల్లీ మెట్రో (Delhi Metro) తరచూ వార్తల్లో నిలుస్తున్న విషయం తెలిసిందే. నిత్యం రద్దీగా ఉండే మెట్రో రైలులో ప్రయాణికుల చేష్టలు, అక్కడ చోటుచేసుకునే వింత పోక‌డ‌లకు సంబంధించిన వీడియోలు (Viral Video) త‌ర‌చూ సోష‌ల్ మీడియాలో వైర‌ల్‌గా మారుతున్నాయి. అసభ్యకర చేష్టలు, ముద్దుసీన్లు, డ్యాన్స్ రీల్స్, ఘర్షణలు వంటి వీడియోలు చర్చకు దారితీశాయి. తాజాగా ఢిల్లీ మెట్రో రైలులో గందరగోళ పరిస్థితి (Massive Chaos Inside Ladies Coach) నెలకొంది.

మహిళల కోచ్‌లో పామ్‌ ఉందంటూ పుకారు రావడంతో ప్రయాణికులు ఒక్కసారిగా భయాందోళనకు గురయ్యారు. ఈ పుకారుతో మహిళలు గట్టిగట్టిగా కేకలు వేస్తూ, సీట్లపై దూకుతూ బీభత్సం సృష్టించారు. అందులోని ఓ ప్రయాణికుడు ఈ తతంగాన్నంతా వీడియో తీసి సోషల్‌ మీడియాలో పోస్టు చేయగా.. అదికాస్తా వైరల్‌గా మారింది. అయితే, వైరల్‌ వీడియోలో పాము మాత్రం కనిపించలేదు. సంఘటన జరిగిన ఖచ్చితమైన ప్రదేశం కూడా తెలియదు. మెట్రో రైలులో గందరగోళానికి సంబంధించిన వీడియో మాత్రం వైరల్ అవుతోంది.