Heavy Rain Alert | తమిళనాడు రాష్ట్రంలోని పలు జిల్లాల్లో నేడు భారీ వర్షాలు కురుస్తాయని (Heavy Rain Alert) భారత వాతావరణ శాఖ (IMD) హెచ్చరించింది. ఈ మేరకు ఎల్లో అలర్ట్ జారీ చేసింది. ఐఎండీ హెచ్చరికలు అధికార యంత్రాంగం చర్యలు చేపట్టింది.
రాజధాని చెన్నై (Chennai) సహా తిరువళ్లూరు, కాంచీపురం, చెంగల్పట్టు, కడలూరు, మైలదుత్తురై, నాగపట్నం, తంజావూరు, తిరువారూర్, పుదుక్కోట్టై, రామనాథపురం, విల్లుపురం జిల్లాలతోపాటు పుదుచ్చేరి, కరైకల్ ప్రాంతాల్లో మంగళవారం భారీ వర్షాలు కురిసే అవకాశం ఉందని ఐఎండీ అంచనా వేసింది. ఐఎండీ హెచ్చరికల నేపథ్యంలో అధికార యంత్రాంగం అప్రమత్తమైంది. చెన్నై జిల్లా కలెక్టర్ రష్మీ సిద్ధార్థ్ జగాడే.. మహా నగరంలోని అన్ని పాఠశాలలకు నేడు సెలవు ప్రకటించారు (Schools remain closed).
Tamil Nadu: In light of the heavy rain forecast, holiday has been declared for all schools in Chennai today: District Collector Rashmi Siddharth Zagade
As per IMD, heavy rain is likely to occur at isolated places over Chennai, Tiruvallur, Kancheepuram, Chengalpattu, Cuddalore,…
— ANI (@ANI) November 12, 2024
కాగా, నవంబర్ 15 వరకూ పలు జిల్లాలకు ఐఎండీ వర్ష సూచన చేసింది. ఈ నెల 12వ తేదీ వరకూ 12 జిల్లాలకు, నవంబర్ 13న 17 జిల్లాలకు, నవంబర్ 14న 27 జిల్లాలకు నవంబర్ 15న 25 జిల్లాల్లో వర్షాలు కురిసే అవకాశం ఉందని తెలిపింది. ఈ మేరకు ఆయా జిల్లాలకు ఎల్లో అలర్ట్ జారీ చేసింది.
Also Read..
Air Pollution | కాలుష్య కోరల్లో ఢిల్లీ.. దీర్ఘకాలిక పరిష్కారానికై స్థానికుల డిమాండ్
Mike Waltz | అమెరికా జాతీయ భద్రతా సలహాదారుగా మైక్ వాల్జ్..!
Shah Rukh Khan | షారుక్ ఖాన్కు బెదిరింపులు.. న్యాయవాది అరెస్ట్