Hijack | తుర్కియే నుంచి భారత్కు బయలుదేరిన ( India bound ship) ఒక సరకు రవాణా నౌకను యెమెన్కు చెందిన హౌతి తిరుగుబాటుదారులు (Iran-backed Houthi rebels) ఎర్ర సముద్రం (Red Sea)లో హైజాక్ చేసిన విషయం తెలిసిందే. ఈ నౌక హైజాక్కు సంబంధించిన వీడియో ప్రస్తుతం వైరల్ అవుతోంది. ఈ వీడియోలో హౌతి తిరుగుబాటుదారులు షిప్ను ఎలా హైజాక్ చేశారో స్పష్టంగా కనిపిస్తోంది. ముందుగా హెలికాప్టర్తో ‘గెలాక్సీ లీడర్’ (Galaxy Leader) నౌకను వెంబడించిన హౌతి రెబల్స్.. నౌక డెక్పై ల్యాండయ్యారు. తుపాకులు చేతపట్టి నౌకలోకి దిగి గాల్లోకి కాల్పులు జరిపారు. అనంతరం లోపలికి ప్రవేశించి షిప్ను పూర్తిగా తమ ఆధీనంలోకి తీసుకున్నారు. తర్వాత దానిని యెమెన్ తీర ప్రాంతానికి తరలించారు.
Footage of Houthi forces hijacking the ship Galaxy Leader in the Red Sea yesterday. pic.twitter.com/PSFLpV4FLA
— OSINTtechnical (@Osinttechnical) November 20, 2023
మొత్తం 50 మంది నావికా సిబ్బందితో వస్తున్న ఈ నౌకలో ఇజ్రాయెల్ సహా వివిధ దేశాలకు చెందిన వారున్నారు. అయితే ఇందులో భారతీయులు ఉన్నదీ లేనిదీ తెలియరాలేదు. బ్రిటిష్ కంపెనీకి చెందిన ఈ నౌకను జపాన్కు చెందిన కంపెనీ నిర్వహణా బాధ్యతలు చూస్తున్నది. ఈ హైజాక్ను ఇజ్రాయెల్ దేశం తీవ్రంగా ఖండించింది. కాగా, ఇరాన్ మద్దతు ఉన్న హౌతీలు ఎర్ర సముద్రంలో ఇజ్రాయెల్ సంబంధిత నౌకలను లక్ష్యంగా చేసుకుని దాడులు చేస్తున్నారు. హమాస్పై ఇజ్రాయెల్ దాడులు ఆపనంత వరకు తాము కూడా నౌకలపై దాడులు కొనసాగిస్తూనే ఉంటామని హౌతీలు స్పష్టం చేశారు.
Also Read..
US Navy plane | రన్వేపై అదుపుతప్పి సముద్రంలోకి దూసుకెళ్లిన భారీ విమానం.. సిబ్బంది సేఫ్
Rasgulla | పెళ్లిలో రసగుల్లా కోసం కొట్లాట.. ఆరుగురికి గాయాలు
Chiranjeevi | ఆయన వ్యాఖ్యలు అసహ్యంగా ఉన్నాయి.. త్రిషకు మద్దతుగా నిలిచిన మెగాస్టార్ చిరంజీవి