Manohar Lal Khattar | సార్వత్రిక ఎన్నికలు సమీపిస్తున్న వేళ హర్యానా రాజకీయాల్లో అనూహ్య పరిణామాలు చోటు చేసుకుంటున్నాయి. ముఖ్యమంత్రి (Haryana Chief Minister) పదవికి మనోహర్ లాల్ ఖట్టర్ (Manohar Lal Khattar) మంగళవారం ఊహించని విధంగా రాజీనామా చేసిన విషయం తెలిసిందే. తాజాగా ఆయన తన ఎమ్మెల్యే పదవికి కూడా రాజీనామా చేశారు (hattar resigns as MLA).
ఖట్టర్ కర్నాల్ అసెంబ్లీ నియోజకవర్గం నుంచి రాష్ట్ర అసెంబ్లీకి ప్రాతినిథ్యం వహిస్తున్న విషయం తెలిసిందే. 2014 నుంచి ఆయన ఇదే స్థానం నుంచి గెలుపొందుతూ వస్తున్నారు. 2019లో కూడా ఇదే నియోజకవర్గం నుంచి గెలుపొంది రాష్ట్ర సీఎంగా బాధ్యతలు చేపట్టారు. అయితే, లోక్సభ ఎన్నికలు సమీపిస్తున్న తరుణంలో ఆయన అనూహ్య నిర్ణయాలు తీసుకున్నారు. నిన్న ముఖ్యమంత్రి పదవికి రాజీనామా చేసిన ఖట్టర్.. నేడు ఎమ్మెల్యేగా కూడా రిజైన్ చేసేశారు. అయితే, బీజేపీ అధిష్ఠానం తనకు ఏ బాధ్యత అప్పగించినా అంకితభావంతో పనిచేస్తానని ఈ సందర్భంగా మనోహర్ లాల్ ఖట్టర్ తెలిపారు.
#WATCH | Former Haryana CM Manohar Lal Khattar says, “…I announce today that I am resigning from the post of MLA from Karnal Assembly seat. Now from today, our CM Nayab Saini will take over the responsibility of Karnal Assembly…” pic.twitter.com/UGstOJV3oG
— ANI (@ANI) March 13, 2024
కాగా, ఖట్టర్ రాజీనామాల వెనుక బలమైన కారణాలే ఉన్నాయని స్థానికంగా చర్చ జరుగుతోంది. కర్నాల్ లోక్సభ నియోజకవర్గం నుంచి ఖట్టర్ను కమలం పార్టీ బరిలోకి దింపే యోచనలో ఉందని ఊహాగానాలు వినిపిస్తున్నాయి. ఇందుకోసమే ఆయన సీఎం పదవికి రాజీనామా చేసినట్లు తెలుస్తోంది.
ముఖ్యమంత్రి (Haryana Chief Minister) పదవికి మనోహర్ లాల్ ఖట్టర్ ఊహించని విధంగా రాజీనామా చేయడంతో.. రాష్ట్రంలో కొత్త ప్రభుత్వం ఏర్పాటు అనివార్యమైంది. దీంతో సాయంత్రానికే హర్యానాలో కొత్త ప్రభుత్వం కొలువుదీరింది. స్వతంత్రుల మద్దతుతో రాష్ట్రంలో బీజేపీ కొత్త ప్రభుత్వాన్ని ఏర్పాటు చేసింది. బీజేపీ కొత్త శాసనసభాపక్ష నేతగా ఆ పార్టీ హర్యానా అధ్యక్షుడు నాయబ్ సింగ్ సైనీ (Nayab Saini)ని బీజేపీ ఎమ్మెల్యేలు ఏకగ్రీవంగా ఎన్నుకున్నారు. దీంతో మంగళవారం సాయంత్రం హర్యానా కొత్త ముఖ్యమంత్రిగా సైనీతో గవర్నర్ బండారు దత్తాత్రేయ ప్రమాణస్వీకారం చేయించారు. ఈ నేపథ్యంలో సైనీ నేడు రాష్ట్ర అసెంబ్లీలో బలపరీక్షను (Floor Test) కూడా నెగ్గి ప్రభుత్వాన్ని నిలబెట్టుకున్నారు.
Also Read..
Uniform Civil Code Bill | ఉత్తరాఖండ్ ఉమ్మడి పౌరస్మృతి బిల్లుకు రాష్ట్రపతి ఆమోదం
Nayab Singh Saini: బలపరీక్షలో నెగ్గిన హర్యానా కొత్త సీఎం
Pakistan President | తీవ్ర ఆర్థిక సంక్షోభంలో పాక్.. జీతం తీసుకోరాదని అధ్యక్షుడు జర్దారీ నిర్ణయం..!