కొవిడ్ వార్డులోనూ పుస్త‌కాల‌తో కుస్తీ.. కానీ ప‌రీక్ష‌లు వాయిదా
పుస్త‌కాల‌తో కుస్తీ | చార్ట‌ర్డ్ అకౌంటెంట్ ప‌రీక్ష‌ల‌కు సిద్ధ‌మ‌వుతున్న వేళ అత‌నికి క‌రోనా పాజిటివ్‌గా నిర్ధార‌ణ అయింది. త‌న‌కు క‌రోనా సోకింది క‌దా అని అల‌స‌త్వం వ‌హించ‌లేదు.
భువ‌నేశ్వ‌ర్ : చార్ట‌ర్డ్ అకౌంటెంట్ ప‌రీక్ష‌ల‌కు సిద్ధ‌మ‌వుతున్న వేళ అత‌నికి క‌రోనా పాజిటివ్‌గా నిర్ధార‌ణ అయింది. త‌న‌కు క‌రోనా సోకింది క‌దా అని అల‌స‌త్వం వ‌హించ‌లేదు. కొవిడ్ వార్డులోనూ పుస్త‌కాల‌తో కుస్తీ ప‌ట్టాడు. కానీ సీఏ ప‌రీక్ష‌లు వాయిదా ప‌డ్డాయి. ఈ సంఘ‌ట‌న ఒడిశా గంజాం జిల్లాలోని బెర్హంపూర్‌లో వెలుగు చూసింది.
బెర్హంపూర్‌కు చెందిన ఓ విద్యార్థి సీఏ ప‌రీక్ష‌ల‌కు సిద్ధ‌మవుతున్నాడు. ఇటీవ‌లే ఆ యువ‌కుడికి క‌రోనా పాజిటివ్‌గా నిర్ధార‌ణ కావ‌డంతో బెర్హంపూర్‌లోని ఎంకేసీజీ మెడిక‌ల్ కాలేజీ ఆస్ప‌త్రిలోని కొవిడ్ వార్డులో చేరి చికిత్స పొందుతున్నాడు. ఆ కొవిడ్ వార్డును గంజాం జిల్లా క‌లెక్ట‌ర్ విజ‌య్ కులంగే సంద‌ర్శించారు. ఈ స‌మ‌యంలో స‌ద‌రు విద్యార్థి పుస్త‌కాలు చ‌దువుతున్నాడు. చుట్టూ ఉన్న పుస్త‌కాలు, క్యాలికులేట‌ర్ చూసి క‌లెక్ట‌ర్ ఆశ్చ‌ర్య‌పోయాడు. విష‌యం ఏంటి అని ఆరా తీయ‌గా, తాను సీఏ ఎగ్జామ్స్‌కు ప్రిపేర్ అవుతున్నాని క‌లెక్ట‌ర్‌కు విద్యార్థి తెలిపాడు. మొత్తానికి ఆ విద్యార్థి ఫోటోను త‌న కెమెరాలో బంధించి ట్వీట్ చేశారు క‌లెక్ట‌ర్. మీ అంకిత‌భావం మీ బాధ‌ను మ‌రిచిపోయేలా చేస్తుంద‌ని క‌లెక్ట‌ర్ అన్నారు.
సీఏ ప‌రీక్ష‌లు వాయిదా
అయితే సీఏ ఇంట‌ర్, ఫైన‌ల్ ప‌రీక్ష‌లు వాయిదా ప‌డ్డాయి. క‌రోనా ఉధృతి, విద్యార్థుల ఆరోగ్యం దృష్ట్యా ప‌రీక్ష‌ల‌ను వాయిదా వేస్తున్న‌ట్లు ఇన్‌స్టిట్యూట్ ఆఫ్ చార్ట‌ర్డ్ అకౌంటెంట్స్ ఆఫ్ ఇండియా(ఐసీఏఐ) ప్ర‌క‌టించింది. ప‌రీక్ష‌లు నిర్వహించ‌డానికి క‌నీసం 25 రోజుల ముందు తేదీలు ప్ర‌క‌టిస్తామ‌ని వెల్ల‌డించింది. షెడ్యూల్ ప్ర‌కారం మే 21న ఈ ప‌రీక్ష‌లు జ‌ర‌గాల్సి ఉన్న‌ది.
ఇవికూడా చదవండి..
కీల‌క నిర్ణ‌యం.. ఆ దేశంలో బుర్ఖాపై నిషేధం
కూతురితో మాట్లాడుతున్నాడ‌ని కాళ్లు, చేతులు నరికేశారు..
సీనియ‌ర్ జర్నలిస్టు శ్రీధ‌ర్ మృతి బాధాకరం : మంత్రి హరీశ్‌ రావు
అల్లు అర్జున్‌కు క‌రోనా పాజిటివ్‌..!
నోస్టాక్‌ బోర్డు.. అయినా టీకా కోసం బారులుతీరిన జనం
కరోనాతో మాజీ మంత్రి కన్నుమూత
మ‌హారాష్ర్ట‌లో ఎన్‌కౌంట‌ర్‌.. ఇద్ద‌రు న‌క్స‌ల్స్ హ‌తం
Read Today's Latest National News in Telugu and Telugu News
- Follow Us :
-
