న్యూఢిల్లీ : సోషల్ మీడియాలో యాక్టివ్గా ఉంటూ తరచూ ఆలోచన రేకెత్తించే పోస్టులతో పాటు ఆహ్లాదకరమైన వీడియోలను (Viral Video) షేర్ చేసే కార్పొరేట్ దిగ్గజం ఆనంద్ మహీంద్ర లేటెస్ట్గా ఓ వండర్ వీడియోను షేర్ చేశారు. చుట్టూ పచ్చని పరిసరాలు, కొండలు, ఆహ్లాదకర వాతావరణంలో పర్వతం అంచు నుంచి వేలాడుతున్న ట్రాన్స్పరెంట్ రూమ్ వీడియోను ఆయన నెట్టింట షేర్ చేశారు.
ఈ అద్భుతమైన రూంలో తాను ఉంటానో లేదో అని సందేహించారు. అంచనాకు అందని వాతావరణ పరిస్ధితి..భారీ వర్షాలను అందుకు కారణంగా పారిశ్రామిక దిగ్గజం పేర్కొన్నారు. మామూలుగా ఈ అద్భుత డిజైన్ నన్ను ఆకట్టుకుంది..వాతావరణ పరిస్ధితులు..వర్షాల ప్రభావంతో తాను ఈ ప్రదేశంలో ఓ రాత్రి గడుపుతానని చెప్పలేనని ఈ పోస్ట్లో ఆనంద్ మహీంద్ర రాసుకొచ్చారు.
Ordinarily, I would have marveled at this beautiful design but with the unpredictable fury & impact of the rains now being evident around the world, I’m not sure I’d sign up for a night in this space! pic.twitter.com/ao9XC6EHxF
— anand mahindra (@anandmahindra) July 12, 2023
వాతావరణ మార్పులతో ప్రపంచమంతటా పలు ప్రాంతాలను వర్షాలు వణికిస్తున్నాయి. న్యూయార్క్లోని హడ్సన్ వ్యాలీలో పోటెత్తిన వరద ఇండ్లను ముంచెత్తి భారీ నష్టాన్ని మిగల్చగా, చైనాలోనూ వరదల తీవ్రతకు వేలాది మంది నిరాశ్రయులయ్యారు. ఇక భారత్లో హిమాచల్ ప్రదేశ్ సహా పలు రాష్ట్రాల్లో వరద నీటితో ఇండ్లు, పొలాలు, రహదారులు నీట మునిగాయి. పెద్దసంఖ్యలో ప్రాణనష్టం సంభవించగా కోట్లాది రూపాయల ఆస్తి నష్టం వాటిల్లింది.
Read More :