Tomato Price Hike | ధరలు ఆకాశాన్ని తాకుతున్న వేళ.. టమాటాలకు బదులు వంటల్లో వీటిని ట్రై చేయండి

Tomato Price Hike | నిజమే, టమాట ధరలు కొండెక్కాయి. కాదు కాదు, హిమాలయాల మీదెక్కి కూర్చున్నాయి. కొనలేం. తినలేం. అలా అని ఆ పుల్లపుల్లని రుచినీ మరిచిపోలేం. మాయాబజార్‌ సినిమాలో ఘటోత్కచుడు నకిలీ శశిరేఖను సృష్టించినట్టు మనం టక్కరి టమాటాను కనిపెట్టాలి.

Tomato Price Hike | నిజమే, టమాట ధరలు కొండెక్కాయి. కాదు కాదు, హిమాలయాల మీదెక్కి కూర్చున్నాయి. కొనలేం. తినలేం. అలా అని ఆ పుల్లపుల్లని రుచినీ మరిచిపోలేం. మాయాబజార్‌ సినిమాలో ఘటోత్కచుడు నకిలీ శశిరేఖను సృష్టించినట్టు మనం టక్కరి టమాటాను కనిపెట్టాలి. అది దగ్గర దగ్గరగా టమాట రుచినే ఇవ్వాలి. ఘనత వహించిన మెక్‌ డొనాల్డ్స్‌ వారే..

‘క్విట్‌ టమాట’ నినాదం ఇచ్చారు. మిడిల్‌క్లాస్‌ జీవులం, జానాబెత్తెడు జీతగాళ్లం మనమెంత? అందులోనూ ఇది ఎన్నికల సీజన్‌. ఫిరాయింపులు మామూలే. తాత్కాలికంగా టమాటాను బహిష్కరించి, చోటామోటా నేతల్లాంటి దినుసుల్ని కిచెన్‌ క్యాబినెట్‌లో చేర్చుకుంటే సరిపోతుంది.

చింతపులుసు : ఏం ఫర్వాలేదు. టమాటాకు బదులుగా చింతపులుసుతో చారు పెట్టుకోవచ్చు. రుచికి తాజా తాజా కొత్తిమీర కుమ్మరిస్తే సరి.

ఉసిరి: ఆరోగ్య సిరి. మిగతా రోజుల్లో ఎటూ నిర్లక్ష్యం చేస్తాం. ఇప్పుడైనా ఉసిరి ప్రాధాన్యాన్ని అర్థం చేసుకోవాల్సిందే. ఉసిరికాయలు దంచి పప్పులో వేసుకుంటే.. టమాటాను మరిపించే పులుపు ఖాయం. ఈమధ్య ఉసిరికాయలు అన్ని సీజన్లలోనూ దొరుకుతున్నాయి.

పెరుగు: కూరల్లో టమాటాకు బదులు కాస్త పుల్లటి పెరుగు జోడిస్తే సరిపోతుంది. బిర్యానీతో పాటు రాజ్మా, చోలే వంటకాలకూ ఈ ఫార్ములా పనిచేస్తుంది.

మామిడికాయ: చారు, పప్పు ఎందులో అయినా వేసుకోవచ్చు. పులుపు గ్యారెంటీ. రుచికి తిరుగులేదు. టమాట అవసరమే లేదు.

.. అయినా, ఇంటిల్లిపాదీ ‘టమాట.. టమాట’ అని కలవరిస్తుంటే పళ్లెం చివర్లో టమాట నిల్వ పచ్చడి వడ్డించండి!