Bibinagar : ‘నానో యూరియా, డీఏపీ వాడకంతో తక్కువ ఖర్చు ఎక్కువ లాభాలు’

నానో యూరియా, నానో డీఏపీ వాడడం వల్ల తక్కువ ఖర్చుతో ఎక్కువ లాభాలు పొందవచ్చునని బీబీన‌గ‌ర్‌ మండల వ్యవసాయ అధికారి పద్మప్రియ అన్నారు. మంగళవారం మండల కేంద్రంలో రైతులకు నానో యూరియా వాడకంపై అవగాహన కల్పించారు.

బీబీనగర్‌, ఆగస్టు 19 : నానో యూరియా, నానో డీఏపీ వాడడం వల్ల తక్కువ ఖర్చుతో ఎక్కువ లాభాలు పొందవచ్చునని బీబీన‌గ‌ర్‌ మండల వ్యవసాయ అధికారి పద్మప్రియ అన్నారు. మంగళవారం మండల కేంద్రంలో రైతులకు నానో యూరియా వాడకంపై అవగాహన కల్పించారు. ఈ సందర్భంగా ఆమె మాట్లాడుతూ.. ఒక ఎకరానికి అర లీటర్‌ నానో మూరియా సరిపోతుందని, లీటర్‌ నీటికి 2-4 ఎంఎల్‌ వాడాలన్నారు. నానో యూరియా 80 శాతం నత్రజని మొక్కలకు నేరుగా అందుతుందన్నారు. యూరియా అయితే 50 శాతం వరకు ఆవిరై నీటిలో త్వరగా కరిగిపోతుందన్నారు. రైతులు నానో యూరియా వాడకం ద్వారా ఖర్చులను తగ్గించుకోవచ్చని తెలిపారు.