Gattuppal : ‘దసరా ఉత్సవాలను విజయవంతం చేయాలి’

అక్టోబర్ 3న గట్టుప్పల్ మండల కేంద్రంలో నిర్వహించే దసరా ఉత్సవాలను విజయవంతం చేయాలని ఈ.ఎల్.వి ఫౌండేషన్ చైర్మన్ భాస్కర్ కోరారు. బుధవారం మండల కేంద్రంలో దసరా ఉత్సవాల‌కు సంబంధించిన‌ వాల్ పోస్టర్‌ను ఆయ‌న ఆవిష్క‌రించారు.

గట్టుప్పల్, సెప్టెంబర్ 24 : అక్టోబర్ 3న గట్టుప్పల్ మండల కేంద్రంలో నిర్వహించే దసరా ఉత్సవాలను విజయవంతం చేయాలని ఈ.ఎల్.వి ఫౌండేషన్ చైర్మన్ భాస్కర్ కోరారు. బుధవారం మండల కేంద్రంలో దసరా ఉత్సవాల‌కు సంబంధించిన‌ వాల్ పోస్టర్‌ను ఆయ‌న ఆవిష్క‌రించారు. ఈ సందర్భంగా మాట్లాడుతూ.. తెలంగాణ సంస్కృతీ సాంప్రదాయాలను నేటి యువతరానికి మరింతగా తెలిసేలా దసరా ఉత్సవాలు నిర్వహిస్తున్న‌ట్లు తెలిపారు. రాజకీయాలకు అతీతంగా ఈ వేడుక నిర్వహిస్తున్నామన్నారు. గట్టుప్పల్ మండల కేంద్రంలో నిర్వహించే వేడుకకు ఉమ్మడి నల్ల‌గొండ జిల్లా, తెలంగాణ రాష్ట్రం, బెంగళూరు నుండి కూడా ప్రజలు హాజరవుతారన్నారు. వేడుకకు ఉమ్మడి నల్లగొండ‌ జిల్లా ప్రజా ప్రతినిధులు, మాజీ ప్రజా ప్రతినిధులు ముఖ్య అతిథులుగా హాజరవుతున్నట్లు తెలిపారు. ఈ కార్యక్రమంలో మాజీ ఎంపీటీసీ గొరిగ సత్తయ్య, ఈ.ఎల్.వి ఫౌండేషన్ సభ్యులు పాల్గొన్నారు.