నేడు హోలీ
వసంత రుతువు ఆగమనం మనసుల్లో ఉత్సాహమే కాదు.. ప్రకృతిలో సరికొత్త సొగసులు కూడా తెస్తుంది. ఎండిన చెట్లు చిగురించి పువ్వులతో పాటు కొమ్మలు కనువిందు చేస్తాయి. మల్లెలు విరబూస్తు సువాసనలు వెదజల్లుతాయి.
- సహజ రంగులే శ్రేయస్కరం
- ప్రజలకు హోలీ శుభాకాంక్షలు తెలిపిన మండలి చైర్మన్ గుత్తా, మాజీ మంత్రి జగదీశ్రెడ్డి
రామగిరి , మార్చి 24 : వసంత రుతువు ఆగమనం మనసుల్లో ఉత్సాహమే కాదు.. ప్రకృతిలో సరికొత్త సొగసులు కూడా తెస్తుంది. ఎండిన చెట్లు చిగురించి పువ్వులతో పాటు కొమ్మలు కనువిందు చేస్తాయి. మల్లెలు విరబూస్తు సువాసనలు వెదజల్లుతాయి. ప్రకృతిలోని అందాలన్నీ ఆవిష్కరించే వసంత రుతువు ప్రవేశించిన తర్వాత జరుపుకొనే తొలి వేడుక హోలీ. ఇంద్రధనస్సులోని రంగులు ఒకచోట కుప్ప పోసినట్లు అందంగా, ఆహ్లాదంగా రంగోళిని చిన్న, పెద్ద తేడా లేకుండా జరుపుకొనే వేడుక ఇది. సోమవారం హోలీ సందర్భంగా ఉమ్మడి జిల్లా వ్యాప్తంగా వేడుకకు చిన్నా, పెద్ద సిద్ధం చేసుకున్నాడు.
ఆదివారం రాత్రి కాముని దహనం చేశారు. ఆటపాటలతో యువత ఉత్సాహంగా గడిపారు. హోలీలో రసాయనాలకు బదులు సహజ సిద్ధంగా లభించే రంగులను వాడడం శరీరానికి మంచిదని వైద్య నిపుణులు చెబుతున్నారు. వసంత కాలంలో మోదుగు చెట్లు విపరీతంగా పూస్తాయి. జిల్లా ప్రజలకు శాసన మండలి చైర్మన్ గుత్తా సుఖేందర్రెడ్డి, మాజీ మంత్రి, సూర్యాపేట శాసన సభ్యుడు గుంటకండ్ల జగదీశ్రెడ్డి హోలీ శుభాకాంక్షలు తెలిపారు. పచ్చని చిగురులతో కొత్తదనం సంతరించుకొని, వినూత్నంగా పున:ప్రారంభమయ్యే ప్రకృతి కాలచక్రానికి హోలీ పండుగ స్వాగతం పలుకుతుందని వారు చెప్పారు. ప్రేమ, ఆప్యాయత, సౌభ్రాతృత్వానికి ప్రతీక అయిన రంగుల పండుగ అందరి జీవితాల్లో ఆనందాన్ని తీసుకురావాలని ఆకాంక్షించారు.
సహజ రంగుల తయారీ ఇలా
- రెండు చెంచాల పసుపు పొడిలో నాలుగు చెంచాల గంధం పసుపు పొడి కలిపితే ఉన్నతమైన పసుపు రంగు వస్తుంది.
- మోదుగు పూలను ఉడక బెట్టి సహజ సిద్థమైన రంగులు తయారు చేసుకోవచ్చు.
- బీట్ రూట్ను నీటిలో మెత్తగా ఉడికించి నీటిలోనే పిండిగా మారిస్తే ఎరుపు రంగు వస్తుంది.
- ఎర్ర చందనాన్ని నీటిలో కలిపితే ఎరుపు రంగును పొందవచ్చు.
- గోరింటాకును రుబ్బి పిండిలో కలిపితే ఆకుపచ్చ రంగును తయారు చేసుకోవచ్చు.
- నల్ల ద్రాక్ష పళ్లను నీటిలో నాన బెట్టి మెత్తగా ఉడకబెట్టి తొక్కలు, గింజలను వేరు చేస్తే అందమైన వంకాయ వర్ణం వస్తుంది.
- బంతి పువ్వులు, మందార పుష్పాలను నీటిలో నానబెట్టి పిసికితే ఆయా పుష్పాల రంగును బట్టి రంగులను పొందవచ్చు.
- నీలి మందును నీటిలో కలిపితే నీలి రంగు వస్తుంది.
- తులసి, వేప, కలబంద ఆకులు కలిపి నూరి నీటిలో కలిపితే ముదురు ఆకుపచ్చ వర్ణం, మంచి సువాసన వస్తుంది.
- మెంతు ఆకులు మైదా పిండి కలిపితే కూడా రంగులు తయారు చేసుకోచ్చు హోలీలో పాటించాల్సిన జాగ్రత్తలు
- కోడిగుడ్లు, రసాయన రంగులు వాడకూడదు
- శరీరాన్ని పూర్తిగా కప్పివేసి ఉంచే దుస్తులను ధరించాలి
- శరీరానికి కొబ్బరినూనె రాసుకుని హోలీ జరుపుకోవడం ఉత్తమం
- రసాయన రంగులను చల్లుకోవడంతో చర్మ వ్యాధులు వచ్చే అవకాశముంది
- వేడుకల్లో కండ్లకు అద్దాలతోపాటు చెప్పులు వేసుకోవాలి.
Read Today's Latest Nalgonda News in Telugu and Telugu News
RELATED ARTICLES
తాజా వార్తలు
Health tips | మంచినీళ్లు తక్కువ తాగితేనే కాదు.. మరీ ఎక్కువ తాగినా ఆరోగ్యానికి హానికరమే..!
Nepal PM Balen Shah | భారత్ చేరుకున్న నేపాల్ ప్రధాని.. సోమవారం ప్రధాని మోదీతో చర్చలు
Festivals | పండుగల సమయంలో స్వీట్లను ఎక్కువగా తింటే షుగర్ లెవల్స్ ఎప్పటికీ అలాగే ఉంటాయా..?
JEE Main | ఈ రాత్రి 12 గంటలకు ముగియనున్న గడువు.. ఇప్పటికే 13 లక్షలు దాటిన జేఈఈ దరఖాస్తులు..!
Health tips | మీలో ఈ లక్షణాలుంటే ఆలస్యం చేయకుండా థైరాయిడ్ పరీక్షలు చేయించుకోండి..!
ట్రెండింగ్ వార్తలు
Watch: అసదుద్దీన్ ఒవైసీని సుప్రీంకోర్టు జడ్జిగా పొరబడిన పోలీసులు.. గౌరవ వందనం సమర్పణ
Watch: ఆసుపత్రిలో నిద్రిస్తున్న మహిళను వేధించిన వ్యక్తి.. తర్వాత ఏం జరిగిందంటే?
Watch: వైద్య విద్యార్థినిని.. కాలేజీ క్యాంపస్ నుంచి కిడ్నాప్ చేసిన కుటుంబ సభ్యులు, వీడియో వైరల్
Vande Bharat Train | బంధువులను సాగనంపేందుకు వందే భారత్ రైలు ఎక్కిన 12 మంది.. తర్వాత ఏం జరిగిందంటే?
Watch: హాస్పిటల్ యజమానిని బెదిరించి రూ.10 లక్షలు వసూలు.. కాంగ్రెస్ నేత అరెస్ట్, పార్టీ నుంచి బహిష్కరణ

