సొరంగం కూలిపోతే చర్యలు శూన్యం.. ఎస్ఎల్బీసీ ప్రమాదంపై వివరణేది?
‘ప్రభుత్వ పెద్దల కమీషన్ల కక్కుర్తితో ఎస్ఎల్బీసీ సొరంగ మార్గం కుప్పకూలి మూడు నెలలు అవుతున్నది. ఇప్పటివరకూ అందులో చిక్కుకుపోయిన వారి మృతదేహాలను బయటకు తీయలేకపోయారు. ఆ పనుల్లో ఏం జరిగిందో చెప్పే పరిస్థితి లేదు. నల్లగొండ రైతులు, బిడ్డల తరుఫున సీఎం రేవంత్రెడ్డిని అడుతున్నా.. దీనిపై సమాధానం చెప్పాలి’ అని బీఆర్ఎస్ పార్టీ వర్కింగ్ ప్రెసిడెంట్ కేటీఆర్ డిమాండ్ చేశారు.
- సుంకిశాల గోడ కూలినా పట్టని ప్రభుత్వం
- నల్లగొండ బిడ్డలకు రేవంత్రెడ్డి సమాధానం చెప్పాలి
- హామీలను పక్కనపెట్టి నోటీసుల డ్రామాలు
- ప్రభుత్వ తీరుపై బీఆర్ఎస్ వర్కింగ్ ప్రెసిడెంట్ కేటీఆర్ తీవ్ర ఆగ్రహం
- నల్లగొండలో జిల్లా శంకర్ దంపతులకు ఆశీర్వాదం
- మాజీ మంత్రి జగదీశ్రెడ్డి, మాజీ ఎమ్మెల్యేలు, బీఆర్ఎస్ ముఖ్య నేతల హాజరు
నల్లగొండ ప్రతినిధి, మే21(నమస్తే తెలంగాణ) : ‘ప్రభుత్వ పెద్దల కమీషన్ల కక్కుర్తితో ఎస్ఎల్బీసీ సొరంగ మార్గం కుప్పకూలి మూడు నెలలు అవుతున్నది. ఇప్పటివరకూ అందులో చిక్కుకుపోయిన వారి మృతదేహాలను బయటకు తీయలేకపోయారు. ఆ పనుల్లో ఏం జరిగిందో చెప్పే పరిస్థితి లేదు. నల్లగొండ రైతులు, బిడ్డల తరుఫున సీఎం రేవంత్రెడ్డిని అడుతున్నా.. దీనిపై సమాధానం చెప్పాలి’ అని బీఆర్ఎస్ పార్టీ వర్కింగ్ ప్రెసిడెంట్ కేటీఆర్ డిమాండ్ చేశారు. బుధవారం నల్లగొండలో జరిగిన రాష్ట్ర ఎస్సీ, ఎస్టీ కమిషన్ సభ్యుడు జిల్లా శంకర్ వివాహానికి కేటీఆర్ ముఖ్య అతిథిగా హాజరై నూతన దంపతులను ఆశీర్వదించారు. ఈ సందర్భంగా మాజీ మంత్రి జగదీశ్రెడ్డి, పార్టీ ముఖ్య నేతలతో కలిసి మీడియాతో మాట్లాడారు. రాష్ర్టానికి సమర్ధవంతమైన సీఎం ఉండి ఉంటే మంగళ్గ్రామ్లో చిక్కుకున్న మనుషులను సైతం తీసుకురావచ్చన్నారు. కానీ ఇక్కడ ప్రభుత్వ ఆసమర్ధత స్పష్టంగా అర్ధమవతున్నదని విమర్శించారు. నల్లగొండ జిల్లా పరిధిలోని సుంకిశాల రిటైనింగ్ వాల్ కూలిపోతే నేటికీ అందుకు కారణమైన సంస్థపై విచారణ లేదని, కనీసం చర్యలు తీసుకోలేదని మండిపడ్డారు. వట్టెం పంపుహౌస్ మునిగినా, పెద్దవాగు ప్రాజెక్టు కొట్టుకుపోయినా పట్టని కాంగ్రెస్ ప్రభుత్వం కమీషన్ల పేర్లతో విచారణ, నోటీసులు అంటూ డ్రామాలు చేస్తున్నదని విమర్శించారు. ఎన్ని డ్రామాలు చేసినా ఇచ్చిన ప్రతి హామీ అమలు చేసే వరకు ఈ ప్రభుత్వాన్ని వదిలిపెట్టబోమని ఈ సందర్భంగా కేటీఆర్ హెచ్చరించారు.
నూతన దంపతులకు ఆశీర్వాదం
బీఆర్ఎస్వీలో కీలకంగా పని చేసి, ప్రస్తుతం రాష్ట్ర ఎస్సీ, ఎస్టీ కమిషన్ సభ్యుడిగా కొనసాగుతున్న కనగల్ మండలం రేగట్టెకు చెందిన జిల్లా శంకర్ వివాహానికి కేటీఆర్ ముఖ్య అతిథిగా హాజరయ్యారు. నల్లగొండలోని ఎంఎన్ఆర్ గార్డెన్స్లో జిల్లా శంకర్ దంపతులను మాజీ మంత్రి జగదీశ్రెడ్డి, మాజీ ఎమ్మెల్యేలు, బీఆర్ఎస్ నేతలతో కలిసి ఆశీర్వదించారు. పెండ్లి మండపంలోనే శంకర్ కుటుంబ సభ్యులందరితో కేటీఆర్ ఓపికగా ఫొటోలు దిగారు. మాజీ ఎమ్మెల్యే గాదరి కిశోర్కుమార్ చొరవ తీసుకుని వీరిని కేటీఆర్కు పరిచయం చేస్తూ కనిపించారు. అనంతరం బీఆర్ఎస్ పార్టీ నేతలు, కార్యకర్తలు తమ కుటుంబాలతో కలిసి కేటీఆర్తో ఫొటోలు దిగారు. పెండ్లికి వచ్చిన యువత, పార్టీ శ్రేణులు కేటీఆర్తో సెల్పీల కోసం ఎగబడుతూ వెంట నడిచారు.
ఈ సందర్భంగా కేటీఆర్ ఉమ్మడి జిల్లా నుంచి తరలివచ్చిన పార్టీ నేతలందరినీ పేరుపేరునా పలకరిస్తూ ముందుకు సాగారు. అనంతరం అక్కడే పార్టీ నేతలతో కలిసి మీడియాతో మాట్లాడి, అనంతరం భోజనం చేశారు. ఆ తర్వాత జోరు వర్షంలోనే తిరిగి హైదరాబాద్కు పయనమయ్యారు. ఎస్సీ, ఎస్టీ కమిషన్ చైర్మన్ బక్కి వెంకటయ్య కూడా ఇతర సభ్యులతో కలిసి శంకర్ దంపతులను ఆశీర్వదించారు. కార్యక్రమంలో ఎమ్మెల్సీలు తక్కెళ్లపల్లి రవీందర్రావు, ఎంసీ కోటిరెడ్డి, మాజీ ఎంపీ బడుగుల లింగయ్యయాదవ్, మాజీ జడ్పీ చైర్మన్ బండా నరేందర్రెడ్డి, మాజీ ఎమ్మెల్యేలు రమావత్ రవీంద్రకుమార్, గాదరి కిశోర్కుమార్, చిరుమర్తి లింగయ్య, కూసుకుంట్ల ప్రభాకర్రెడ్డి, కంచర్ల భూపాల్రెడ్డి, బూడిద భిక్షమయ్యగౌడ్, తిప్పన విజయసింహారెడ్డి, పార్టీ నేతలు ఒంటెద్దు నర్సింహారెడ్డి, కంచర్ల కృష్ణారెడ్డి, పల్లా ప్రవీణ్రెడ్డి, రాంచంద్రనాయక్, చకిలం అనిల్కుమార్, రేగట్టె మల్లికార్జున్రెడ్డి, తుంగ బాలు, మందడి సైదిరెడ్డి, రాంబాబునాయక్, బోనగిరి దేవేందర్, శరణ్యారెడ్డి పాల్గొన్నారు.
Read Today's Latest Nalgonda News in Telugu and Telugu News
RELATED ARTICLES
తాజా వార్తలు
Allu Aravind | అల్లు సినిమాస్లో టికెట్ల బ్లాకింగ్పై ప్రేక్షకుల ఆగ్రహం.. వెంటనే వీడియో కాల్ చేసిన అల్లు అరవింద్,అక్కడికక్కడే కీలక నిర్ణయం!
Salman Khan | చిరంజీవి, వెంకటేశ్, రామ్ చరణ్, ఎన్టీఆర్ సినిమాల్లో ఛాన్స్ ఇస్తే రెడీ.. టాలీవుడ్ హీరోలపై సల్మాన్ ఖాన్ ఆసక్తికర వ్యాఖ్యలు!
Priyanka Arul | ఓజీ హీరోయిన్ ప్రియాంక మోహన్ సాహసం.. అంధురాలిగా కొత్త అవతారం,బర్త్డే పోస్టర్తో ఆసక్తి పెంచిన మేకర్స్!
బాలిలో 50 అడుగుల గణేశుడు.. గిన్నిస్ వరల్డ్ రికార్డ్స్లో చోటు
Raaka | అల్లు అర్జున్ ‘రాకా’ మ్యూజిక్ డైరెక్టర్కు షాక్.. ధనుష్ ‘ఓం’తో సాయి అభ్యంకర్పై విమర్శలు!
ట్రెండింగ్ వార్తలు
Vande Bharat Train | బంధువులను సాగనంపేందుకు వందే భారత్ రైలు ఎక్కిన 12 మంది.. తర్వాత ఏం జరిగిందంటే?
Watch: హాస్పిటల్ యజమానిని బెదిరించి రూ.10 లక్షలు వసూలు.. కాంగ్రెస్ నేత అరెస్ట్, పార్టీ నుంచి బహిష్కరణ
Watch: ‘బ్యాగ్లో గంజాయి పెడతా.. డ్రగ్స్ కేసులో ఇరికిస్తా’.. జంటను బెదిరించిన పోలీస్ అధికారి
Migratory birds | చిలికా సరస్సుకు ప్రత్యేక అతిథులు.. ఏకంగా 80 జాతుల వలసపక్షుల సందడి.. Video
China flies electric plane | 19 సీట్ల ఎలక్ట్రిక్ విమానం.. విజయవంతంగా నడిపి పరీక్షించిన చైనా

