SIR Officials Attacked | పొరపాటున ఒడిశా చేరుకున్న బెంగాల్‌ ‘సర్‌’ అధికారులు.. చితక్కొట్టిన గ్రామస్తులు

SIR Officials Attacked | ఓటరు జాబితా స్పెషల్ ఇంటెన్సివ్ రివిజన్ (సర్‌) ప్రక్రియ నిర్వహించే పశ్చిమ బెంగాల్‌కు చెందిన ఇద్దరు ఎన్నికల అధికారులు పొరపాటున తమ వాహనంలో ఒడిశాలోకి ప్రవేశించారు. అయితే పిల్లల దొంగలుగా అనుమానించిన గ్రామస్తులు వారిని చితక్కొట్టారు.

భువనేశ్వర్‌: ఓటరు జాబితా స్పెషల్ ఇంటెన్సివ్ రివిజన్ (సర్‌) ప్రక్రియ నిర్వహించే పశ్చిమ బెంగాల్‌కు చెందిన ఇద్దరు ఎన్నికల అధికారులు పొరపాటున తమ వాహనంలో ఒడిశాలోకి ప్రవేశించారు. అయితే పిల్లల దొంగలుగా అనుమానించిన గ్రామస్తులు వారిని చితక్కొట్టారు. (SIR Officials Attacked) ఈ నేపథ్యంలో 72 మందిని పోలీసులు అరెస్ట్‌ చేశారు. ఒడిశాలోని బాలాసోర్ జిల్లాలో ఈ సంఘటన జరిగింది. పశ్చిమ బెంగాల్‌లోని నయాగ్రామ్ వైపు వాహనంలో వెళ్తున్న ఇద్దరు ‘సర్‌’ అధికారులు పొరపాటున ఒడిశాలోని బాలాసోర్‌ జిల్లాలోకి ప్రవేశించారు.

కాగా, పిల్లలను కిడ్నాప్‌ చేసే వారిగా ఆ జిల్లాలోని గ్రామస్తులు అనుమానించారు. ఈ నేపథ్యంలో ఎన్నికల అధికారులను నిర్బంధించారు. వారిపై గుంపుగా దాడి చేసి కొట్టారు. ఈ సమాచారం తెలుసుకున్న పోలీసులు ఆ గ్రామానికి చేరుకున్నారు. ఎన్నికల అధికారులను విడిపించి కాపాడారు.

మరోవైపు ఈ సంఘటనపై రెండు వేర్వేరు కేసులను పోలీసులు నమోదు చేశారు. 20 మంది మహిళలతో సహా 72 మందిని అరెస్ట్‌ చేశారు. అయితే వ్యక్తులపై అనుమానం కలిగితే స్థానిక పోలీసులకు సమాచారం ఇవ్వాలని పోలీస్‌ అధికారి సూచించారు. చట్టాన్ని చేతుల్లోకి తీసుకోవద్దని హెచ్చరించారు.

Also Read:

Nepali Woman Gang Raped | ఆటోలో వెళ్తున్న నేపాల్‌ మహిళ.. డ్రైవర్‌తో సహా ముగ్గురు సామూహిక అత్యాచారం

Police Trainees Reel | రీల్‌ తెచ్చిన చిక్కులు.. ఆరుగురు ట్రైనీ పోలీసులకు షోకాజ్‌ నోటీసులు

Anna Hazare | లిక్కర్‌ పాలసీపై కోర్టు తీర్పును అంగీకరించాలి: అన్నా హజారే

Watch: బావిలో పడిన మేక పిల్ల.. కాపాడేందుకు సాహసం చేసిన బాలుడు