Nalgonda : ఎంజీయూలో విద్యార్థుల ర‌క్త‌దానం

మహాత్మా గాంధీ విశ్వవిద్యాలయం ఇంజినీరింగ్ క‌ళాశాల‌లో ఎన్‌సీసీ క్యాడెట్స్‌, సైన్స్ కళాశాలలో ఎన్ఎస్ఎస్ వ‌లంటీర్లు శుక్ర‌వారం ర‌క్త‌దానం చేశారు. సైన్స్ క‌ళాశాల‌లో శిబిరాన్ని వ‌ర్సిటీ వీసీ ప్రొఫెస‌ర్ ఖాజా అల్తాఫ్ హుస్సేన్, రిజిస్టార్ ప్రొఫెస‌ర్ అల్వాల్ ర‌వితో క‌లిసి ప్రారంభించారు.

నల్ల‌గొండ విద్యావిభాగం (రామగిరి), జూన్ 13 : మహాత్మా గాంధీ విశ్వవిద్యాలయం ఇంజినీరింగ్ క‌ళాశాల‌లో ఎన్‌సీసీ క్యాడెట్స్‌, సైన్స్ కళాశాలలో ఎన్ఎస్ఎస్ వ‌లంటీర్లు శుక్ర‌వారం ర‌క్త‌దానం చేశారు. సైన్స్ క‌ళాశాల‌లో శిబిరాన్ని వ‌ర్సిటీ వీసీ ప్రొఫెస‌ర్ ఖాజా అల్తాఫ్ హుస్సేన్, రిజిస్టార్ ప్రొఫెస‌ర్ అల్వాల్ ర‌వితో క‌లిసి ప్రారంభించారు. ఈ సంద‌ర్భంగా వీసీ మాట్లాడుతూ.. రక్తదాన ప్రాముఖ్యతను వివ‌రించారు. రక్తాన్ని దానం చేయండి.. ప్రపంచ మానవుల ప్రాణాలను నిలబెట్టండి అని పిల‌పునిచ్చారు.

సైన్స్ కళాశాల ప్రిన్సిపాల్ డాక్టర్ ప్రేమ్ సాగర్ అధ్యక్షతన జరిగిన ఈ కార్యక్రమంలో ఎన్ఎస్ఎస్ యూనివర్సిటీ కో ఆర్డినేటర్ డాక్టర్ మద్దిలేటి పసుపుల, వివిధ విభాగ అధిపతులు డా.రూప, డా.తిరుమల, డా.సత్తిరెడ్డి, డా.మాధురి, ఇంజినీరింగ్ క‌ళాశాల‌లో ఎన్‌సీసీ అధికారి డాక్ట‌ర్ మశ్చేంద్ర‌, ప్రిన్సిపాల్ సుధారాణి పాల్గొన్నారు.