Sanitation | పారిశుద్ధ్యం అస్తవ్యస్తం.. గ్రామంలో కుప్పలు తెప్పలుగా సమస్యలు

Sanitation | ప్రతీ రోజు చెత్త బండి ట్రాక్టర్ గల్లీగల్లీ తిరిగి చెత్తను సేకరించి డంపింగ్‌ యార్డ్‌కు తరలించాల్సింది పోయి, నిధులు ప్రభుత్వం నుండి రావడం లేదని.. ట్రాక్టర్లనూ గ్రామాలలో ప్రతీ రోజు నడిపించకుండా.. మూడు రోజులు లేదా వారం రోజులకు ఒకసారి నడిపించడం జరుగుతుందన్నారు గ్రామస్తులు.

October 26, 2025 / 03:31 PM IST

Sanitation | పారిశుద్ధ్యం అస్తవ్యస్తం.. గ్రామంలో కుప్పలు తెప్పలుగా సమస్యలు

Sanitation | మెదక్ రూరల్, అక్టోబర్ 26 : హవేలీ ఘన్‌పూర్‌ మండలంలోని కొన్ని గ్రామాలలో పారిశుద్ధ్యం అస్తవ్యస్తంగా మారిందని గ్రామస్తులు వాపోయారు. మురికి కాలువలు తీయడం లేదని.. దీంతో రాత్రి అయిందంటే దోమలు స్వైర విహారం చేస్తున్నాయని గ్రామస్తులు ఆందోళన వ్యక్తం చేశారు.

ప్రతీ రోజు చెత్త బండి ట్రాక్టర్ గల్లీగల్లీ తిరిగి చెత్తను సేకరించి డంపింగ్‌ యార్డ్‌కు తరలించాల్సింది పోయి, నిధులు ప్రభుత్వం నుండి రావడం లేదని.. ట్రాక్టర్లనూ గ్రామాలలో ప్రతీ రోజు నడిపించకుండా.. మూడు రోజులు లేదా వారం రోజులకు ఒకసారి నడిపించడం జరుగుతుందన్నారు.

కొన్నిచోట్ల గ్రామాలలో ట్రాక్టర్లను మూలకు వేశారని.. వాటర్ ట్యాంకర్ కూడా వినియోగంలోకి తీసుకురావడంలేదని.. దీంతో గ్రామంలో సమస్యలు కుప్పలు తిప్పలుగా ఉన్నాయన్నారు. పలుమార్లు ఈ విషయాలను సంబంధిత మండల అధికారులకు విన్నవించుకున్నా ఫలితం లేకుండా పోయిందని గ్రామస్తులు ఆవేదన వ్యక్తం చేస్తున్నారు.