బతుకమ్మ తెలంగాణకు ప్రత్యేకం

సద్దుల బతుకమ్మ సందర్భంగా ఉమ్మడి జిల్లా ప్రజలకు మాజీ మంత్రి, ఎమ్మెల్యే హరీశ్‌రావు శుభాకాంక్షలు తెలిపారు. తెలంగాణ సంస్కృతీ సంప్రదాయాలకు, ఆడపడుచుల ఔన్నత్యానికి ప్రతీకైన బతుకమ్మ పండుగను ప్రజలందరూ సంతోషంగా జరుపుకోవాలని కోరారు.

• ఆడపడుచుల ఆత్మగౌరవం, ప్రకృతి ప్రేమకు ప్రతీక బతుకమ్మ పండుగ
• మాజీ మంత్రి, ఎమ్మెల్యే హరీశ్‌ రావు
• ఉమ్మడి జిల్లా ప్రజలకు సద్దుల బతుకమ్మ శుభాకాంక్షలు

సిద్దిపేట, సెప్టెంబర్‌ 28: సద్దుల బతుకమ్మ సందర్భంగా ఉమ్మడి జిల్లా ప్రజలకు మాజీ మంత్రి, ఎమ్మెల్యే హరీశ్‌రావు శుభాకాంక్షలు తెలిపారు. తెలంగాణ సంస్కృతీ సంప్రదాయాలకు, ఆడపడుచుల ఔన్నత్యానికి ప్రతీకైన బతుకమ్మ పండుగను ప్రజలందరూ సంతోషంగా జరుపుకోవాలని కోరారు.

దేశంలో పూలతో చేసుకొనే పండుగ, ప్రకృతి దేవతగా పూజించే పండుగ మన బతుకమ్మ అని పేర్కొన్నారు. చెట్టును, పుట్టను, పూలను, ప్రకృతిని ప్రేమించే గొప్ప సంస్కృతి తెలంగాణ సొంతం అన్నారు. తెలంగాణ తొలి ముఖ్యమంత్రి కేసీఆర్‌ బతుకమ్మ పండుగను అధికారికంగా, ఏటా బతుకమ్మ కానుకగా ఆడపడుచులకు చీరెలు పంపిణీ చేశారని గుర్తుచేశారు. ఈ పండుగను ప్రజలందరూ ఆనందోత్సాహాలతో జరుపుకోవాలని హరీశ్‌రావు ఆకాంక్షించారు.