పోలీసు సిబ్బందికి సేవా పతకాలు

విధి నిర్వహణలో అంకితభావంతో పనిచేస్తూ పోలీస్ శాఖకు విశిష్ట సేవలు అందించిన కొత్తగూడెం టూ టౌన్ పోలీస్ స్టేషన్‌కు చెందిన ఎస్‌బీ హెడ్ కానిస్టేబుల్, సర్కిల్ ఇన్‌చార్జి బి.భీముడు, ఏఎస్ఐ సూరయ్యను జిల్లా ఎస్పీ రోహిత్ రాజు ప్రత్యేకంగా అభినందించారు.

– కొత్తగూడెం టూ టౌన్ ఎస్‌బీ హెడ్ కానిస్టేబుల్ భీముడు, ఏఎస్ఐ సూరయ్యకు ఎస్పీ రోహిత్‌రాజు అభినందనలు

రుద్రంపూర్, అక్టోబర్ 09 : విధి నిర్వహణలో అంకితభావంతో పనిచేస్తూ పోలీస్ శాఖకు విశిష్ట సేవలు అందించిన కొత్తగూడెం టూ టౌన్ పోలీస్ స్టేషన్‌కు చెందిన ఎస్‌బీ హెడ్ కానిస్టేబుల్, సర్కిల్ ఇన్‌చార్జి బి.భీముడు, ఏఎస్ఐ సూరయ్యను జిల్లా ఎస్పీ రోహిత్ రాజు ప్రత్యేకంగా అభినందించారు. వారి సేవలను గుర్తిస్తూ ఎస్పీ చేతుల మీదుగా సేవా పతకాలను అందజేశారు. ఈ సందర్భంగా ఎస్పీ మాట్లాడుతూ.. విధి నిర్వహణలో బాధ్యతాయుతంగా వ్యవహరిస్తూ ప్రజల భద్రత, శాంతిభద్రతల పరిరక్షణకు కృషి చేసే పోలీసు అధికారులు, సిబ్బంది సేవలను గుర్తించి ప్రోత్సహించడం ద్వారా వారిలో మరింత ఉత్సాహం పెరుగుతుందని పేర్కొన్నారు. ప్రతి పోలీసు అధికారి, సిబ్బంది అంకితభావంతో విధులు నిర్వర్తిస్తూ ప్రజలకు మెరుగైన సేవలు అందించాలని సూచించారు. సేవా పతకాలు అందుకున్న భీముడు, సూరయ్యలను తోటి అధికారులు, సిబ్బంది అభినందించారు.