రైతుల జోలికొస్తే రేవంత్కు రాజకీయ సమాధే
ఉచిత కరెంటుపై అనుచిత వ్యాఖ్యలు చేసిన రేవంత్రెడ్డి తక్షణమే రైతులకు క్షమాపణ చెప్పాలని.. లేకుంటే రాజకీయ సమాధి తప్పదని ప్రభుత్వ విప్, అచ్చంపేట ఎమ్మెల్యే గువ్వల బాలరాజు హెచ్చరించారు. అచ్చంపేట మండలం పుల్జాల రైతువేదిక వద్ద మంగళవారం నిర్వహించిన నిరనస కార్యక్రమానికి గువ్వల హాజరు కాగా గ్రామస్తులు ఘన స్వాగతం పలికారు.
- టీపీసీసీ చీఫ్ రేవంత్రెడ్డి తక్షణమే క్షమాపణ చెప్పాలి
- ప్రభుత్వ విప్, ఎమ్మెల్యే గువ్వల బాలరాజు
అచ్చంపేట, జూలై 18 : ఉచిత కరెంటుపై అనుచిత వ్యాఖ్యలు చేసిన రేవంత్రెడ్డి తక్షణమే రైతులకు క్షమాపణ చెప్పాలని.. లేకుంటే రాజకీయ సమాధి తప్పదని ప్రభుత్వ విప్, అచ్చంపేట ఎమ్మెల్యే గువ్వల బాలరాజు హెచ్చరించారు. అచ్చంపేట మండలం పుల్జాల రైతువేదిక వద్ద మంగళవారం నిర్వహించిన నిరనస కార్యక్రమానికి గువ్వల హాజరు కాగా గ్రామస్తులు ఘన స్వాగతం పలికారు. బీఆర్ఎస్ మండల అధ్యక్షుడు పర్వతాలు అధ్యక్షతన జరిగిన కార్యక్రమంలో గువ్వల మాట్లాడారు. ఉచిత విద్యుత్తుతో తెలంగాణ దేదీప్యమానంగా వెలుగొందుతుంటే, కాంగ్రెస్ పార్టీ కండ్లు మండుతున్నాయని ఎద్దేవా చేశారు. వ్యవసాయం దండుగ అన్న చంద్రబాబు శిశ్యుడు రేవంత్రెడ్డి.. చంద్రబాబు లెక్క తెలంగాణకు పెనుభూతంగా మారిండన్నారు. అధికారాన్ని హస్తగతం చేసుకోవడానికి కాంగ్రెస్ పార్టీ చేస్తున్న కుట్రలు బట్టబయలు అవుతున్నాయని విమర్శించారు. రైతుల జోలికొస్తే రేవంత్రెడ్డిని వారే తరిమికొడతారన్నారు. 3గంటల కరెంటు చాలన్న రేవంత్రెడ్డి వ్యాఖ్యలపై సొంత పార్టీ నేతలే తిరగుబాటు చేయడంతో అతడు ఒంటరివాడయ్యాడన్నారు.
పూటకో మాట, గంటకో అబద్ధం ఆడుతున్న రేవంత్రెడ్డిని ప్రజలు బొందపెట్టాలని పిలుపునిచ్చారు. ఢిల్లీ నుంచి గల్లీ దాకా రేవంత్కు షాక్లు తగులుతున్నాయని ఎద్దేవా చేశారు. కేసీఆర్ ఇచ్చే 24గంటల కరెంటు కావాలా? రేవంత్రెడ్డి 3గంటల కరెంటు కావాలా? అని రైతులను అడుగగా రేవంత్రెడ్డివి దొంగమాటలు, మాకు కేసీఆర్ ఇచ్చే 24గంటల కరెంటు కావాలని చేతులెత్తి మద్దతు పలికారు. బీఆర్ఎస్ రైతులు, పేదలు, కర్షకుల పార్టీ అన్నారు. అనంతరం గ్రామంలో నెలకొన్న సమస్యలను అడిగి తెలుసుకున్నారు. రైతువేదిక, ప్రకృతివనం కోసం స్థలాలు ఇచ్చిన వారికి వచ్చే నెలలో ‘గృహలక్ష్మి’ పథకం కింద ఇండ్లు మంజూరు చేస్తామని హామీ ఇచ్చారు. అదేవిధంగా శివాలయం, పెద్దమ్మ, ఆంజనేయస్వామి, ఎల్లమ్మ ఆలయాల నిర్మాణానికి నిధులు మంజూరు చేశారు. రూ.2,300కోట్ల నిధులతో అచ్చంపేట ప్రాజెక్టులను మంజూరు చేసిన సీఎం కేసీఆర్ చేతులమీదుగా తొందరలోనే ప్రాజెక్టు పనులను ప్రారంభించుకుందామన్నారు. కార్యక్రమంలో రైతుబంధు సమితి జిల్లా అధ్యక్షుడు మనోహర్, మార్కెట్కమిటీ చైర్పర్సన్ అరుణ, మాజీ చైర్మన్ తులసీరాం, ఎంపీపీ లోక్యానాయక్, మున్సిపల్ చైర్మన్ నర్సింహాగౌడ్, బీఆర్ఎస్ మండల అధ్యక్షుడు పర్వతాలు, నారాయణరెడ్డి, రామాచారి, తిరుపతి, సతీశ్, శంకర్, ఆంజనేయులు తదితరులు పాల్గొన్నారు.
Read Today's Latest Mahabubnagar News in Telugu and Telugu News
RELATED ARTICLES
తాజా వార్తలు
Suriya | ఒకే ఏడాదిలో మూడు సినిమాలతో రూ.200 కోట్ల క్లబ్.. ‘సీన్’ సక్సెస్పై సూర్య ఎమోషనల్ వీడియో!
Ind vs Nz | వెల్లింగ్టన్ టెస్టులో భారత్ పరుగుల విధ్వంసం.. 9 వికెట్లు సాధిస్తే టీమిండియాదే గెలుపు
Ajay Devgn | ఓటీటీలోకి అజయ్ దేవగన్ ‘దృశ్యం: ది కన్క్లూజన్’.. స్ట్రీమింగ్ తేదీ అధికారిక ప్రకటన!
మంచిర్యాలను కమ్మేసిన పొగమంచు.. తెల్లవారుజామున కనువిందు చేసిన ప్రకృతి అందాలు!
Parliament Session | కొనసాగింపా..శీతాకాలమా.. 100 రోజులు పూర్తయినా ప్రొరోగ్ కాని ఉభయ సభలు?
ట్రెండింగ్ వార్తలు
Watch: ఆసుపత్రిలో నిద్రిస్తున్న మహిళను వేధించిన వ్యక్తి.. తర్వాత ఏం జరిగిందంటే?
Watch: వైద్య విద్యార్థినిని.. కాలేజీ క్యాంపస్ నుంచి కిడ్నాప్ చేసిన కుటుంబ సభ్యులు, వీడియో వైరల్
Vande Bharat Train | బంధువులను సాగనంపేందుకు వందే భారత్ రైలు ఎక్కిన 12 మంది.. తర్వాత ఏం జరిగిందంటే?
Watch: హాస్పిటల్ యజమానిని బెదిరించి రూ.10 లక్షలు వసూలు.. కాంగ్రెస్ నేత అరెస్ట్, పార్టీ నుంచి బహిష్కరణ
Watch: ‘బ్యాగ్లో గంజాయి పెడతా.. డ్రగ్స్ కేసులో ఇరికిస్తా’.. జంటను బెదిరించిన పోలీస్ అధికారి

