స్మార్ట్ గా.. కనిపెట్టేలా!

ఫోన్‌ పోయిందా.. అయితే దొరకదనే దిగులు పడే కాలం పోయింది. స్మార్ట్‌ యుగంలో ప్రతి ఒక్కరి చేతిలో సాధారణ వస్తువుగా మొబైల్‌ మారింది. అంతగా మనిషికి దగ్గరైన ఫోన్‌ పొరపాటున పోయిందా.. అందులోని డేటా, ఫొటోలు ఎవరైనా చూస్తారనే ఆందోళన ఇకపై అక్కర్లేదు. సీఈఐఆర్‌ (సెంట్రల్‌ ఎక్విప్‌మెంట్‌ ఐడెంటిటీ రిజిస్టర్‌)తో ఈజీగా కనిపెట్టొచ్చు.

• సెల్‌ఫోన్‌పోయిందా.. డోంట్‌వర్రీ
• సీఈఐఆర్‌తో సులభంగా లభ్యం
• రోజురోజుకూ పెరుగుతున్న మొబైల్‌ చోరీలు
• వెబ్‌సైట్‌లో లాగిన్‌ చేస్తే ఫోన్‌ గుట్టురట్టు
• సెల్‌ పనిచేయదు.. కొత్త సిమ్‌ వేసినా కనిపెట్టొచ్చు
• పోలీసులకు అవగాహన కల్పిస్తున్న అధికారులు
• 17న లాంఛనంగా ప్రారంభించేలా సన్నాహాలు
• ప్రజలకు సైతం అందుబాటులో..

ఫోన్‌ పోయిందా.. అయితే దొరకదనే దిగులు పడే కాలం పోయింది. స్మార్ట్‌ యుగంలో ప్రతి ఒక్కరి చేతిలో సాధారణ వస్తువుగా మొబైల్‌ మారింది. అంతగా మనిషికి దగ్గరైన ఫోన్‌ పొరపాటున పోయిందా.. అందులోని డేటా, ఫొటోలు ఎవరైనా చూస్తారనే ఆందోళన ఇకపై అక్కర్లేదు. సీఈఐఆర్‌ (సెంట్రల్‌ ఎక్విప్‌మెంట్‌ ఐడెంటిటీ రిజిస్టర్‌)తో ఈజీగా కనిపెట్టొచ్చు. రోజురోజుకూ సాంకేతిక విప్లవం పెరుగుతుండడంతో కొత్త వెబ్‌సైట్‌ ఆధారంగా పోయిన ఫోన్లనూ గుర్తించొచ్చు. కనిపించని పోలీస్‌ మాదిరిగా దొంగలను ఇట్టే పట్టేయొచ్చు. ఈ సైట్‌పై పోలీస్‌ ఉన్నతాధికారులు వారి సిబ్బందికి విస్తృత స్థాయిలో అవగాహన కల్పిస్తున్నారు. దీంతో ఫోన్లను కనిపెట్టి రికవరీ చేస్తుండడం సెల్‌ బాధితుల్లో సంతోషాన్ని నింపుతున్నది.

– నాగర్‌కర్నూల్‌, ఏప్రిల్‌ 20 (నమస్తే తెలంగాణ)

మారుతున్న జీవన శైలికి అనుగుణంగా వచ్చిన అనేక మార్పుల్లో సెల్‌ఫోన్‌ ప్రధానమైంది. ప్రస్తుతం మనిషి సెల్‌ఫోన్‌పైనే అన్నిరకాల పనులు చక్కబెడుతున్నారు. ఏదైనా దరఖాస్తు చేయాలన్నా, డబ్బుల లావాదేవీలు ఆన్‌లైన్‌లో చెల్లించాలన్నా సెల్‌ఫోన్‌పైనే ఆధారప డాల్సి వస్తుంది. స్మార్ట్‌ఫోన్‌ లేనిదే పని కాని పరిస్థితి. ఈ నేపథ్యంలో సెల్‌ఫోన్‌ పోతే.. దాన్ని ఎలా గుర్తించాలో తెలియక చాలా మంది ఇబ్బందులు పడుతున్నారు. ఇక నుంచి కేంద్ర టెలికాం మంత్రిత్వ శాఖ ఆధ్వర్యంలో ఏర్పాటు చేసిన సీఈఐఆర్‌ ప్రత్యేక అప్లికేషన్‌ ద్వారా సెల్‌ఫోన్‌ ఎక్కడ ఉందో సులభంగా గుర్తించవచ్చు. ఈ ప్రత్యేక యాప్‌ ఎలా పని చేస్తుందో తెలుసుకుందాం.

– నాగర్‌కర్నూల్‌, ఏప్రిల్‌ 20 (నమస్తే తెలంగాణ)

దొంగతనాలు జరిగినప్పుడు ఎంతో నష్టాన్ని కలిగిస్తాయి. నగలు, డబ్బులు పోయినదానికన్నా ఇప్పుడు ఫోన్లు పోతేనే ఎక్కువ ఆందోళన చెందుతున్నారు. స్మార్ట్‌ యుగంలో ప్రతి ఒక్కరి చేతిలో ఫోన్‌ ఉంటున్నది. మా ట్లాడడం, ఫొటోలు దిగడం, సమాచారం కావాలంటే క్షణాల్లో వెబ్‌సైట్లలో తీసుకోవడం, డేటాను భద్రపరుచుకోవడంతోపాటు బ్యాంకింగ్‌ సేవలను సైతం వినియోగించుకుంటున్నారు. ఇలా సెల్‌ఫోన్‌ ప్రజలకు ప్రధాన వస్తువుగా మారింది. ఒక్కొక్కరు రెండు ఫోన్లను సైతం వాడుతున్నారు. పరధ్యానం, తొందరపాటు, పని ఒత్తి డి, బైకులు, కార్లు, బస్సుల్లో ప్రయాణిస్తూ చాలా మంది ఫోన్లు పోగొట్టుకుంటున్నారు. ఫోన్‌ దొరికిన వెంటనే క్షణాల్లో స్విచ్ఛాఫ్‌ చేసి మాయం చేస్తున్నారు. చేతిలో డ బ్బులు లేకున్నా ఫోన్‌ పే, గూగుల్‌, వాట్సాప్‌ వంటి యాప్‌ల ద్వారా చాయ్‌ తాగినా, టిఫిన్‌ చేసినా, హోటల్‌ బిల్లు క ట్టాలన్నా ఫోన్‌ బ్యాంకింగ్‌ యాప్‌లనే వాడుతున్నారు. పర్సనల్‌ ఫొటోలు, సమాచారం, తమ సంస్థల డేటాను భద్రపర్చుకుంటున్నారు. ఫోన్లు పోతే దాని ధర కంటే ముఖ్యంగా ఈ అంశాలే అధిక ప్ర భావం చూపిస్తున్నాయి. ఈ క్రమంలో పోయిన ఫోన్‌ తెచ్చుకోవాలంటే పోలీసు స్టేషన్లకు వెళ్లి, ఫిర్యాదులు చేయడం, అక్కడ నానా ప్రశ్నలు ఎదురవ్వడం, చివరికి ఆ ఫోన్‌ ఎప్పుడు దొరుకుతుందో తెలియని పరిస్థితులు ఉన్నాయి.

పోలీసులు విరుగుడు కనిపెట్టారు. కనిపించ ని పోలీసుగా సీఐఈఆర్‌ సాంకేతిక పరిజ్ఞానం అందుబాటులోకి వచ్చింది. కేంద్ర టెలికాం మంత్రిత్వ శాఖ సెం ట్రల్‌ ఎక్విప్‌మెంట్‌ ఐడెంటిటీ రిజిస్టర్‌ (సీఈఐఆర్‌) ప్రవేశపెట్టింది. ఫోన్లు చోరీకి గురైతే వెబ్‌సైట్‌లో లాగిన్‌ అయ్యి అందులో ఫోన్‌ వివరాలను నమోదు చేయాలి. ఇలా చేసిన క్షణాల్లోనే ఆ ఫోన్‌ పని చేయడం మానేస్తుం ది. అందులోని డేటా కూడా కనిపించదు. ఎవరైనా ఆ ఫోన్‌లో కొత్తగా సిమ్‌ వేసుకున్నా వెంటనే తెలుస్తుంది. ఈ విధానంపై పోలీసు శాఖ తమ సిబ్బందికి అవగాహన కల్పిస్తున్నది. జిల్లాల వారీగా ఈ ప్రక్రియ కార్యరూపం దాల్చనున్నది. ప్రపంచ టెలికాం దినోత్సవం సందర్భం గా మే 17న ఈ విధానాన్ని లాంఛనంగా ప్రారంభించనున్నారు. పోలీసు శాఖ ప్రజలకు అవగాహన కల్పించే లా చర్యలు తీసుకుంటున్నది. దీంతో ప్రజలకు తక్షణం లాభం చేకూరడంతోపాటు పోలీసులకూ భారం తప్పుతుంది. ఈ విధానం అమల్లోకి వస్తే పోయిన ఫోన్‌లను ప్రజలు తామే సొంతంగా కనిపెట్టేసుకోవచ్చు.

ఎలా పని చేస్తుంది..?

• సెల్‌ఫోన్‌ పోగొట్టుకున్న వెంటనే https:// www.ceir.gov.in పోర్టల్‌ను ఓపెన్‌ చేయాలి. అందులో బ్లాక్‌ ఫోన్‌ ఆప్షన్‌ను ఎంచుకోవాలి.
• మొబైల్‌ నంబర్‌-1, మొబైల్‌ నంబర్‌-2, ఫోన్‌ బ్రాండ్‌, మోడల్‌, ఇన్‌వాయిస్‌(బిల్‌) ఫొటోను గడుల్లో నింపాలి.
• పోగొట్టుకున్న స్థలం, పోయిన తేదీ, ఇతర చిరునామా , అంతకుముందే ఇచ్చిన పోలీస్‌ కంప్లయింట్‌ నంబర్‌, ఫోన్‌ యజమాని చిరునామా, ఈ మెయిల్‌ ఐడీ, ధ్రువీకరణ కార్డులు, చాప్టర్లను సూచించిన బాక్సుల్లో నింపాలి.
• వెంటనే మీ సెల్‌ఫోన్‌ పాత నంబర్‌ మీద తీసుకున్న కొత్త సిమ్‌ నంబర్‌కు ఓటీపీ వస్తుంది.
• ఓటీపీ ఎంటర్‌ చేసిన తర్వాత ఫామ్‌ను సబ్‌మిట్‌ చేయాలి. ఆ తర్వాత ఫోన్‌ దానంతట అదే బ్లాక్‌ అవుతుంది. ఇకపై దాన్ని ఎవరూ ఆపరేట్‌ చేయలేరు. దాంట్లోనే డేటా సురక్షితంగా ఉంటుంది. ఒకవేళ ఫోన్‌ దొంగిలించిన వ్యక్తి లేదా సెకండ్‌ హ్యాండ్‌లో కొన్న వ్యక్తి సిమ్‌ వేయగానే మీ నంబర్‌కు మెసేజ్‌ వస్తుంది.
• ఆ సందేశం ఆధారంగా ఫోన్‌ ఎకడ ఉన్నా పట్టుకోవడం సులభతరం అవుతుంది.
  అన్‌బ్లాక్‌ చేయండిలా..
• మీ సెల్‌ఫోన్‌ను పోలీసులు పట్టుకున్నా.. లేక మీకే దొరికినా.. మీ పాత ఐడీ, ఫోన్‌ నంబర్‌, ఇతర వివరాలు నింపిన తర్వాత ఫోను ఆన్‌బ్లాక్‌ చేసుకోవచ్చు.

ఐఎంఈఐ నంబర్‌ తెలియకపోతే..

• ఒకవేళ మీరు ఫోన్‌ పోగొట్టుకున్నారు. ఐఎంఈఐ నంబర్‌ తెలియకపోయినా/గుర్తు లేకపోయినా దాన్ని ఎలా తెలుసుకోవచ్చు. మీ మొబైల్‌ నుంచి *#06# డయల్‌ చేయగానే మీ మొబైల్‌ నంబర్‌పై దాని ఐఎంఈఐ నంబర్‌ ప్రత్యక్షమవుతుంది. ఒకవేళ ఫోన్‌ పోగొట్టుకుంటే ఫోన్‌ కొన్న బాక్స్‌ మీద లేదా కొనుగోలు చేసిన షాపులో ఉన్న ఇన్‌వాయిస్‌ బిల్లు ద్వారా కూడా ఐఎంఈఐ నంబర్‌ను పొందవచ్చు.

బ్లాక్‌ చేయండిలా..

• మీరు సెకండ్‌ హ్యాండ్‌ ఫోన్‌ లేదా ఓఎల్‌ఎక్స్‌ తదితర వెబ్‌సైట్‌లో లేదా తెలిసిన వారి దగ్గర ఫోన్‌ కొనాల్సి వచ్చినప్పుడు అది దొంగిలించిందా లేదా బ్లాక్‌లిస్టులో ఉందా? అనే విషయం మనం కేవైఎం(నో యువర్‌ మొబైల్‌) విధానంలో ముందే తెలుసుకోవచ్చు.
• ఇందుకోసం మొబైల్‌ తీసుకుని కేవైఎం విధానంలోనూ ఐఎంఈఐ నంబర్‌ను తెలుసుకోవచ్చు. అందుకోసం కేవైఎం అని పెద్ద అక్షరాల్లో టైప్‌ చేయాలి. అనంతరం 15 అక్షరాల ఐఏఈఐ నంబర్‌ను టైప్‌ చేసి 14422 నంబర్‌కు ఎస్‌ఎంఎస్‌ పంపాలి.
• ఇందుకోసం కేవైఎం యాప్‌ను సైతం డైన్‌లోడ్‌ చేసుకోవచ్చు. ఇది ఆండ్రాయిడ్‌ , ఐఓఎస్‌ మొబైల్‌ ప్లేస్టోర్‌లో అందుబాటులో ఉంటుంది. లేదా సీఈఐఆర్‌ వెబ్‌సైట్‌లోనూ ఆఖరిగా ఇచ్చిన ఆప్షన్‌ ద్వారా కూడా ఫోన్‌ను తనిఖీ చేసుకోవచ్చు.