రాష్ట్ర స్థాయి వాలీబాల్‌ పోటీలకు మైనార్టీ విద్యార్థినుల ఎంపిక

ఖమ్మం జిల్లా కారేపల్లి మండల కేంద్రంలో గల తెలంగాణ మైనార్టీ గురుకుల బాలికల పాఠశాలకు చెందిన విద్యార్థినులు రాష్ట్రస్థాయి యూత్ వాలీబాల్ క్రీడా పోటీలకు ఎంపికయ్యారు. ఉమ్మడి ఖమ్మం జిల్లా వాలీబాల్..

కారేపల్లి, ఫిబ్రవరి 10 : ఖమ్మం జిల్లా కారేపల్లి మండల కేంద్రంలో గల తెలంగాణ మైనార్టీ గురుకుల బాలికల పాఠశాలకు చెందిన విద్యార్థినులు రాష్ట్రస్థాయి యూత్ వాలీబాల్ క్రీడా పోటీలకు ఎంపికయ్యారు. ఉమ్మడి ఖమ్మం జిల్లా వాలీబాల్ అసోసియేషన్ ఆధ్వర్యంలో ఈ నెల 9న భద్రాద్రి కొత్తగూడెం జిల్లా బొజ్జాయిగూడెంలో ఈ ఎంపికలు జరగగా మైనార్టీ పాఠశాలకు చెందిన సోని, జాస్మిన్ రాష్ట్రస్థాయి పోటీలలో పాల్గొనేందుకు అర్హత సాధించారు. పాఠశాల ప్రిన్సిపాల్ డి.సావిత్రి, పిడి జారే అనూష‌, పీఈటీ నాగేంద్రమ్మ విద్యార్థినుల‌ను అభినందించారు.