మభ్యపెట్టేందుకే ఆరు గ్యారెంటీ స్కీములు
ప్రజలను మభ్యపెట్టేందుకే ఆరు గ్యారెంటీ స్కీములంటూ కాంగ్రెస్ ప్రచారం చేసుకుంటోందని సత్తుపల్లి ఎమ్మెల్యే, బీఆర్ఎస్ నియోజకవర్గ అభ్యర్థి సండ్ర వెంకటవీరయ్య విమర్శించారు. కాంగ్రెస్ హామీలను నమ్మితే ప్రజలకు, ముఖ్యంగా రైతులకు ఎక్కువ ప్రమాదమని అన్నారు.
- వాటిని నమ్మితే ప్రజలు, రైతులకే ఎక్కువ ప్రమాదం
- పదేళ్ల బీఆర్ఎస్ పాలనలో సత్తుపల్లి సమగ్రాభివృద్ధి
- వేంసూరు ప్రచారంలో బీఆర్ఎస్ అభ్యర్థి వెంకటవీరయ్య
- గ్రామాల్లో సండ్ర , పార్థసారథిరెడ్డిలకు ఘన స్వాగతం
వేంసూరు, నవంబర్ 23: ప్రజలను మభ్యపెట్టేందుకే ఆరు గ్యారెంటీ స్కీములంటూ కాంగ్రెస్ ప్రచారం చేసుకుంటోందని సత్తుపల్లి ఎమ్మెల్యే, బీఆర్ఎస్ నియోజకవర్గ అభ్యర్థి సండ్ర వెంకటవీరయ్య విమర్శించారు. కాంగ్రెస్ హామీలను నమ్మితే ప్రజలకు, ముఖ్యంగా రైతులకు ఎక్కువ ప్రమాదమని అన్నారు. పదేళ్ల బీఆర్ఎస్ పాలనలో సత్తుపల్లి నియోజకవర్గం సమగ్రాభివృద్ధిని సాధించిందని అన్నారు. ఇంతటి అభివృద్ధిని ఇక్కడి ప్రజలందరూ గమనిస్తూనే ఉన్నారని గుర్తుచేశారు. అందుకని నియోజకవర్గంలో జరిగిన అభివృద్ధిని చూసే తనకు ఓట్లు వేయాలని కోరారు. వేంసూరు మండలంలో గురువారం పర్యటించిన ఆయన.. రాజ్యసభ సభ్యుడు బండి పార్థసారథిరెడ్డితో కలిసి కల్లూరుగూడెం, మొద్దులగూడెం, బీరాపల్లి, రామన్నపాలెం, వైఎస్ బంజర, రాయుడుపాలెం, మర్లపాడు, లచ్చన్నగూడెం, భీమవరం గ్రామాల్లో విస్తృతంగా ఎన్నికల ప్రచారం నిర్వహించారు.
ఈ సందర్భంగా సండ్ర మాట్లాడుతూ.. 50 ఏళ్ల పాటు పాలించిన కాంగ్రెస్ పార్టీ ఏమీ అభివృద్ధి చేయలేకపోయిందని విమర్శించారు. దానిని కప్పిపుచ్చుకునేందుకే అలవిగాని హామీలను ప్రకటిస్తోందని మండిపడ్డారు. బీఆర్ఎస్ ప్రభుత్వం అమలు చేసిన అనేక అభివృద్ధి, సంక్షేమ పథకాలతో రాష్ట్రంలోని ప్రతి ఇంటికీ లబ్ధి చేకూరిందని అన్నారు. నియోజకవర్గంలోని ప్రతి దళిత కుటుంబానికీ దళితబంధు పథకం అందుతుందని అన్నారు. కాంగ్రెస్ మాటలను నమ్మవద్దని, కరెంట్ మోటర్ల వద్ద జాగారం చేసే రోజులు రానివ్వొద్దని సూచించారు. కేసీఆరే తెలంగాణకు శ్రీరామరక్ష అని స్పష్టం చేశారు. రాజ్యసభ సభ్యుడు బండి పార్థసారథిరెడ్డి మాట్లాడుతూ.. ఈ నెల 30న జరిగే ఎన్నికల్లో కారు గుర్తుకు ఓటు వేసి తనను గెలిపించాలని కోరారు. ఈ సందర్భంగా ప్రగతినగర్కు చెందిన కాలనీవాసులు పెద్దసంఖ్యలో కాంగ్రెస్ నుంచి బీఆర్ఎస్లో చేరగా వారందరికీ ఎమ్మెల్యే సండ్ర గులాబీ కండువాలు కప్పారు. ప్రజాప్రతినిధులు, బీఆర్ఎస్ నాయకులు పగుట్ల వెంకటేశ్వరరావు, గొర్ల సంజీవరెడ్డి, పాలా వెంకటరెడ్డి, పుచ్చకాయల శంకర్రెడ్డి పాల్గొన్నారు.
Read Today's Latest Khammam News in Telugu and Telugu News
RELATED ARTICLES
తాజా వార్తలు
ఇందిరమ్మ కుటుంబ జీవిత బీమా పథకం పేద కుటుంబాలకు అండ
సారపాకలో ఇసుక అక్రమ రవాణా అడ్డుకట్టకు చర్యలు
KTR | ఢిల్లీకి సంచులు మోయడంలో, చక్కర్లు కొట్టడంలో రేవంత్కు పదికి పది మార్కులు : కేటీఆర్
ప్రియుడు పెళ్లికి నిరాకరించడంతో పురుగుల మందు తాగి యువతి ఆత్మహత్య
Drinking Water | చలికాలంలో రోజూ తగినంత నీళ్లను తాగాల్సిందే.. నీరు తగ్గితే ఈ సమస్యలు వస్తాయి..
ట్రెండింగ్ వార్తలు
Vande Bharat Train | బంధువులను సాగనంపేందుకు వందే భారత్ రైలు ఎక్కిన 12 మంది.. తర్వాత ఏం జరిగిందంటే?
Watch: హాస్పిటల్ యజమానిని బెదిరించి రూ.10 లక్షలు వసూలు.. కాంగ్రెస్ నేత అరెస్ట్, పార్టీ నుంచి బహిష్కరణ
Watch: ‘బ్యాగ్లో గంజాయి పెడతా.. డ్రగ్స్ కేసులో ఇరికిస్తా’.. జంటను బెదిరించిన పోలీస్ అధికారి
Migratory birds | చిలికా సరస్సుకు ప్రత్యేక అతిథులు.. ఏకంగా 80 జాతుల వలసపక్షుల సందడి.. Video
China flies electric plane | 19 సీట్ల ఎలక్ట్రిక్ విమానం.. విజయవంతంగా నడిపి పరీక్షించిన చైనా

