సత్తుపల్లి సత్తా చాటాలె..

ఖమ్మం జిల్లా సత్తుపల్లి నియోజకవర్గ పరిధిలోని కల్లూరులో బుధవారం బీఆర్‌ఎస్‌ అభ్యర్థి సండ్ర వెంకటవీరయ్య ఆధ్వర్యంలో నిర్వహించిన సీఎం కేసీఆర్‌ ప్రజా ఆశీర్వాద సూపర్‌ సక్సెస్‌ అయ్యింది. సభలో ముఖ్యమంత్రి కేసీఆర్‌ ప్రసంగం వినాలనే ఆతృతతో వివిధ గ్రామాలు, ప్రాంతాల నుంచి ప్రజలు, బీఆర్‌ఎస్‌ నాయకులు, కార్యకర్తలు తండోపతండాలుగా తరలిరావడంతో సభా ప్రాంగణం జాతరను తలపించింది.

• జాతరలా ప్రజా ఆశీర్వాద సభ
• సీఎం కేసీఆర్‌ సభ సూపర్‌ సక్సెస్‌
• గులాబీ వర్ణంతో నిండిన ప్రాంగణం

ఖమ్మం జిల్లా సత్తుపల్లి నియోజకవర్గ పరిధిలోని కల్లూరులో బుధవారం బీఆర్‌ఎస్‌ అభ్యర్థి సండ్ర వెంకటవీరయ్య ఆధ్వర్యంలో నిర్వహించిన సీఎం కేసీఆర్‌ ప్రజా ఆశీర్వాద సూపర్‌ సక్సెస్‌ అయ్యింది. సభలో ముఖ్యమంత్రి కేసీఆర్‌ ప్రసంగం వినాలనే ఆతృతతో వివిధ గ్రామాలు, ప్రాంతాల నుంచి ప్రజలు, బీఆర్‌ఎస్‌ నాయకులు, కార్యకర్తలు తండోపతండాలుగా తరలిరావడంతో సభా ప్రాంగణం జాతరను తలపించింది. బీఆర్‌ఎస్‌ ప్రభుత్వ హయాంలో కోట్లాది రూపాయలతో అన్ని రంగాల్లో జరిగిన నియోజకవర్గ అభివృద్ధి, వెంటపడి పని చేయించుకునే ఎమ్మెల్యే సండ్ర పనితీరును మెచ్చుకుంటూ సీఎం కేసీఆర్‌ చేసిన ప్రసంగానికి ప్రజలు హర్షధ్వానాలు ప్రకటించారు. చప్పట్లు, ఈలలు, కేరింతలు కొడుతూ మద్దతు పలికారు. సీఎం కేసీఆర్‌ రాక సందర్భంగా కల్లూరు ప్రాంతమంతా గులాబీ రంగు జెండాలు, ఫ్లెక్సీలు, కటౌట్లతో నిండిపోయింది. ఎటుచూసినా జన సందడే కనిపించడంతో పండుగ వాతావరణం కనిపించింది.

– సత్తుపల్లి, నవంబర్‌ 1

కల్లూరు సభ సైడ్‌ లైట్స్‌

• ముఖ్యమంత్రి కేసీఆర్‌ హెలీకాఫ్టర్‌ మధ్యాహ్నం 2:42 గంటలకు సభా ప్రాంగణం సమీపంలో దిగింది.
• సీఎం కేసీఆర్‌కు మంత్రి అజయ్‌కుమార్‌, ఎమ్మెల్యే సండ్ర వెంకటవీరయ్య, ఎంపీ బండి పార్థసారథిరెడ్డి, ఎమ్మెల్సీ తాతా మధులు పుష్పగుచ్ఛం అందజేసి ఘన స్వాగతం పలికారు.
• 2:50 గంటలకు ముఖ్యమంత్రి కేసీఆర్‌ సభా వేదికపైకి వచ్చారు.
• 3:02 గంటలకు కేసీఆర్‌ ప్రజా ఆశీర్వాద సభలో ప్రసంగాన్ని మొదలుపెట్టారు.
• 3:35 గంటలకు కేసీఆర్‌ ప్రసంగాన్ని ముగించారు.
• సత్తుపల్లి పెహల్వాన్‌ సండ్ర నాలుగోసారి అసెంబ్లీలో అడుగుపెడతారని, ఎంపీ నామా కూడా పెహల్వాన్‌లాగా పార్లమెంట్‌లో అడుగుపెడతారని అన్నారు.
• ‘రూ.60, రూ.70 గడియారాలు కావాలా..? ఆత్మగౌరవం కావాలా?’ అని సీఎం కేసీఆర్‌ ప్రశ్నించినప్పుడు.. ఆత్మగౌరవమే కావాలంటూ ప్రజల గొంతులన్నీ ప్రతిధ్వనించాయి.
• సండ్ర వెంకటవీరయ్య ప్రజల మనిషని, ఎవరు ఫోన్‌చేసినా స్పందిస్తారని, ఎంతదూరమున్నా పక్షిలా వాలిపోతారని ముఖ్యమంత్రి ప్రశంసించారు.
• సండ్ర సీనియర్‌ నాయకుడని, తనకు దగ్గరి మనిషని, ఆయన ఏపని అడిగినా కాదనని వివరించారు. 70 నుంచి 80 వేల మెజార్టీతో సండ్ర గెలుపు తథ్యమని స్పష్టం చేశారు.
• సభా ప్రాంగణమంతా పూర్తిస్థాయిలో జనంతో నండిపోయింది. రోడ్లపై కూడా జనసందోహం కనిపించింది.
• గాయని మధుప్రియ పాటకు మంత్రి పువ్వాడ, ఎమ్మెల్యే సండ్ర నృత్యం చేశారు. వారితో ప్రజలు కూడా నృత్యం చేసి చప్పట్లు కొడుతూ కేరింతలు, ఈలలతో అలరించారు.