RTC workers | మహిళా కండక్టర్ మృతికి ఆర్టీసీ కార్మికుల నివాళి

చిల్లర విషయంలో ప్రయాణికురాలు బ‌స్ కండ‌క్ట‌ర్‌ను తోసేసిన ఘ‌ట‌న‌లో మృతి చెందిన మహిళా కండక్టర్ కు ఆర్టీసీ కార్మికులు నిరసన తెలిపారు.

భద్రాద్రి కొత్తగూడెం, నవంబర్ 4 : చిల్లర విషయంలో ప్రయాణికురాలు బ‌స్ కండ‌క్ట‌ర్‌ను తోసేసిన ఘ‌ట‌న‌లో మృతి చెందిన మహిళా కండక్టర్ కు ఆర్టీసీ కార్మికులు నిరసన తెలిపారు. పది రోజులు క్రితం జరిగిన ఈ ఘటన లో మణుగూరు డిపో కండక్టర్ ప్రవళిక బస్ కింద పడి గాయాలు పాల‌యింది. హైదరాబాద్ దవాఖాన‌లో చికిత్స పొందుతూ మంగళవారం రాత్రి తుది శ్వాస విడిచింది.

ఆమె మృతికి ఉమ్మడి ఖమ్మం జిల్లా ఆర్టీసీ ఉద్యోగులు బంద్ కు పిలుపు నిచ్చారు. అన్ని డిపోల్లో కార్మికులు వర్షాన్ని సైతం లెక్క చేయ‌కుండా నిరసన తెలిపారు. డిపోలో నుండి బస్ లు కదల నివ్వలేదు. ఆమె మృతికి కారణ‌మైన‌ వారిపై చట్ట పరమైన చర్యలు తీసుకోవాలని డిమాండ్ చేసారు. కాగా, ఆయా డిపోల్లో మేనేజర్లు ప్రవళిక చిత్ర పటానికి నివాళులు అర్పించారు.