Ramavaram : జ్యూట్ బ్యాగ్ తయారీ శిక్ష‌ణ‌కు దరఖాస్తుల ఆహ్వానం

ఎం.ఎస్.ఎం. సూక్ష్మ, చిన్న, మధ్య తరహా పరిశ్రమల మంత్రిత్వ శాఖ వారి ఆధ్వర్యంలో సింగరేణి సేవా సమితి ద్వారా జ్యూట్ బ్యాగ్ తయారీలో శిక్షణ ఇచ్చేందుకు స్థానిక నిరుద్యోగ మహిళల నుండి దరఖాస్తులు ఆహ్వానిస్తున్న‌ట్లు కొత్తగూడెం ఏరియా జనరల్ మేనేజర్ ఎం.శాలెం రాజు మంగ‌ళ‌వారం ఓ ప్ర‌క‌ట‌న‌లో తెలిపారు

రామవరం, నవంబర్ 18 : ఎం.ఎస్.ఎం. సూక్ష్మ, చిన్న, మధ్య తరహా పరిశ్రమల మంత్రిత్వ శాఖ వారి ఆధ్వర్యంలో సింగరేణి సేవా సమితి ద్వారా జ్యూట్ బ్యాగ్ తయారీలో శిక్షణ ఇచ్చేందుకు స్థానిక నిరుద్యోగ మహిళల నుండి దరఖాస్తులు ఆహ్వానిస్తున్న‌ట్లు కొత్తగూడెం ఏరియా జనరల్ మేనేజర్ ఎం.శాలెం రాజు మంగ‌ళ‌వారం ఓ ప్ర‌క‌ట‌న‌లో తెలిపారు. శిక్ష‌ణ‌ 45 రోజుల పాటు కొన‌సాగ‌నున్న‌ట్లు వెల్ల‌డించారు. అర్హత, ఆసక్తి కలిగిన జికేఓసీ/ వికే కోల్ మైన్స్ పరిసర ప్రభావిత గ్రామాల నిరుద్యోగ మహిళలు ఈ నెల 30వ తేదీ లోపు దరఖాస్తులను కొత్తగూడెం ఏరియాలోని పర్సనల్ డిపార్ట్‌మెంట్ నందు సమర్పించాలని తెలిపారు. దరఖాస్తుతో పాటు విద్యార్హత సర్టిఫికెట్స్, ఆధార్ కార్డు జిరాక్స్, మూడు పాస్ పోర్ట్ సైజ్ ఫొటోలు జత చేయాలని పేర్కొన్నారు.