సలాం.. సైనికా.. ఆపరేషన్ సిందూర్పై ప్రశంసల జల్లు
పీవోకే, పాకిస్థాన్లోని ఉగ్రవాద స్థావరాలపై భారత సైన్యం చేసిన క్షిపణి దాడులపై సబ్బండవర్గాల ప్రజలు ప్రశంసలు కురిపిస్తున్నారు. పహల్గాంలో మతం అడిగి 26 మంది ఉసురు తీసిన ఉగ్రవాదుల దాడికి ప్రతీకారం తీర్చుకోవడాన్ని స్వాగతిస్తున్నారు. సైన్యం పనితీరు, పరాక్రమాలను చూసి గర్విస్తున్నామని, ‘సలాం సైనికా’ అంటూ అభినందనలు తెలుపుతున్నారు.
- భారత సైన్యానికి వెల్లువెత్తిన అభినందనలు
- ఉమ్మడి జిల్లాలో సంబురాలు
- న్యాయవాదుల ర్యాలీలు
వేములవాడ, మే 8 : పీవోకే, పాకిస్థాన్లోని ఉగ్రవాద స్థావరాలపై భారత సైన్యం చేసిన క్షిపణి దాడులపై సబ్బండవర్గాల ప్రజలు ప్రశంసలు కురిపిస్తున్నారు. పహల్గాంలో మతం అడిగి 26 మంది ఉసురు తీసిన ఉగ్రవాదుల దాడికి ప్రతీకారం తీర్చుకోవడాన్ని స్వాగతిస్తున్నారు. సైన్యం పనితీరు, పరాక్రమాలను చూసి గర్విస్తున్నామని, ‘సలాం సైనికా’ అంటూ అభినందనలు తెలుపుతున్నారు. గురువారం ఉమ్మడి జిల్లాలో పార్టీలకతీతంగా సంబురాలు చేసుకున్నారు. జగిత్యాల ధరూర్ క్యాంప్లో కాలనీవాసులు స్వీట్లు పంపిణీ చేసి పటాకులు పేల్చారు. మెట్పల్లిలో గంగపుత్ర సంఘం సభ్యులు జాతీయ జెండాతో కాలనీలో తిరుగుతూ ‘భారత్ మాతాకీ జై’ నినాదాలతో హోరెత్తించారు. అలాగే అక్కడక్కడ న్యాయవాదులు ర్యాలీలు తీశారు. కోరుట్లలో కోర్టు నుంచి కొత్త బస్టాండ్ అంబేదర్ విగ్రహం వరకు ర్యాలీగా వెళ్లారు.

జాతీయ పతాకాలు చేతబూని ‘భారత్ మాతాకీ’ జై నినాదాలతో హోరెత్తించారు. మానవహారంగా ఏర్పడి, పటాకులు కాల్చి, స్వీట్లు పంచారు. సిరిసిల్లలో జిల్లా కోర్టు ప్రాంగణం నుంచి గాంధీ చౌక్ వరకు ‘జై జవాన్’ నినాదాలు చేస్తూ ర్యాలీ తీశారు. వేములవాడలో తెలంగాణ చౌక్ నుంచి తిప్పాపూర్ తెలంగాణ తల్లి విగ్రహం వరకు న్యాయవాదులు ర్యాలీ తీసి మద్దతుగా నిలిచారు. ఈ సందర్భంగా బార్ అసోసియేషన్ అధ్యక్షుడు గుండ రవి మాట్లాడుతూ, ఆపరేషన్ సిందూర్ దేశానికే గర్వకారణం అని అన్నారు. భారత్ సాంకేతిక సత్తా ఏంటో ఇవాళ ప్రపంచానికి తెలిసిందన్నారు. ఉగ్రవాద శిబిరాలపై దాడి చేసి ముషరులకు భారత్ సరైన సమాధానం ఇచ్చిందన్నారు. సాధారణ పౌరులకు హాని కలగకుండా కచ్చితమైన ప్రాంతాల్లో దాడులు చేయడంతో భారత్ టెక్నాలజీ శక్తి ప్రపంచానికి తెలిసిందని స్పష్టం చేశారు. ఈ ర్యాలీలో బార్ అసోసియేషన్ ప్రధాన కార్యదర్శి గడ్డం సత్యనారాయణరెడ్డి, న్యాయవాదులు కటకం జనార్ధన్, రేగుల దేవేందర్, గుడిసె సదానందం, పొత్తూరు అనిల్ కుమార్, కొడిమ్యాల పురుషోత్తం, కిశోర్రావు, జంగం అంజయ్య, తదితరులు పాల్గొన్నారు.
Read Today's Latest Karimnagar News in Telugu and Telugu News
RELATED ARTICLES
తాజా వార్తలు
మండల స్థాయి ఆంగ్ల పోటీల్లో జూలూరుపాడు జడ్పీహెచ్ఎస్ విద్యార్థుల ప్రతిభ
‘సాగర్ గర్భంలో ఏపీ అక్రమ సొరంగం’
Fishermen’s Protest | మంత్రులు జూపల్లి, వాకిటి శ్రీహరికి మత్స్యకారుల నిరసన సెగ
Karoline Leavitt | ‘పెళ్లిళ్లు చేసుకుని ఎక్కువ మంది పిల్లలను కనండి’.. అమెరికా యువతకు కరోలిన్ లీవిట్ పిలుపు..!
Manne Krishank | ఇలా దాడులు చేస్తే పెట్టుబడులు ఎలా వస్తాయి.. మెటా క్యాంపస్ ఘటనపై మన్నె క్రిశాంక్
ట్రెండింగ్ వార్తలు
Watch: వైద్య విద్యార్థినిని.. కాలేజీ క్యాంపస్ నుంచి కిడ్నాప్ చేసిన కుటుంబ సభ్యులు, వీడియో వైరల్
Vande Bharat Train | బంధువులను సాగనంపేందుకు వందే భారత్ రైలు ఎక్కిన 12 మంది.. తర్వాత ఏం జరిగిందంటే?
Watch: హాస్పిటల్ యజమానిని బెదిరించి రూ.10 లక్షలు వసూలు.. కాంగ్రెస్ నేత అరెస్ట్, పార్టీ నుంచి బహిష్కరణ
Watch: ‘బ్యాగ్లో గంజాయి పెడతా.. డ్రగ్స్ కేసులో ఇరికిస్తా’.. జంటను బెదిరించిన పోలీస్ అధికారి
Migratory birds | చిలికా సరస్సుకు ప్రత్యేక అతిథులు.. ఏకంగా 80 జాతుల వలసపక్షుల సందడి.. Video

