Collector Sri Harsha | ఓటు హక్కును వినియోగించుకోవాలి : కలెక్టర్‌ కోయ శ్రీ హర్ష

Collector Sri Harsha | పట్టభద్రులు, టీచర్స్​‍ ఎమ్మెల్సీ ఎన్నికలలో ఓటు కలిగిన ప్రతి ఒక్కరూ తమ ఓటు హక్కును తప్పనిసరిగా వినియోగించుకోవాలని జిల్లా కలెక్టర్‌ కోయ శ్రీ హర్ష (Koya Sri Harsha)పిలుపునిచ్చారు.

పెద్దపల్లి, ఫిబ్రవరి 27: జిల్లాలో జరుగుతున్న పట్టభద్రులు, టీచర్స్​‍ ఎమ్మెల్సీ ఎన్నికలలో ఓటు కలిగిన ప్రతి ఒక్కరూ తమ ఓటు హక్కును తప్పనిసరిగా వినియోగించుకోవాలని జిల్లా కలెక్టర్‌ కోయ శ్రీ హర్ష (Koya Sri Harsha)పిలుపునిచ్చారు. గురువారం జిల్లా కేంద్రంలోని ప్రభుత్వ జూనియర్‌ కళాశాల ప్రాంగణంలోని పట్టభద్రులు, టీచర్స్​‍ పోలింగ్‌ కేంద్రాలను తనిఖీ చేసి పోలింగ్‌ జరుగుతున్న తీరును పరిశీలించారు. అనంతరం ఆయన మాట్లాడుతూ.. తెలంగాణ శాసన మండలిలో గ్రాడ్యుయేట్స్​‍, టీచర్స్​‍ స్థానాల ఎన్నికల కోసం జిల్లాలో 36 గ్రాడ్యుయేట్స్​‍, 14 పోలింగ్‌ టీచర్స్​‍ పోలింగ్‌ కేంద్రాల్లో తమ ఓటు హక్కు వినియోగించుకుంటున్నారని తెలిపారు.

7 రూట్‌లలో 50 పోలింగ్‌ కేంద్రాలు ఏర్పాటు చేశామని చెప్పారు. ఉదయం 10 గంటల వరకు పట్టభధ్రులు (2, 088 మంది) 6.73 శాతం, టీచర్స్​‍ (152 మంది) 13.68 శాతం ఓటింగ్‌ నమోదైందని పేర్కొన్నారు. పోలింగ్‌ ముగిసిన తర్వాత బ్యాలెట్‌ బాక్స్​​‍లను కరీంనగర్‌లోని రిసెప్షన్‌ కేంద్రాలకు తరలిస్తామన్నారు. ఆయన వెంట పెద్దపల్లి తహసీల్దార్‌ రాజయ్య, సంబంధిత అధికారులు, తదితరులు పాల్గొన్నారు.

ఓటు హక్కును వినియోగించుకున్న మాజీ ఎమ్మెల్యే

పెద్దపల్లి ప్రభుత్వ జూనియర్‌ కళాశాలలోని పోలింగ్‌ కేంద్రంలో పెద్దపల్లి మాజీ ఎమ్మెల్యే దాసరి మనోహర్‌రెడ్డి -పుష్పాలత రెడ్డి, మాజీ చైర్‌ పర్సన్‌ దాసరి మమతారెడ్డి – ప్రశాంత్‌రెడ్డి క్యూ లైన్‌లో నిలుచోని తమ ఓటు హక్కును వినియోగించుకున్నారు.