బైడెన్ సీనియ‌ర్ స‌ల‌హాదారుగా నీరా టాండ‌న్‌

నీరా టాండ‌న్‌| అమెరికా అధ్య‌క్షుడు జో బైడెన్ బృందంలో మ‌రో ఇండియ‌న్ అమెరిక‌న్ నియ‌మితుల‌య్యారు. వైట్‌హౌస్‌ సీనియ‌ర్ స‌ల‌హాదారుగా భార‌తీయ మూలాలున్న నిరా టాండ‌న్‌ను బైడెన్ నియ‌మించారు.

వాషింగ్ట‌న్‌: అమెరికా అధ్య‌క్షుడు జో బైడెన్ బృందంలో మ‌రో ఇండియ‌న్ అమెరిక‌న్ నియ‌మితుల‌య్యారు. వైట్‌హౌస్‌ సీనియ‌ర్ స‌ల‌హాదారుగా భార‌తీయ మూలాలున్న నీరా టాండ‌న్‌ను బైడెన్ నియ‌మించారు. గ‌తంలో ఆమెను వైట్‌హౌస్‌లో బ‌డ్జెట్ చీఫ్‌గా నియామించాల‌నుకున్న‌ప్పుడు రిప‌బ్లిక‌న్ల నుంచి తీవ్ర వ్య‌తిరేక‌త వ‌చ్చిన విష‌యం తెలిసిందే. ఈ నేప‌థ్యంలో ఆమెను సీనియ‌ర్ స‌ల‌హ‌దారుగా బైడెన్ నియ‌మించారు. దీనికి సెనెట్ ఆమోదం తెల‌పాల్సిన అవ‌స‌రం లేద‌ని అధికారులు తెలిపారు. ఆమె హెల్త్‌కేర్, ఇంట‌ర్నెట్ యాక్సెస్ అంశాల‌పై ఆమె దృష్టిసారించ‌నున్నారు.

సెంట‌ర్ ఫ‌ర్ అమెరిక‌న్ ప్రోగ్రెస్ (సీఏపీ) అధ్య‌క్షురాలిగా ప‌నిచేస్తున్న టాండ‌న్‌.. గ‌తంలో మాజీ అధ్య‌క్షుడు బ‌రాక్ ఒబామాకు, మాజీ విదేశాంగ మంత్రి హిల్ల‌రీ క్లింట‌న్‌కు స‌ల‌హాదారుగా వ్య‌వ‌హ‌రించారు. కాగా, అగ్రరాజ్యంలో బడ్జెట్‌ చీఫ్‌గా నీరా టాండన్‌ నియామకంపై సెనెట్‌తో పాటు సొంత పార్టీ నేతల నుంచి వ్యతిరేకత రావడంతో ఆయన అధ్య‌క్షుడు బైడెన తన నిర్ణయాన్ని ఉపసంహరించుకున్నారు. ఈ ఏడాది ఆరంభంలో అమెరికా అధ్యక్షుడిగా బాధ్యతలు చేపట్టిన బైడెన్‌కు ఇది తొలి కేబినెట్‌ వైఫల్యంగా నిలిచింది.

భారత మూలాలున్న నీరా టాండన్‌ను వైట్‌హౌస్‌ ఆఫీస్‌ ఆఫ్‌ మేనేజ్‌మెంట్‌ అండ్‌ బడ్జెట్‌ డైరెక్టర్‌గా నియ‌మించాల‌ని బైడెన్‌ నిర్ణయించారు. అయితే, నీరా గతంలో డెమొక్రాటిక్‌ నేతలతో సహా పలువురు చట్టసభ్యులను విమర్శిస్తూ ట్వీట్లు చేశారు. అవి వివాదాస్పదమమ‌వ‌డంతో ఆమె నియామకాన్ని మంత్రులు, డెమొక్రాటిక్‌ చట్టసభ్యులు వ్యతిరేకించారు. దీంతో ఆమె నియామకాన్ని ధ్రువీకరించేందుకు సెనెట్‌లో సరిపడా ఓట్లు వచ్చే అవకాశం లేకపోవడంతో నీరా తన నామినేషన్‌ను ఉపసంహరించుకున్నారు.

లోక‌ల్ టు గ్లోబ‌ల్ వార్త‌ల కోసం.. న‌మ‌స్తే తెలంగాణ ఫేస్‌బుక్‌, ట్విట‌ర్ పేజీల‌ను ఫాలో అవ్వండి

ఇవికూడా చదవండి..

ముంచుకొస్తున్న తుఫాను

మాస్కుల నుంచి విముక్తి

అలుపెరుగని అంగన్‌వాడీలు

Good News : 2డీజీ డ్రగ్‌ వచ్చే వారం అందుబాటులోకి

కరోనా.. గందరగోళం

పిల్లలు జాగ్రత్త!

గ్రామాల్లో వేగంగా వైరస్‌: మోదీ

పరీక్షల రద్దు వార్తలు నమ్మొద్దు