e-Paper

Advertisement

E-Paper

Apps

Book Your Copy

Visit Telangana Today

Wednesday, July 28, 2021
Home ఆరోగ్యం వానకాలం..‘చూసి’ తినండి

వానకాలం..‘చూసి’ తినండి

వానకాలం..‘చూసి’ తినండి

వానకాలంలో రకరకాల ఇన్ఫెక్షన్లు చుట్టుముట్టే ఆస్కారం ఎక్కువ. పైగా సర్ది, దగ్గు, మలేరియా, డెంగ్యూ, జ్వరం, టైఫాయిడ్‌, న్యుమోనియా మొదలైనవన్నీ దాడి చేస్తాయి. వాటిని తట్టుకొనేందుకు రోగ నిరోధక శక్తిని పెంచుకోవాలి. ఆహారం విషయంలోనూ జాగ్రత్తలు అవసరం.

  • వేపుళ్లు వద్దు : బయట వర్షం పడుతుంటే ఇంట్లో వేడివేడి పకోడీలు, గారెలు చేసుకోవడం చాలామందికి అలవాటే. అయితే, ఇలాంటి పదార్థాలను తరచూ తినడం వల్ల జీర్ణకోశ సమస్యలు తలెత్తుతాయి. విరేచనాలు ఇబ్బంది పెట్టవచ్చు. వేపుళ్లకు వాడిన నూనెను మళ్లీ ఉపయోగించొద్దు. అది విషంగా మారవచ్చు.
  • ఆకుకూరలు తినొద్దు : ఈ కాలంలో ఆకుకూరలపై బ్యాక్టీరియా, ఫంగస్‌ పోగై ఉంటాయి. కాబట్టి, తినకపోవడమే మంచిది. లేదంటే, శుభ్రంగా కడిగి పెద్ద మంటపై వండుకుని తినాలి.
  • సీ-ఫుడ్‌కు దూరం : నీళ్లవల్ల కలిగే ఇన్ఫెక్షన్లు ఎక్కువే కాబట్టి చేపలు, ఇతర సీ-ఫుడ్‌కు దూరంగా ఉండాలి. మాంసాహారం కూడా కొన్ని రోజులు తినకపోవడం మంచిది. ఈ సీజన్‌లో మాంసం త్వరగా కుళ్లిపోతుంది.
  • ఆ తిండి ప్రమాదకరం: బ్యాక్టీరియా, ఫంగస్‌ పెరిగేందుకు ఈ వాతావరణం బాగా తోడ్పడుతుంది. అందువల్ల, రోడ్లపై దొరికే ఆహారం తీసుకోవద్దు. ఎంత తినాలని అనిపించినా, మనసును నియంత్రించుకుని ఇంటి ఆహారానికే పరిమితం కావాలి.

ఏం తినాలి?

  • కాచి చల్లార్చిన నీళ్లనే తాగాలి. గోరువెచ్చని నీళ్లు, సూప్స్‌ తరచూ తీసుకోవాలి.
  • జామ, చెర్రీ, లిచీ, దానిమ్మ, పీచ్‌, పియర్‌ మొదలైన సీజనల్‌ పండ్లు తినాలి. వీటిలో ఫైబర్‌, విటమిన్‌-ఎ, విటమిన్‌-సి, యాంటీ ఆక్సిడెంట్లు పుష్కలం.
  • సొరకాయ, కాకరకాయ, బీరకాయ, దోసకాయ, క్యాబేజీ మొదలైన కూరగాయలను డైట్‌లో చేర్చుకోవాలి. పచ్చిగా వద్దు, ఉడికించి మాత్రమే తినాలి.
  • యాంటీ సెప్టిక్‌, యాంటీ ఇన్‌ఫ్లమేటరీ గుణాలున్న పసుపు, అల్లం కూరల్లో చేర్చాలి. ఉప్పు వాడకాన్ని తగ్గించాలి.
  • రోగ నిరోధక వ్యవస్థ పనితీరును మెరుగుపరిచే వెల్లుల్లిని ఆహారంలో భాగం చేసుకోవాలి.
  • ఈ కాలంలో పాల వాడకాన్ని తగ్గించి, పెరుగు మోతాదు పెంచాలి. దాంతో శరీరంలో చెడు బ్యాక్టీరియా చేరకుండా ఉంటుంది.
  • మెంతికూర, కాకరకాయ, వేప, పసుపు వంటి చేదు పదార్థాలను ఎక్కువగా ఉపయోగిస్తే రకరకాల ఇన్ఫెక్షన్ల బారినుంచి బయటపడొచ్చు.
  • నువ్వుల నూనె, పల్ల్లీ నూనె, ఆవనూనె వాడకాన్నివర్షకాలంలో తగ్గించాలి.
  • అల్లం, తులసి, లవంగాలు, మిరియాలు, దాల్చిన చెక్క, ఇలాచీ మొదలైన దినుసులతో డికాక్షన్‌ చేసుకుని తాగితే మంచిది.

వానకాలం..‘చూసి’ తినండిమయూరి ఆవుల
న్యూట్రిషనిస్ట్‌,
www.trudiet.in

- Advertisement -
- Advertisement -
Advertisement
-Advertisement-

తాజావార్తలు

Advertisement
వానకాలం..‘చూసి’ తినండి
వానకాలం..‘చూసి’ తినండి
వానకాలం..‘చూసి’ తినండి

ట్రెండింగ్‌

Advertisement