e-Paper

Advertisement

E-Paper

Apps

Book Your Copy

Visit Telangana Today

Tuesday, July 27, 2021
Home News ఈ మ‌ధ్యే పెండ్ల‌యింది.. నా అనుమానం నిజమేనా?

ఈ మ‌ధ్యే పెండ్ల‌యింది.. నా అనుమానం నిజమేనా?

మేడమ్‌! నా వయసు 28 ఏండ్లు. బి.ఎడ్‌ చేశాను. నాకు ఈ మధ్యే పెండ్లయింది. అయితే, నా భార్య వక్షోజాలు వదులుగా ఉన్నాయి. పెండ్లికాని అమ్మాయిల వక్షోజాలు స్టిఫ్‌గా ఉంటాయంటారు కదా! అది నిజమేనా? వయసును బట్టి వక్షోజాలు ఉంటాయంటారా? ఆమెకు పెండ్లికి ముందు వేరే సంబంధాలు ఉన్నాయంటారా? నా అనుమానం నివృత్తి చేయగలరు?- ఓ సోదరుడు

ఈ మ‌ధ్యే పెండ్ల‌యింది.. నా అనుమానం నిజమేనా?

నువ్వు బి.ఎడ్‌ చేశానని చెబుతున్నావు. కానీ, నీ అనుమానాలు చదువుతుంటే… నీకు విద్యా జ్ఞానం, స్త్రీలను గౌరవించే సంస్కారం కొంతైనా లేవనిపిస్తున్నది. కనీస పరిజ్ఞానం లేకుండా నువ్వు క్షోభ పడుతూ, నీ భార్యనూ అనుమానిస్తున్నావు. వక్షోజాల్లో కండరాలు ఉండవు. కొవ్వు కణాలు, గ్రంథులు, పాలను చనుమొనల ద్వారా తీసుకెళ్లే నాళాలు (మిల్క్‌ డక్ట్స్‌) ఉంటాయి. అవన్నీ మెత్తని అనుసంధాన కణజాలంతో బంధించబడి, దగ్గరగా ఉంటాయి.

- Advertisement -

అలాగని వక్షోజాలు బిగించి ఉండాలని ఏమీ లేదు. వ్యక్తికీ, వ్యక్తికీ ఈ వక్షోజాల అంతర్గత అమరికలో తేడా ఉంటుంది. వివాహానికి ముందు స్త్రీలు సెక్స్‌లో పాల్గొంటే వక్షోజాలు సాగినట్లు అవుతాయన్నది మూర్ఖమైన అపోహ మాత్రమే! అయితే, తల్లయ్యాక బిడ్డకు పాలిచ్చే సమయంలో అంటే గర్భధారణ, పిల్లలు పుట్టిన తర్వాత వక్షోజాల బిగువులో మార్పు వస్తుంది.

ఈ సమయంలో అంతర్గత కణజాలం మెత్తబడుతుంది. పరిమాణమూ మారుతుంది. అంటే కొద్దిగా పెద్దగా అవుతాయి. స్త్రీలలో ఈస్ట్రోజన్‌, ప్రొలాక్టివ్‌ అనే హార్మోన్ల స్థాయిలో పెండ్లికి ముందు, తర్వాత దశల్లో చాలా తేడాలు ఉంటాయి. ఈ హార్మోన్లు వక్షోజాల పరిమాణంలో మార్పునకు దోహదం చేయడంతోపాటు చనుమొలలు పగలకుండా కాపాడుతాయి.

డాక్టర్‌ భారతి
సెక్సాలజిస్ట్‌, సైకోథెరపిస్ట్‌, రైస్‌ హాస్పిటల్‌,
హస్తినాపురం, హైదరాబాద్‌.
ఈ మెయిల్‌: [email protected]

లోక‌ల్ టు గ్లోబ‌ల్ వార్త‌ల కోసం.. న‌మ‌స్తే తెలంగాణ ఫేస్‌బుక్‌ట్విట‌ర్ పేజీల‌ను ఫాలో అవ్వండి

ఇవి కూడా చదవండి..

ఆయనకు ఆ కోరిక ఎక్కువ.. నేనేం చేయాలి?

తను ముట్టుకోడు.. నన్నూ ముట్టుకోనివ్వడు

30 ఏండ్లు దాటాక పెళ్లి చేసుకుంటే స‌మ‌స్య‌లొస్తాయా?

లావైపోయాను.. కాపురానికి పనికిరానా?

ఎంత పనిచేసినా అలసట రావొద్దంటే వీటిని తినండి..

Advertisement
-Advertisement-

తాజావార్తలు

Advertisement
ఈ మ‌ధ్యే పెండ్ల‌యింది.. నా అనుమానం నిజమేనా?
ఈ మ‌ధ్యే పెండ్ల‌యింది.. నా అనుమానం నిజమేనా?
ఈ మ‌ధ్యే పెండ్ల‌యింది.. నా అనుమానం నిజమేనా?

ట్రెండింగ్‌

Advertisement