Vishwak Sen look | కోర్టులో ‘లాయ‌ర్ విశ్వామిత్ర’ ..ఇంట్రెస్టింగ్‌గా విశ్వ‌క్ సేన్‌ న్యూ లుక్

యువ హీరో ప్ర‌స్తుతం విశ్వ‌క్ సేన్ (Vishwak Sen) లాయ‌ర్ కోటు వేసుకుని కోర్టులో వాదించేందుకు రెడీ అయ్యాడు. ఇంత‌కీ ఏ సినిమా కోసమ‌నుకుంటున్నారా..? తాజా ప్రాజెక్టు ముఖ‌ చిత్రం (Mukhachitram) కోసం ఇలా మారిపోయాడు.

ఫ‌ల‌క్‌నుమా దాస్ చిత్రంతో ప‌క్కా హైద‌రాబాదీ యాస‌లో మాట్లాడుతూ మాస్ హీరోగా తెలుగు ప్రేక్ష‌కుల‌కు ద‌గ్గ‌రయ్యాడు విశ్వ‌క్ సేన్ (Vishwak Sen). ఈ యువ హీరో ప్ర‌స్తుతం లాయ‌ర్ కోటు వేసుకుని కోర్టులో వాదించేందుకు రెడీ అయ్యాడు. ఇంత‌కీ ఏ సినిమా కోసమ‌నుకుంటున్నారా..? తాజా ప్రాజెక్టు ముఖ‌ చిత్రం (Mukhachitram) కోసం ఇలా మారిపోయాడు. మేక‌ర్స్ ఇవాళ విశ్వ‌క్ సేన్ పుట్టిన‌రోజు (Vishwak Sen birthday) సంద‌ర్భంగా సినిమా ఫ‌స్ట్ లుక్ పోస్ట‌ర్‌ను విడుద‌ల చేశారు.

ఈ చిత్రంలో లాయ‌ర్ విశ్వామిత్ర పాత్ర‌లో ఈ యువ హీరో క‌నిపించ‌బోతున్న‌ట్టు పోస్ట‌ర్ ద్వారా తెలియ‌జేశారు మేక‌ర్స్. కోర్టులో కేసు వాదిస్తున్న స‌మ‌యంలో టేబుల్‌పై చేతులు పెట్టి సీరియ‌స్‌గా క‌నిపిస్తున్నాడు విశ్వ‌క్ సేన్‌. స‌స్పెన్స్, క్యూరియాసిటీతో కూడిన రివ‌ర్టింగ్ డ్రామా నేప‌థ్యంలో సినిమా ఉండ‌బోతుంద‌ని లేటెస్ట్ లుక్‌తో తెలిసిపోతుంది. క‌ల‌ర్ ఫొటో ఫేం డైరెక్ట‌ర్ సందీప్ రాజ్ క‌థ‌, స్క్రీన్ ప్లే, మాట‌లు అందిస్తున్న ఈ చిత్రాన్ని గంగాధ‌ర్ డైరెక్ట్ చేస్తున్నాడు.

Read Also : Brahmastra | నాగార్జున హైబ‌డ్జెట్ హిందీ సినిమా కంప్లీట్‌..స్పెష‌ల్ వీడియో

An intense COURTROOM DRAMA is on it's way..
Here is the surprise character from #Mukhachitram 🤘 pic.twitter.com/tDXALpBhkM

— Sandeep Raj (@SandeepRaaaj) March 29, 2022

హుషారు ఫేం ప్రియావ‌డ్ల‌మాని (Priya Vadlamani) లాయ‌ర్ విశ్వామిత్రతో రొమాన్స్ చేయ‌బోతుంది. యువ కంపోజ‌ర్ కాల భైర‌వ మ్యూజిక్ కంపోజ్ చేస్తున్నాడు. గ్లింప్స్ వీడియోను సాయంత్రం 5 గంట‌లకు విడుద‌ల చేయ‌నున్నారు మేక‌ర్స్.
గ‌తేడాది పాగ‌ల్ సినిమాతో ప్రేక్ష‌కుల ముందుకొచ్చాడు విశ్వ‌క్ సేన్‌. విశ్వ‌క్ సేన్ చేతిలో బ్యాక్ టు బ్యాక్ ప్రాజెక్టులు ఉన్నాయి. అశోక్ వ‌నంలో అర్జుణ క‌ల్యాణం, గామి, అక్టోబ‌ర్ 31 లేడీస్ నైట్‌, ఓరి దేవుడా, దాస్ కా ధ‌మ్ కీ చిత్రాల్లో న‌టిస్తున్నాడు.

Read Also :  RRR Global Box Office Collection | ఆర్ఆర్ఆర్ వేట మొద‌లైన‌ట్టే..తాజా గ్లోబ‌ల్ బాక్సాపీస్ క‌లెక్ష‌న్లే సాక్ష్యం !

Read Also :  KGF Chapter 2 Trailer | గ‌రుడ‌ను చంపేసిన త‌ర్వాత ఏం జ‌రిగింది..స్ట‌న్నింగ్‌గా కేజీఎఫ్ 2 ట్రైల‌ర్