Balagam | రక్త సంబంధాల అనుబంధాన్ని.. బలగం ఉంటే ఉండే బలాన్ని చాటి చెప్పిన బలగం సినిమాకు తెలంగాణ పల్లెలు పట్టం కట్టాయి. తెలంగాణ సంస్కృతి సంప్రదాయాలను అద్దం పడుతూ తెరకెక్కిన ఈ సినిమా ఇంటింటినీ పలకరించింది. దూరమైన బంధాలను దగ్గర చేసింది. ఎవరి ఇంట్లో వాళ్లు కూర్చొని సినిమాలు చూసే కాలంలోనూ ప్రజలంతా పల్లె నడిబొడ్డుకు చేరి ఒక్కచోట సినిమా చేసే పరిస్థితులను తీసుకొచ్చింది. సున్నితమైన అంశాన్ని తీసుకొని హృద్యంగా తెరకెక్కించిన ఈ బలగం సినిమా కేవలం తెలంగాణ పల్లె ప్రజలను మాత్రమే కాదు.. అంతర్జాతీయంగా ఉన్న ఆడియన్స్ను కూడా విశేషంగా ఆకట్టుకుంది. అందుకే ఒకటి.. రెండు.. కాదు ఏకంగా 100కి పైగా ఇంటర్నేషనల్ అవార్డులు బలగం సినిమాను వెతుక్కుంటూ వచ్చాయి.
A journey of Excellence and Recognition! ❤️
Earlier, we had
Films running for 100 days..
Films running in 100 centers..
Films collecting 100 crores ..Now, we have achieved a film with 100+ international awards ❤️#Balagam is a special film for many reasons 🤗🤗#balagam pic.twitter.com/26yfgS8sse
— Venu Yeldandi #Balagam (@VenuYeldandi9) July 4, 2023
బలగం సినిమాకు వందకిపైగా అంతర్జాతీయ అవార్డులు రావడం పట్ల మేకర్స్ సంతోషం వ్యక్తం చేశారు. ఇదొక అద్భుతమైన మరుపురాని ప్రయాణం. ఇదివరకు మన సినిమాలు 100 రోజులు, 100 సెంటర్లు, 100 కోట్లు కలెక్ట్ చేయడం వంటి రికార్డులను క్రియేట్ చేశాయి. కానీ 100కి పైగా అంతర్జాతీయ అవార్డుల సాధించిన ఘనతను అందుకుని ప్రత్యేకంగా నిలిచింది. దర్శకుడు వేణు యెల్దండి ట్వీట్ చేశారు. వేణు యెల్దండి దర్శకత్వంలో వచ్చిన బలగం సినిమాను దిల్ రాజు బ్యానర్పై హన్షితా రెడ్డి తెరకెక్కించారు. భీమ్స్ సిసిరోలియా సినిమాకు అద్భుతమైన సంగీతం, బ్యాక్గ్రౌండ్ స్కోర్ అందించారు.
Spy Movie | మళ్లీ అలాంటి తప్పు జరగనివ్వను.. నిఖిల్ ఎమోషనల్ నోట్