Ram Charan | టాలీవుడ్ సీనియర్ కమెడియన్ బ్రహ్మానందం (Brahmanandam) తన జీవిత కథను (autobiography) ‘నేను.. మీ బ్రహ్మానందం’ (Nenu Brahmanandam) పేరిట పుస్తక రూపంలో ఆవిష్కరించిన విషయం తెలిసిందే. ఇటీవలే ఈ పుస్తకం మార్కెట్లో అందుబాటులోకి వచ్చింది. తాజాగా తన ఆత్మకథ పుస్తకాన్ని బ్రహ్మానందం.. టాలీవుడ్ మెగా పవర్ స్టార్ రామ్ చరణ్ (Ram Charan)కు అందించారు. ప్రస్తుతం గేమ్ ఛేంజర్ షూటింగ్లో ఉన్న చరణ్ను కలిసిన బ్రహ్మానందం.. ఆత్మకథ పుస్తకాన్ని బహుమతిగా అందించారు.
ఈ మేరకు బ్రహ్మానందం పుస్తకాన్ని అందిస్తున్న ఫొటోని చరణ్ తన సోషల్ మీడియాలో షేర్ చేశారు. ‘తన అద్భుతమైన జీవిత ప్రయాణాన్ని బ్రహ్మానందం గారు ‘నేను..’ పుస్తకంలో చాలా హాస్యంగా, హృదయానికి హత్తుకునేలా రాశారు. ఈ పుస్తకంలోని పేజీలు ఆయన మనకు అందించిన హాస్యం, జీవిత పాఠాలను చూపిస్తాయి. ఈ పుస్తకాన్ని అమెజాన్లో ఆర్డర్ చేసుకోండి’ అంటూ పోస్ట్ పెట్టారు. ప్రస్తుతం చరణ్ పోస్ట్ తెగ వైరల్ అవుతోంది.
Journeying through the incredible life of #Brahmanandam Garu in ‘NENU,’ his autobiography crafted with humor and heart. 📘 These pages hold the essence of laughter, life lessons, and the cinematic charm he brought to us all.
Order the book through this link:… pic.twitter.com/kY7qgaFtrS
— Ram Charan (@AlwaysRamCharan) January 10, 2024
చరణ్ ప్రస్తుతం శంకర్ దర్శకత్వంలో ‘గేమ్ ఛేంజర్’ (Game Changer)లో కథానాయకుడిగా నటిస్తున్నారు. శ్రీ వెంకటేశ్వర క్రియేషన్స్ పతాకంపై దిల్ రాజు ఈ చిత్రాన్ని నిర్మిస్తున్నారు. ‘ఆర్ఆర్ఆర్’ వంటి బ్లాక్బస్టర్ హిట్ తర్వాత రామ్చరణ్ నటిస్తున్న ఈ సినిమాపై అభిమానుల్లో భారీ అంచనాలేలు ఏర్పడ్డాయి. ఈ చిత్రంలో చరణ్కు జోడీగా బాలీవుడ్ భామ కియారా అడ్వానీ నటిస్తోంది. ఈ సినిమాలో తండ్రీకొడుకులుగా రామ్చరణ్ ద్విపాత్రాభినయంలో కనిపిస్తారు. అంజలి, సముద్రఖని, ఎస్.జె.సూర్య, శ్రీకాంత్, సునీల్ తదితరులు ఈ చిత్రంలో నటిస్తున్నారు. ఇక ఈ సినిమాకు తమన్ సంగీతం అందిస్తున్నారు. గేమ్ ఛేంజర్ ఈ ఏడాది సెప్టెంబర్లో ప్రేక్షకుల ముందుకు రానున్నట్లు తెలుస్తోంది.
Also Read..
Gulmarg | గుల్మార్గ్ను ఇలా ఎన్నడూ చూడలేదు.. మంచు మాయంపై ఒమర్ అబ్దుల్లా ఆందోళన
Ambati Rayudu | పవన్ కల్యాణ్తో అంబటి రాయుడు భేటీ.. జనసేనలోకి చేరే ఛాన్స్..?
Heart Attack | క్రికెట్ ఆడుతుండగా గుండెపోటు.. పిచ్ మధ్యలో కుప్పకూలి టెకీ మృతి