Gulmarg | గుల్మార్గ్‌ను ఇలా ఎన్నడూ చూడలేదు.. మంచు మాయంపై ఒమర్‌ అబ్దుల్లా ఆందోళన

Gulmarg | ప్రముఖ పర్యాటక ప్రాంతం గుల్మార్గ్‌ (Gulmarg)లో మంచు మాయమవడంపై నేషనల్‌ కాన్ఫరెన్స్‌ నేత (National Conference leader) ఒమర్‌ అబ్దుల్లా (Omar Abdullah) ఆందోళన వ్యక్తం చేశారు.

Gulmarg | భూతల స్వర్గం క‌శ్మీర్ అంటే ముందుగా గుర్తొచ్చేది మంచు (Snow), చల్లటి వాతావరణం. శీతాకాలం (Winter)లో విపరీతమైన మంచులో పర్యాటకులు తెగ ఎంజాయ్‌ చేస్తుంటారు. అయితే, ఎన్నడూ లేని విధంగా ఈ ఏడు వింటర్‌లో అక్కడ హిమపాతం లేకపోవడం ఆందోళన కలిగిస్తోంది. నిత్యం టూరిస్ట్‌లను తెగ అట్రాక్ట్‌ చేసే గుల్మార్గ్‌ (Gulmarg)లో ఇప్పుడు మంచు మాయమైంది. ప్రముఖ పర్యాటక ప్రాంతంలో మంచు కురవకపోవడం స్థానికుల్ని, పర్యాటకుల్ని తీవ్ర కలవరానికి గురి చేస్తోంది.

ఈ నేపథ్యంలోనే గుల్మార్గ్‌లో మంచు పరిస్థితులపై జమ్మూకశ్మీర్‌ మాజీ సీఎం, నేషనల్‌ కాన్ఫరెన్స్‌ నేత (National Conference leader) ఒమర్‌ అబ్దుల్లా (Omar Abdullah) ఆందోళన వ్యక్తం చేశారు. శీతాకాలంలో గుల్మార్గ్‌లో ఎన్నడూ ఇలాంటి పొడి వాతావరణ పరిస్థితులు (Gulmarg so dry) చూడలేదని అన్నారు. ఈ మేరకు గత రెండేళ్లలో ఒకే రోజు దిగిన ఫొటోలను ప్రముఖ సామాజిక మాధ్యమం ఎక్స్‌లో పోస్టు చేశారు.

‘శీతాకాలంలో గుల్మార్గ్ ఇంత పొడిగా ఉండటం నేను ఎప్పుడూ చూడలేదు. తాజా పరిస్థితుల నేపథ్యంలో గత రెండేళ్లలో (2022, 2023)లో దిగిన ఫొటోలను షేర్‌ చేస్తున్నా. ఆ రెండు ఫొటోలూ జనవరి 6వ తేదీన దిగినవే. త్వరలో ఇక్కడ మంచు కురవకపోతే వేసవి మరింత దయనీయంగా ఉంటుంది. నాలాంటి స్కీయర్ల గురించి ప్రత్యేకంగా చెప్పాల్సిన అవసరం లేదు. మంచులో స్కీయింగ్‌ చేసేందుకు ఎక్కువ రోజులు వేచి చూడలేరు. మంచు లేకపోతే వాళ్లకు ఇక్కడ ఏమీ లేనట్లే’ అంటూ పోస్ట్‌ పెట్టారు. ప్రస్తుతం ఈ పోస్ట్‌ వైరల్‌ అవుతోంది.

I’ve never seen Gulmarg so dry in the winter. To put this in to perspective here are a couple of photographs from previous years, both taken on the 6th of Jan. If we don’t get snow soon the summer is going to be miserable. Not to mention skiers like me who can’t wait to get on… https://t.co/6Bj2umfGJq pic.twitter.com/gkhMZ49XSf

— Omar Abdullah (@OmarAbdullah) January 9, 2024

కాగా, ఎల్‌నినో ప్రభావం వ‌ల్ల ఈ ఏడాది మంచు కుర‌వ‌డం లేద‌ని నిపుణులు అంటున్నారు. ప‌సిఫిక్ స‌ముద్రంలో వేడి వాతావ‌ర‌ణం వ‌ల్ల కూడా ఇలా జ‌రుగుతున్నట్లు భావిస్తున్నారు. టూరిస్టులు, స్పోర్ట్స్ ల‌వ‌ర్స్ మాత్రమే కాదు.. స్నో ఫాల్ లేక‌పోవ‌డం వ‌ల్ల నీటి స‌మ‌స్యలు కూడా త‌లెత్తే అవ‌కాశాలు ఉన్నాయి. గుల్మార్గ్ లాంటి ప్రాంతాల్లో భ‌విష్యత్తులో మ‌రింత క‌రువు ప‌రిస్థితులు ఎదుర‌య్యే అవ‌కాశాలు ఉన్నాయ‌ని వాతావ‌ర‌ణ శాఖ అధికారులు తెలిపారు.

Also Read..

Ambati Rayudu | పవన్‌ కల్యాణ్‌తో అంబటి రాయుడు భేటీ.. జనసేనాలోకి చేరే ఛాన్స్‌..?

Bengaluru CEO | తల్లిచేతిలో బలైన ఆ చిన్నారికి అంత్యక్రియలు పూర్తి.. వీడియో

Heart Attack | క్రికెట్‌ ఆడుతుండగా గుండెపోటు.. పిచ్‌ మధ్యలో కుప్పకూలి టెకీ మృతి