కన్నుగీటుతో ఓవర్ నైట్ స్టార్ గా మారిన మలయాళీ ముద్దుగుమ్మ ప్రియాప్రకాశ్ వారియర్ (Priya Prakash Varrier). ఒరు ఆడార్ లవ్ (Oru Adaar Love) సినిమాతో ఒక్కసారిగా పాపులర్ అయిపోయిన ఈ భామకు ఫాలోవర్ల సంఖ్య కూడా భారీగానే పెరిగిపోయింది. సోషల్ మీడియాలో యాక్టివ్ గా ఉండే ప్రియా వారియర్ కు సంబంధించిన వీడియో ఒకటి ఇపుడు నెట్టింట్లో హల్ చల్ చేస్తోంది. రణ్ బీర్ కపూర్ నటించిన యే దిల్ హై ముష్కిల్ నుంచి చెన్న మెరేయా (Channa Mereya) పాట ఏ స్థాయిలో పాపులర్ అయిందో ప్రత్యేకంగా చెప్పనవసరం లేదు. ఓ పార్టీకి హాజరైన ప్రియా వారియర్ చెన్న మెరేయా పాట పాడిన త్రోబ్యాక్ వీడియో ఇపుడు ఆన్ లైన్ లో హల్ చల్ చేస్తోంది.
చెర్రీ పండు రంగు చీరలో అందాలు ఆరబోసింది. ఈవెంట్ సందర్భంగా పాటలు పాడే కార్యక్రమం పెట్టుకున్నారు. ప్రియా వారియర్ యే దిల్ హై ముష్కిల్ నుంచి తనకిష్టమైన చెన్న మెరేయా పాటను పాడుతుండగా..మిగిలిన వారంతా కోరస్ అందించారు. పార్టీ మూడ్లో ప్రియా వారియర్ పాడిన హిందీ పాట అందరినీ ఆకట్టుకుంటోంది. ఈవెంట్ లో స్లీవ్ లెస్ టాప్, సంప్రదాయ చీరకట్టులో మెరిసిపోతూ ప్రత్యేక ఆకర్షణగా నిలిచింది మలయాళ భామ.
ఈ ఏడాది చెక్, ఇష్క్ సినిమాలతో తెలుగు ప్రేక్షకులను పలుకరించింది ప్రియా వారియర్. హిందీలో శ్రీదేవి బంగ్లా, కన్నడలో విష్ణుప్రియ చిత్రాల్లో నటిస్తోంది ప్రియావారియర్. ఈ సుందరికి ఇన్ స్టాగ్రామ్లో 7 మిలియన్లకు పైగా ఫాలోవర్లున్నారు.
Vijay Deverakonda | బాక్సింగ్ రింగ్ లో విజయ్ దేవరకొండ..లైగర్ స్టిల్ వైరల్
Jagapathi Babu: యూఎస్లో సరదాగా.. జగపతి బాబు పోస్ట్ వైరల్
Love Story: హృద్యంగా ఉన్న లవ్ స్టోరీ ట్రైలర్..!