కొత్త లంబోర్గిని కారులో ప్ర‌భాస్ సోద‌రి షికారు.. వీడియో వైరల్

ప్ర‌భాస్ కారు | ప్ర‌భాస్ ద‌గ్గ‌ర‌ ఇప్ప‌టికే BMW 520D, ఇన్నోవా క్రిస్టా, జాగ్వార్‌‌ ఎక్స్‌జేఎల్‌, రేంజ్‌ రోవర్‌ వోగ్‌, రోల్స్‌ రాయ్స్‌ గోస్ట్ కార్లు ఉన్నాయ‌ని స‌మాచారం. ఇప్పుడు ఈ జాబితాలోకి లంబోర్గిని అవెంటాడర్‌ ఎస్‌ రోడ్‌స్టర్ కూడా జాయిన్ అయింది.

April 12, 2021 / 05:39 PM IST

కొత్త లంబోర్గిని కారులో ప్ర‌భాస్ సోద‌రి షికారు.. వీడియో వైరల్

మన హీరోల్లో చాలామందికి కార్ల పిచ్చి చాలానే ఉంది. మార్కెట్‌లోకి కొత్త కారు వచ్చిందంటే మన ఇంట్లో ఉండాల్సిందే అంటారు హీరోలు. ముఖ్యంగా ప్రభాస్ అయితే కార్లు బాగానే కొంటుంటాడు. రెండు వారాల కింద ఈయన కొత్త కారు కొన్నాడు. అదే లంబోర్గిని అవెటాండ‌ర్ ఎస్ రోడ్‌స్ట‌ర్‌. అది కూడా రూ.7కోట్లు ఖ‌ర్చు పెట్టి మ‌రీ ల‌గ్జ‌రీ కారును బెంగ‌ళూరు నుంచి త‌న ఇంటికి తెప్పించుకున్నాడు. తెలుగు ఇండస్ట్రీలో మ‌న హీరోల ద‌గ్గ‌ర ఉన్న కార్ల‌లో అత్యంత ఖ‌రీదైన కారు ఇదే. నారింజ రంగులో మెరిసే పోయే ఈ కారు గురించి ఇటీవ‌ల‌ సోష‌ల్ మీడియాలో వైర‌ల్‌గా మారి‌న సంగ‌తి తెలిసిందే.
ప్ర‌భాస్ ప్ర‌స్తుతం నాలుగు సినిమాల‌తో బిజీగా ఉన్నాడు. రాధాకృష్ణ కుమార్ తో రాధే శ్యామ్.. ప్రశాంత్ నీల్ తో సలార్.. ఓం రౌత్ తో ఆదిపురుష్.. నాగ్ అశ్విన్ తో మరో సినిమా చేస్తున్నాడు ఈయన. రాబోయే రెండేళ్ళలోనే ఈ చిత్రాలన్నీ విడుదల కానున్నాయి. ఈ సినిమాలు అన్నీ పాన్ ఇండియ‌న్ సినిమాలే. పాన్ ఇండియ‌న్ స్టార్‌గా మారిన ప్ర‌భాస్ ఇప్పుడు రూ.100 కోట్ల వ‌ర‌కు రెమ్యున‌రే‌ష‌న్ తీసుకుంటున్నాడు. దానికి త‌గ్గ‌ట్టుగానే మెయింటెనెన్స్ చేస్తున్నాడు. ఈ క్ర‌మంలో ముంబైలోనే సెటిల్ అవ్వాల‌ని భావిస్తున్న ప్ర‌భాస్‌.. అక్క‌డే రూ.50కోట్లతో భారీ విల్లా కొనుగోలుకు ప్లాన్ చేస్తున్న‌ట్లు స‌మాచారం.

ఇదిలా ఉంటే.. ఇటీవ‌లే ప్ర‌భాస్ అత్యంత ఖ‌రీదైన కారు లంబోర్గిని అవెంటాడర్‌ ఎస్‌ రోడ్‌స్టర్ ను కొనుగోలు చేశాడు. మార్చి 28న ఈ కారు ప్ర‌భాస్ ఇంటికి వ‌చ్చింది. ప్ర‌భాస్ ద‌గ్గ‌ర‌ ఇప్ప‌టికే BMW 520D, ఇన్నోవా క్రిస్టా, జాగ్వార్‌‌ ఎక్స్‌జేఎల్‌, రేంజ్‌ రోవర్‌ వోగ్‌, రోల్స్‌ రాయ్స్‌ గోస్ట్ కార్లు ఉన్నాయ‌ని స‌మాచారం. ఇప్పుడు ఈ జాబితాలోకి లంబోర్గిని కూడా జాయిన్ అయింది. నారింజ రంగులో మెరిసే ఈ కారులో ప్ర‌భాస్ పెద్ద‌మ్మ శ్యామ‌లాదేవితో పాటు ఆయ‌న సొద‌రి ప్ర‌సీద రైడ్‌కు వెళ్లారు. ఈ వీడియోను ప్ర‌భాస్ పెద్ద‌మ్మ శ్యామ‌లాదేవి పోస్ట్ చేశారు. హైద‌రాబాద్ రోడ్ల‌పై ఈ ఇద్ద‌రూ షికారు చేస్తున్న వీడియో ఇప్పుడు సోష‌ల్ మీడియాలో వైర‌ల్ అవుతుంది.

లోక‌ల్ టు గ్లోబ‌ల్ వార్త‌ల కోసం.. న‌మ‌స్తే తెలంగాణ ఫేస్‌బుక్‌, ట్విట‌ర్ పేజీల‌ను ఫాలో అవ్వండి