ఓటీటీకి నో అంటోన్న నాని..!

టాలీవుడ్ స్టార్ హీరో నాని న‌టించిన మూవీ ‘వి’ లాక్ డౌన్ టైంలో ఓటీటీలో విడుద‌లైన సంగ‌తి తెలిసిందే. ఈ చిత్రం ఆశించిన విజ‌యాన్ని అందుకోలేక‌పోయింది.

April 21, 2021 / 04:39 PM IST

టాలీవుడ్ స్టార్ హీరో నాని న‌టించిన మూవీ ‘వి’ లాక్ డౌన్ టైంలో ఓటీటీలో విడుద‌లైన సంగ‌తి తెలిసిందే. ఈ చిత్రం ఆశించిన విజ‌యాన్ని అందుకోలేక‌పోయింది. అయితే ఇపుడు క‌రోనా సెకండ్ వేవ్‌తో ఏప్రిల్ 23న విడుద‌ల కానున్న ‘ట‌క్ జ‌గ‌దీష్’ చిత్రం వాయిదా ప‌డ్డ‌ది. శ్యామ్ సింగ‌రాయ్ రిలీజ్ కూడా ఆల‌స్యమ‌య్యే అవ‌కాశాలు క‌న్పిస్తున్నాయి.

అయితే ప్ర‌స్తుత ప‌రిస్థితుల్లో కొంత‌మంది ద‌ర్శ‌క‌నిర్మాత‌లు ఓటీటీ వైపు చూస్తున్నార‌ని వార్త‌లు తెర‌పైకి వ‌స్తున్నాయి. ఈ నేప‌థ్యంలో నాని నిర్మాత‌ల‌కు ఓటీటీ వైపు వెళ్లొద్ద‌ని చెప్పాడ‌ట‌. ట‌క్ జ‌గ‌దీష్ చిత్రాన్ని కేవ‌లం థియేట‌ర్ల‌లో మాత్ర‌మే విడుద‌ల చేస్తాన‌ని అభిమానుల‌కు హామీనిచ్చాడు నాని. శ్రీరామ న‌వ‌మి సంద‌ర్భంగా ట‌క్‌జ‌గ‌దీష్ మేక‌ర్స్ విడుద‌ల చేసిన కొత్త పోస్ట‌ర్ అంద‌రినీ ఆక‌ట్టుకుంటోంది.