Jawan Movie | షారుఖ్‌ను నేచురల్ రిసోర్స్‌గా ప్రకటించాల్సిన సమయం ఆసన్నమైంది.. జవాన్‌ మూవీపై ఆనంద్‌ మహీంద్రా రివ్యూ

Jawan Movie | బాలీవుడ్ బాద్‌షా షారుఖ్‌ఖాన్‌ (Shah Rukh Khan)ను నేచురల్ రిసోర్స్ (Natural Resource)గా ప్రకటించాల్సిన సమయం ఆసన్నమైంది అని అన్నారు ప్రముఖ పారిశ్రామిక వేత్త ఆనంద్‌ మహీంద్రా (Anand Mahindra).

Jawan Movie | బాలీవుడ్ బాద్‌షా షారుఖ్‌ఖాన్‌ (Shah Rukh Khan) నటించిన‌ తాజా యాక్షన్‌ ఎంటర్‌టైనర్‌ ‘జవాన్‌’ (Jawan). అట్లీ (Atlee) దర్శకత్వంలో తెరకెక్కిన ఈ చిత్రం గురువారం ప్రేక్షకుల ముందుకు వచ్చి బ్లాక్‌బస్టర్‌ హిట్‌ అందుకుంది. ఈ చిత్రంలో షారుఖ్‌ నటనకు ప్రేక్షకులు ఫిదా అవుతున్నారు. ప్రేక్షకులే కాదు టాలీవుడ్‌ దర్శకధీరుడు రాజమౌళి, సూపర్‌ స్టార్‌ మహేశ్‌ బాబు వంటి పలువురు సినీ ప్రముఖులు కూడా ఈ చిత్రంపై ప్రశంసలు కురిపిస్తున్నారు. ఈ చిత్రంలోని షారుఖ్‌ నటనకు మైమరచిపోతున్నారు. తాజాగా ఈ జాబితాలోకి ప్రముఖ పారిశ్రామిక వేత్త ఆనంద్‌ మహీంద్రా (Anand Mahindra) వచ్చి చేరారు.

ఆనంద్‌ మహీంద్రా గురించి ప్రత్యేకించి చెప్పాల్సిన పని లేదు. ఆయన ఎప్పుడూ సోషల్‌ మీడియాలో యాక్టివ్‌గా ఉంటూ తన అభిప్రాయాలను వ్యక్తపరుస్తుంటారు. తాజాగా ‘జవాన్‌’ చిత్రంపై కూడా ఆనంద్‌ మహీంద్రా తన రివ్యూ ఇచ్చారు. ఈ సందర్భంగా బాద్‌షాపై ప్రశంసలు కురిపించారు. షారుఖ్‌ ఖాన్ నేచురల్ రిసోర్స్ (Natural Resource) అని పేర్కొన్నారు. ఈ మేరకు ఆయన ఓ ట్వీట్‌ చేశారు. ‘సహజంగా అన్ని దేశాలూ తమ సహజ వనరులను భద్రంగా కాపాడుకుంటాయి. వాటిని మైనింగ్ చేసి, విదేశీ మారకద్రవ్యం కోసం ఎగుమతి చేస్తుంటాయి. ఇదే కోవలోనే ఇప్పుడు షారుఖ్‌ ఖాన్ నేచురల్ రిసోర్స్ గా ప్రకటించాల్సిన సమయం ఆసన్నమైంది’ అంటూ ఆనంద్ మహీంద్రా రాసుకొచ్చారు.

ప్రస్తుతం ఈ ట్వీట్‌ తెగ వైరల్‌ అవుతూ.. అభిమానులను ఆకట్టుకుంటోంది. ఇక మహీంద్రా ట్వీట్‌పై బాద్‌షా కూడా స్పందించాడు. ఈమేరకు ఆనంద్‌ మహీంద్రాకు ప్రత్యేక కృతజ్ఞతలు తెలిపారు. సినిమా మేకింగ్ విషయంలో దేశం గర్వపడేలా చేయడానికి ప్రయత్నిస్తూనే ఉన్నాను అని తెలిపారు. సహజ వనరుగా తాను పరిమితం కాను అని పేర్కొన్నారు.

Thank u so much. I keep trying in my small humble way to make our country proud in terms of making cinema. And hope as a ‘natural resource’ I am not limited!!! Big hug sir. https://t.co/mNcyCDdrNE

— Shah Rukh Khan (@iamsrk) September 8, 2023

జవాన్‌ చిత్రం గురువారం ప్రపంచ వ్యాప్తంగా ప్రేక్షకుల ముందుకు వచ్చిన విషయం తెలిసిందే. రెడ్‌ చిల్లీస్‌ ఎంటర్‌టైన్‌మెంట్‌ (Red Chillies Entertainments) సమర్పణలో గౌరీ ఖాన్‌ ఈ చిత్రాన్ని నిర్మించింది. యాక్షన్‌ థ్రిల్లర్‌ నేపథ్యంలో తెరకెక్కిన‌ ఈ సినిమాలో విజయ్‌ సేతుపతి ప్రతినాయకుడిగా కనిపించాడు. షారుఖ్‌కు జోడీగా నయనతార నటించింది. బాలీవుడ్‌ స్టార్‌ హీరోయిన్‌ దీపికా పదుకొణె గెస్ట్‌ అప్పియరెన్స్‌ ఇచ్చింది. ప్రస్తుతం ఈ చిత్రం బాక్సాఫీసు వద్ద దూసుకెళ్తోంది. కలెక్షన్ల పరంగా కాసుల వర్షం కురిపిస్తోంది. షారుఖ్‌ గత రికార్డులను కూడా ఈ చిత్రం ఇప్పటికే బ్రేక్‌ చేసేసింది.

Also Read..

Bridal Shoes | పెండ్లిళ్లకు అమ్మాయిలే కాదు.. వధువుల షూస్ కూడా అందంగా రెడీ అవుతున్నాయి!

Nayanthara | దేనికైనా టైమ్ రావాలంటున్న నయనతార.. ఫుల్ ఫోకస్ బాలీవుడ్‌పైనే పెట్టిందా?

Indian 2 | ఇండియా పేరు మార్పు వివాదం.. కమల్ హాసన్ సినిమా టైటిల్‌పై కన్ఫ్యూజన్!