చిరంజీవి చెల్లెలుగా జయమ్మ ఒప్పుకుంటుందా..?

చిరంజీవి చెల్లెలుగా జయమ్మ | అదే పాత్ర కోసం ఇప్ప‌టికే న‌య‌న‌తార‌, త్రిష, విజ‌య‌శాంతి, సుహాసినిని అడిగారు. కానీ చిరు చెల్లెలు పాత్ర‌కి వాళ్లు నో చెప్పారు.

April 3, 2021 / 09:27 PM IST

చిరంజీవి చెల్లెలుగా జయమ్మ ఒప్పుకుంటుందా..?

మెగాస్టార్ చిరంజీవి ప్ర‌స్తుతం వ‌ర‌స సినిమాలతో బిజీ బిజీగా ఉన్నాడు. ఇప్ప‌టికే షూటింగ్ పూర్తి చేసుకున్న‌ ఆచార్య సినిమా మే 14న విడుద‌లకు సిద్ధ‌మైంది. ఈ సినిమాకు సంబంధించి ఇటీవ‌ల విడుద‌లైన‌ లుక్స్‌, లాహే లాహే సాంగ్ సినిమాపై అంచనాలు పెంచేస్తున్నాయి. ఇదిలా ఉంటే ఆచార్య త‌ర్వాత వేదాళం, లూసీఫ‌ర్ రీమేక్‌ల‌లో న‌టించ‌బోతున్నాడు చిరంజీవి. వీటిలో లూసిఫ‌ర్ రీమేక్ ముందుగా సెట్స్‌పైకి వెళ్ల‌నుంది. అయితే ఇందులో చిరంజీవి చెల్లి పాత్ర ఒక‌టి ఉంటుంది. ఆ పాత్రకు ఇప్ప‌టికే చాలామంది సీనియ‌ర్ హీరోయిన్ల పేర్లు వినిపించాయి. కానీ ఎవ‌రూ ఫైన‌ల్ కాలేదు. దీంతో ఇప్పుడు చిరంజీవి చెల్లెలు పాత్ర కోసం వ‌ర‌ల‌క్ష్మీ శ‌ర‌త్‌కుమార్‌ను అడుగుతున్నట్లు టాలీవుడ్‌లో వార్త‌లు వినిపిస్తున్నాయి.

లూసిఫ‌ర్ మ‌ల‌యాళ‌ మాతృకలో మోహన్ లాల్ చెల్లి పాత్ర ఒకటి ఉంటుంది. ముఖ్యమంత్రి కూతురుగా ఆ పాత్రను మంజు వారియర్ చేసింది. ఇక్కడ అదే పాత్ర కోసం ఇప్ప‌టికే న‌య‌న‌తార‌, త్రిష, విజ‌య‌శాంతి, సుహాసిని, లాంటి హీరోయిన్ల‌ను అడిగారు. కానీ చిరంజీవి చెల్లెలు గా న‌టించేందుకు వాళ్లు నో చెప్పారు. దీంతో ఇప్పుడు ఆ పాత్ర కోసం వ‌ర‌ల‌క్ష్మి శ‌ర‌త్‌కుమార్‌ను ప్ర‌యత్నిస్తున్నారు ద‌ర్శ‌క నిర్మాత‌లు.

ఈ మధ్య వరలక్ష్మి తెలుగులో చాలా బిజీ అయిపోయింది. నాంది, క్రాక్ లాంటి సినిమాలతో 2021లో వరస విజయాలు అందుకుంది. పైగా ఈమె నటనకు ఇక్కడ ఫిదా అయిపోతున్నారు దర్శక నిర్మాతలు. ముఖ్యంగా పాజిటివ్, నెగిటివ్.. కారెక్టర్ ఏదైనా కూడా అందులో రప్ఫాడిస్తుంది వరలక్ష్మి. అందుకే ఇప్పుడు లూసీఫర్ రీమేక్ కోసం ఆమెను అడుగుతున్నారు. అయితే ఈ పాత్ర కోసం వ‌ర‌ల‌క్ష్మి ఏకంగా రూ.6 కోట్లు డిమాండ్ చేస్తున్నట్లు వార్తలు వినిపిస్తున్నాయి. దాంతో ఆలోచనలో పడిపోతున్నారు మేకర్స్. ఈ సినిమాను మోహన్ రాజా తెరకెక్కిస్తున్నాడు. ఏప్రిల్‌లోనే లూసీఫర్ రీమేక్ సెట్స్ పైకి రానుంది. ఇందులో హీరోయిన్ లేకుండానే నటింబోతున్నాడు చిరంజీవి. పొలిటికల్ ఎంటర్ టైనర్‌గా ఈ చిత్రం ఉండబోతుంది.

లోక‌ల్ టు గ్లోబ‌ల్ వార్త‌ల కోసం.. న‌మ‌స్తే తెలంగాణ ఫేస్‌బుక్‌, ట్విట‌ర్ పేజీల‌ను ఫాలో అవ్వండి