SUV sales.. జూన్‌లో బ్రెజా 3 రెట్లు.. సెకండ్ స్లాట్‌లో నెక్సాన్‌..!!

SUV sales.. జూన్‌లో బ్రెజా 3 రెట్లు.. సెకండ్ స్లాట్‌లో నెక్సాన్‌..!!| గ‌త నెల‌లో ఎస్‌యూవీ కార్ల డిమాండ్ పెరిగింది. మారుతి బ్రెజా మొద‌టి స్థానంలో ఉండ‌గా ...

July 11, 2021 / 05:09 PM IST

న్యూఢిల్లీ: కోవిడ్‌-19 కేసులు త‌గ్గుముఖం ప‌డుతుండ‌గానే కార్ల విక్ర‌యాలు పుంజుకున్నాయి. గ‌త నెల‌లో కార్ల కొనుగోళ్ల‌లో 22.62 శాతం గ్రోత్ న‌మోదైంది. వీటిలో ల‌గ్జ‌రీ కార్లు, ఎస్‌యూవీ మోడ‌ల్ కార్ల‌కు డిమాండ్ పెరిగింది. మారుతి మొద‌లు హ్యుండాయ్‌, టాటా, మ‌హీంద్రా సంస్థ‌ల‌కు చెందిన ఎస్‌యూవీ కార్ల కొనుగోళ్లు వ్రుద్ధి చెందాయి.

ఎస్‌యూవీ కార్ల‌లో బ్రెజా బెస్ట్

కార్ల కొనుగోళ్ల‌లో టాప్‌-10లో మారుతి వేరియంట్లు నిలుస్తాయి. వాటిల్లో మారుతి బ్రెజా.. టాప్‌-5 మోడ‌ల్ కార్ల‌లో ఒక‌టిగా నిలిచింది. గ‌తేడాది జూన్‌తో పోలిస్తే గ‌త నెల‌లో 12,833 యూనిట్లు అమ్ముడ‌య్యాయి. 2020తో పోలిస్తే 6,805 బ్రెజా మోడ‌ల్ కార్ల సేల్స్ ఎక్కువ‌గా న‌మోద‌య్యాయి.

గ‌తేడాది 4,542 యూనిట్లు మాత్రమే అమ్ముడ‌య్యాయి. జూన్ నెల ఎస్‌యూవీ సెగ్మెంట్ కార్ల సేల్స్‌లో బ్రెజా బెస్ట్‌గా నిలిచింది. నెల‌వారీ గ్రోత్ 182.54 శాతంగా నిలిచింది. వార్షిక ప్రాతిప‌దిక‌న బ్రెజా కార్ల విక్ర‌యాలు సుమారు మూడు రెట్లు పెరిగాయి.

ఎస్‌యూవీ కార్ల కొనుగోలుకే మొగ్గు

గ‌తేడాదితో పోలిస్తే గ‌త నెల‌లో ఎస్‌యూవీ మోడ‌ల్ కార్ల కొనుగోలుకే యూజ‌ర్లు మొగ్గు చూప‌డం పెరిగింది. టాటా మోటార్స్ వారి టాటా నెక్స‌న్ రెండున్న‌ర రెట్లు గ్రోత్ న‌మోదైంది. గ‌తేడాది సెప్టెంబ‌ర్‌లో విప‌ణిలో అడుగిడిన కియా సోనెట్ మోడ‌ల్ కారు.. గ‌త నెల‌లో 5,963 యూనిట్లు అమ్ముడైంది.

7 నెల‌ల్లో మాగ్నైట్‌కు ఫుల్ పాపులారిటీ

గ‌తేడాది డిసెంబ‌ర్‌లో దేశీయ మార్కెట్‌లో నిస్సాన్ ఆవిష్క‌రించిన మాగ్నైట్ మోడ‌ల్ బోలెడు ప్ర‌జాద‌ర‌ణ పొందింది. కంపెనీ ప్ర‌క‌టించిన స్పెష‌ల్ ఆఫర్‌తోనూ మాగ్నైట్ బెనిఫిట్ పొందింది. జూన్‌లో 3252 యూనిట్ల మాగ్నైట్ అమ్ముడైంది. ఎస్‌యూవీ, మిడ్ ఎస్‌యూవీ సెగ్మెంట్ల‌లో మాగ్నైట్ 9వ‌ స్థానంలో నిలిచింది.