బ్యాంకింగ్ అవ‌క‌త‌వ‌క‌ల‌కు చెల్లు.. అందుకు ఆర్బీఐ కంప‌ల్స‌రీ లీవ్

బ్యాంకింగ్ అవ‌క‌త‌వ‌క‌ల‌కు చెల్లు.. అందుకు ఆర్బీఐ కంప‌ల్స‌రీ లీవ్ | బ్యాంకుల్లో అక్ర‌మాల‌కు తెర ప‌డ‌నున్న‌ది. సెన్సిటివ్ స‌మాచారం గ‌ల అధికారుల‌ను ..

July 10, 2021 / 08:41 PM IST

ముంబై: ఇక నుంచి బ్యాంకింగ్ రంగంలో ఉద్యోగులు, అధికారులు సేవలందించడం కత్తిమీద సాము కానున్నది. బ్యాంకుల్లో అవకతవకలను నియంత్రించడానికి భారతీయ రిజర్వు బ్యాంక్ (ఆర్బీఐ) ప్లాన్ రూపొందించింది. ఈ ప్లాన్‌లో భాగంగా సున్నితమైన డేటా కలిగి ఉన్న బ్యాంక్ అధికారులను ఏడాదిలో ఒకసారి కంపల్సరీ లీవ్‌పై పంపుతారు. ఈ నిర్ణయం అకస్మాత్‌గా తీసుకుంటారు.
త్త్రి నియంత్త్రి

కంపల్సరీ లీవ్ అమలుకు బ్యాంకులకు ఆదేశం

తమ అధికారులకు కంపల్సరీ లీవ్ విధానాన్ని అమలు చేయాలని బ్యాంకులను ఆర్బీఐ కోరింది. దీని ప్ర‌కారం సంబంధిత బ్యాంకులు.. సున్నిత స‌మాచారం గ‌ల అధికారుల‌ను అక‌స్మాత్‌గా 10 రోజులు సెల‌వులో పంపాల్సి ఉంటుంది. ముంద‌స్తుగా అధికారుల‌కు బ్యాంకులు స‌మాచారం ఇవ్వ‌వు.

ట్రెజ‌రీ, క‌రెన్సీ విభాగాలకే ఈ నిబంధ‌న‌

బ్యాంకుల్లో అధికారుల‌కు కంపల్స‌రీ లీవ్ అమ‌లు చేయాల‌న్న నిబంధ‌న కొన్ని సెక్ష‌న్ల‌కు మాత్ర‌మే వ‌ర్తిస్తుంది. ప్ర‌త్యేకించి ట్రెజ‌రీ, క‌రెన్సీ, రిస్క్ మోడ‌లింగ్ త‌దిత‌ర విభాగాల్లో సీనియ‌ర్లుగా ఉన్న వారికే ఈ రూల్ అమ‌లులోకి వ‌స్తుంది.

కంప‌ల్స‌రీ సెల‌వులో ఇలా..

అధికారులు కంప‌ల్స‌రీ సెల‌వులో ఉన్న‌ప్పుడు బ్యాంకును సంద‌ర్శించ‌డం గానీ, ఆన్‌లైన్‌లో లావాదేవీలను పొంద‌డం గానీ చేయొద్దు. ఈ నిబంధ‌న అమ‌లు చేయ‌డానికి బ్యాంకుల‌కు ఆర్బీఐ ఆరు నెల‌ల గ‌డువు పెట్టింది.

ఇప్ప‌టికే కొన్ని బ్యాంకుల్లో అమ‌లు

కొన్నిబ్యాంకుల్లో ఇప్ప‌టికే ఇటువంటి నిబంధ‌న‌లు అమ‌లులో ఉన్నాయి. వాటిల్లో కొన్ని ప్రైవేట్ బ్యాంకులు కూడా ఉన్నాయి. ప్ర‌పంచ వ్యాప్తంగా బ్యాంకుల్లో అమ‌లులో ఉన్న ప‌ద్ద‌తి ఇది. ఏదైనా ఉద్యోగి అవ‌క‌త‌వ‌క‌ల‌కు పాల్ప‌డితే, ఆయ‌న ప‌రోక్షంలో నిర్ధారించ‌డానికి వీలుగా కంప‌ల్స‌రీ లీవ్ విధానాన్ని అమ‌లులోకి తెచ్చింది.