భార‌త్‌లోనూ క్రిప్టో ఒక అసెట్‌: నంద‌న్ నిలేక‌ని సంచ‌ల‌నం!!

భార‌త్‌లోనూ క్రిప్టో ఒక అసెట్‌: నంద‌న్ నిలేక‌ని సంచ‌ల‌నం!! భార‌త్‌లో క్రిప్టో క‌రెన్సీలు ఒక అసెట్ క్లాస్‌గా ఆమోదించాల‌ని ఇన్ఫోసిస్ స‌హ ...

June 7, 2021 / 09:23 PM IST

న్యూఢిల్లీ: భార‌త్‌లో క్రిప్టో క‌రెన్సీలు ఒక అసెట్ క్లాస్‌గా ఆమోదించాల‌ని ఇన్ఫోసిస్ స‌హ వ్య‌వ‌స్థాప‌కుడు-చైర్మ‌న్‌, ఆధార్ ఐడెంటిటీ సిస్టం ఆర్కిటెక్ నంద‌న్ నిలేక‌ని కోరారు. ఒక‌వేళ నియంత్ర‌ణ ఒడిదొడుకులు ఎదుర్కొంటున్నా భార‌త్‌లో రోజు రోజుకు క్రిప్టో క‌రెన్సీని ఆమోదించే వారు పెరుగుతున్నార‌న్నారు.

బంగారాన్ని, భూమిని మీరు ఆస్తిగా భావిస్తే, మీలో కొంద‌రు క్రిప్టో క‌రెన్సీని కూడా మీ ఆస్తిగా భావిస్తార‌ని ఓ ఆంగ్ల దిన‌ప‌త్రిక‌కు ఇచ్చిన ఇంట‌ర్వ్యూలో నంద‌న్ నిలేక‌ని చెప్పారు. అయితే, క్రిప్టో క‌రెన్సీ స్టోర్డ్ వాల్యూ అని, దానికి లావాదేవీల సెన్స్ లేద‌న్నారు.

భార‌త్ ఇప్ప‌టికీ పేమెంట్ మోడ్‌గా క్రిప్టో క‌రెన్సీని ఆమోదించ‌లేద‌ని నిలేక‌ని అన్నారు. క్రిప్టో క‌రెన్సీలో అనిశ్చితి వ‌ల్ల, ఇంధ‌నాన్ని ధ్వంసం చేస్తున్నందు వ‌ల్ల ప్ర‌భుత్వ క‌రెన్సీకి ప్ర‌త్యామ్నాయం కాలేద‌న్నారు.

క్రిప్టో క‌రెన్సీని కేంద్ర ప్ర‌భుత్వం చ‌ట్ట‌బ‌ద్ధం చేస్తే.. క్రిప్టో క‌రెన్సీ పెట్టుబ‌డి దారులు త‌మ సంప‌ద‌ను భార‌త ఆర్థిక వ్య‌వ‌స్థ‌లో మ‌దుపు చేయ‌డానికి వ‌స్తార‌ని ఏంజిల్ ఇన్వెస్ట‌ర్ బాలాజీ శ్రీ‌నివాస‌న్‌, బ్లూం వెంచ‌ర్స్‌కు చెందిన కార్తీక్ రెడ్డిల‌తో జ‌రిగిన చ‌ర్చాగోష్టిలో నిలేక‌ని అన్నారు.

మీరు క్రిప్టో క‌రెన్సీని అసెట్‌గా భావిస్తే, క్రిప్టో క‌రెన్సీని క‌లిగి ఉండేందుకు అనుమ‌తించాలని నిలేక‌ని తెలిపారు. ఒక రోజులో కోటి లావాదేవీలు జ‌రిపే యూపీఐ మాదిరిగా క్రిప్టో క‌రెన్సీ ఒక మీడియం లావాదేవీగా ఉండ‌దన్నారు. కానీ, క్రిప్టో క‌రెన్సీ అపార‌మైన పెట్టుబ‌డి అన్నారు.

భార‌త నియంత్ర‌ణ అధికారులు కూడా సెంట్ర‌ల్ బ్యాంక్ డిజిట‌ల్ క‌రెన్సీ (సీబీడీసీ) ఏర్పాటు చేయాల‌ని ప‌రిశీలిస్తున్నార‌న్నారు. మ‌న‌కు ఒక ప్రైవేట్ స్టేబుల్ కాయిన్ అవ‌స‌ర‌మా.. లేదా.. అనేది చెప్ప‌లేమన్నారు. ఒక డిజిట‌ల్ రూపాయి ఉంటే చాల‌న్నారు.

2018లో దేశంలో క్రిప్టో క‌రెన్సీ లావాదేవీల‌పై ఆర్బీఐ నిషేధం విధించింది. కానీ గ‌తేడాది ఆర్బీఐ ఆదేశాల‌ను సుప్రీంకోర్టు కొట్టేసింది. కానీ, బ్యాంక‌ర్లు 2018 ఆర్బీఐ ఆదేశాల‌ అమ‌లుకు పూనుకున్నాయి. దీంతో 2018లో తాము జారీ చేసిన ఆదేశాల‌ను అమ‌లు చేయాల్సిన అవ‌స‌రం లేద‌ని ఆర్బీఐ తాజాగా స‌ర్క్యుల‌ర్ జారీ చేసింది.

తాజా వార్తల కోసం నమస్తే తెలంగాణ ఫేస్‌బుక్‌ , ట్విటర్‌, టెలిగ్రామ్‌ ను ఫాలో అవండి..