Health Insurance | ఆరోగ్య బీమా తీసుకోవాలనుకుంటున్నారా.. ఈ విషయాలు తప్పక తెలుసుకోండి!

Health Insurance |ఇప్పుడున్న ప‌రిస్థితుల్లో ప్ర‌తి ఒక్క‌రూ ఆరోగ్య బీమా పాల‌సీ తీసుకోవ‌డం త‌ప్పనిస‌రిగా మారింది.. అయితే, ..

July 11, 2021 / 06:17 PM IST

Health Insurance | ఆరోగ్య బీమా తీసుకోవాలనుకుంటున్నారా.. ఈ విషయాలు తప్పక తెలుసుకోండి!

న్యూఢిల్లీ: ఇప్పుడంతా క‌రోనా మ‌హ‌మ్మారి వెంటాడుతున్న కాలం.. ఈ రోజుల్లో ప్ర‌తి ఒక్క‌రూ ఆరోగ్య బీమా ( Health Insurance ) పాల‌సీ తీసుకోవ‌డం త‌ప్ప‌నిస‌రి. అయితే నూత‌న బీమా పాల‌సీదారులు స‌రైన ఇన్సూరెన్స్ పాల‌సీని ఎంచుకోవ‌డం చాలా ముఖ్యం కూడా. మీ కుటుంబ అవ‌స‌రాలు, బీమా రంగ మార్కెట్‌ను పూర్తిగా అధ్య‌య‌నం చేసిన త‌ర్వాత హెల్త్ ఇన్సూరెన్స్ పాల‌సీని ఎంచుకోవాలి. హెల్త్ ఇన్సూరెన్స్ పాల‌సీని ఎంచుకునే ముందు ప‌రిగ‌ణ‌న‌లోకి తీసుకోవాల్సిన అంశాలేమిటో చూద్దామా..!

మీ అనారోగ్య స‌మ‌స్య‌ల‌కు క‌వ‌రేజీ ల‌భిస్తుందా..

మీరు ఏదైనా ఆరోగ్య స‌మ‌స్య‌, వ్యాధితో బాధ‌ప‌డుతుంటే.. ఆయా బీమా కంపెనీలు దానికి క‌వ‌రేజీ ఇస్తున్నాయా.. లేదా.. అన్న సంగ‌తి ముందుగా తెలుసుకోవాలి. కొన్ని సంస్థ‌లు మీరు ఎదుర్కొంటున్న అనారోగ్య స‌మ‌స్య‌ల‌కు క‌వ‌రేజీని ఇస్తాయి. మ‌రికొన్ని ఇవ్వ‌వు. ఇటువంటి త‌రుణంలో మీ అనారోగ్య స‌మ‌స్య‌కు అందునా త‌క్కువ వెయిటింగ్ పీరియ‌డ్‌లో క‌వ‌రేజీ ఇచ్చే బీమా పాల‌సీని ఎంచుకోవాలి.

క్రిటిక‌ల్ ఇల్‌నెస్ క్ల‌యిమ్స్ జాబితా చ‌దివాకే..

ఇన్సూరెన్స్ పాల‌సీలో క్రిటిక‌ల్ అనారోగ్య స‌మ‌స్యకు క్లెయిమ్ ఎక్కువ‌గా ఉంటుంది. ప్ర‌స్తుతం మార్కెట్‌లో కొన్ని కీల‌క అనారోగ్య స‌మ‌స్య‌ల‌కు త‌క్కువ క్లెయిమ్ మొత్తాలు మాత్ర‌మే ఆఫ‌ర్ చేస్తున్నాయి. ఇటువంటి త‌రుణంలో ఆయా ఆరోగ్య బీమా పాల‌సీల గురించి జాగ్ర‌త్త‌గా తెలుసుకోవాలి. బీమా క‌వ‌రేజీ ల‌భించే క్రిటిక‌ల్ ఇల్‌నెస్ జాబితానూ జాగ్ర‌త్త‌గా చ‌దివాకే నిర్ణ‌యం తీసుకోవాలి.

పోస్ట్ హాస్పిట‌లైజేష‌న్ బిల్స్ క్లెయిమ్స్ బెస్ట్‌

ఎల్ల‌వేళ‌లా క‌స్ట‌మ‌ర్ పోస్ట్ హాస్పిట‌లైజేష‌న్ ఖ‌ర్చుల క‌వ‌రేజీ క‌ల్పించే బీమా పాల‌సీల‌ను ఎంచుకోవ‌డం బెట‌ర్‌గా ఉంటుంది. ప‌లు బీమా సంస్థ‌లు ఆఫ‌ర్ చేస్తున్న కొన్ని పాల‌సీల ప్ర‌కారం ప‌రిమితి దాటిన త‌ర్వాత రూమ్‌, ఐసీయూ బిల్లు పాల‌సీ తీసుకున్న వారే చెల్లించాల్సి ఉంటుంది. ఈ అంశాల‌న్నీ బీమా పాల‌సీపై సంత‌కం చేసే ముందు తెలుసుకోవాలి.

ప్రీమియంలో డిస్కౌంట్‌…

గ‌రిష్ట ట‌ర్మ్ బీమా పాల‌సీ తీసుకుంటే భారీ మొత్తంలో ప్రీమియం డిపాజిట్ చేయాల్సి ఉంటుంది. అటువంటి పాల‌సీల‌పై డిస్కౌంట్ అందిస్తున్న బీమా సంస్థ‌లు అనేకం ఉన్నాయి. ఈ పాల‌సీ ట‌ర్మ్ గ‌రిష్ఠంగా మూడేండ్లు ఉంటుంది. క‌నుక క‌స్ట‌మ‌ర్లు ఈ ప్రీమియంపై వ‌చ్చే డిస్కౌంట్‌ను త‌మ‌కు అనుకూలంగా మార్చుకోవాలి.

కో-పేమెంట్ నిబంధ‌న‌తో ఇలా..

బీమా పాల‌సీ తీసుకున్న క‌స్ట‌మ‌ర్ తాను పొందే బీమా సేవ‌ల‌కు తాను కొంత కో-పేమెంట్ రూపంలో చెల్లించాలి. అది అడ్వాన్స్‌గానే చెల్లించాలి. సీనియ‌ర్ సిటిజ‌న్ల‌కు ప‌లు బీమా పాల‌సీలు త‌మ పాల‌సీల్లో ఈ కో-పేమెంట్ స్కీమ్ ఆఫ‌ర్ చేస్తున్నాయి. కో-పేమెంట్ ఆప్ష‌న్ తొల‌గించొచ్చు. అలా చేయాల్సి వ‌స్తే అద‌న‌పు ప్రీమియం మ‌రికొంత చెల్లించాలి.